Marsa, 2012

Tantara tamin'ny Marsa, 2012

Nikaragoa: Horonantsary Momba Ny Vokatry Ny Lahatsarim-betaveta An-tsokosoko Mitady Fanohanana Ara-bola

  28 Marsa 2012

Andianà mpamokatra sy mpilalao sarimihetsika efa nahazo loka no tonga niaraka tany ambanivohitr'i Nikaragoa mba hamokatra horonantsary momba ny fiantraikan'ny fanodinana an-tsokosoko lahatsarim-betaveta ataon'ireo tanora izay lasa hitan'ny sarambabem-bahoaka aty aoriana noho ny tsy fitandremana. Mitady tohana ara-bola fanampiny ry zareo mba hamenoana ny saran'ny fipetrahany ao Matagalpa, Nikaragoa, ary ny vola rehetra voaangona dia holaniana ao an-toerana ihany

Torolàlana Asongadina: Mamorona Pejy Facebook Mandona (Ar.)

Rising Voices  28 Marsa 2012

Ilay noresahana betsaka momba ny Lohataona Arabo tao Tonizia, Ejipta ary nanerana ny faritra Afovoany Atsinanana dia niankina betsaka tamin'ny Aterineto sy ny media sosialy toy ny Twitter, Facebook sy YouTube. Ny SMEX dia namoaka torolàlana vaovao amin'ny teny Arabo Mamorona Pejy Facebook Mandona (Teny Arabo): Torolàlana ho an'ireo Fikambanam-piarahamonina Sivily Arabo. Ilay torolàlana dia hanampy ihany koa ireo Arabo mafàna fo vaovao, ary hatramin'ireo mpikarakara efa manana traikefa miezaka ny hahazo tombony tsara amin'ny media sosialy

India: Tovovavy Mianatra Mikasika Ny Lahatsary Firotsahana An-Tsehatra

  28 Marsa 2012

Vondrom-behivavy iray avy ao Hyderabad, faritra mahantra any India, no mianatra ny fomba famokarana lahatsary mba hanovàna ny vondrom-piarahamonina misy azy ireo, ary ao anatin'ity lahatsary manaraka ity ilay vondron-tovovavy dia manazava izay nianaran-dry zareo sy ny fomba hanampian-dry zareo ny vondrom-piarahamoniny sy ny tenany amin'ny alàlan'ny zava-bitan-dry zareo.

Syria: Taona Iray aty Aoriana, Am-pitiavana Be Avy Ao Beirut

Ny 15 Martsa dia nahatratra ny taona voalohany nisiany ny Revolisiona Siriana, voamariky ny fahavononana toy ny tany amboalohany . Hetsi-panoherana tany amin'ny tanàna samihafa nanerana izao tontolo izao no naneho ny fanohanan-dry zareo ilay revolisiona raha nanana ny fombany manokana ho entina maneho ny firaisankinany kosa i Beirut. Ity lahatsoratra ity no manazava ny fomba nanehoan'ireo mafàna fo ny fitiavan-dry zareo ny revolisiona Siriana teny amin'ny rindrin'i Beirut.

India: Ilay Gazety Soratànana Farany Indrindra Eto An-tany

  27 Marsa 2012

Ny endrika voalohan'ny gazety dia nosoratana tamin'ny tànana ary ankehitriny dia ny 'The Musalman' angamba no hany sisa gazety soratana amin'ny tànana mùanerana izao tontolo izao. Ao an-tanànan'i Chennai ao India, mitohy avoaka isanandro ity gazety efa ho 85 taona ity, ataon'ireo mpiangaly kalisoratra sora-tànana amin'ny fiteny Urdu.

BarCamp Angkor Voalohany ao Kambodza

  27 Marsa 2012

Nanomboka tamin'ny taona 2008, tao Phnom Penh no nokarakaraina ny BarCamps ao  Kambodza. Saingy tamin'ity taona ity, tao amin'ny tanàna faritanin'i Siem Reap indray no nanaovana ny BarCamp, ao amin'ny vavahady fidirana amin'ny tranoben'ny fiangonana Angkor izay fanta-daza manerantany.  Tao amin'ny “Build Bright University” ao amin'ny faritanin'i Siem Reap no toerana nanaovana ny hetsika. Tahaka ny BarCamps rehetra...

Koety: Tenifototra Iray Ve Dia Mampigadra Mpisera Twitter?

Satria moa fahita any amin'ny firenen-drehetra ny mpisera Twitter mampiasa tenifototra, dia misy ny tenifototra miforona isan'andro, isan'ora, eny fa na dia isa-minitra aza indraindray. Tany Koety, namorona ny tenifototra #بطارية (bateria na mpiteraka angovon'aratra amin'ny teny Arabo) ary dia vaky ny vavahadin'ny helo. Manazava ny antony amintsika ny mpamaham-bolongana Koesiana Abdullatif AlOmar.

Tonizia: Bilaogera Manampy Amin'ny Fandrafetana Ny Lalam-panorenana

Ny 23 Oktobra 2011, nifidy ny antenimiera handrafitra ny lalam-panorenany vaovao ry zareo Toniziana, taorian'ny nanonganana ny fitondran'i Ben Ali. Amin'izao fotoana, dimy volana aty aoriana, vao ny fandinihana ireo drafitra natolotra no natomboky ny antenimiera. Kanefa, ny tsy fitovian-kevitra manodidina ny artikla voalohany dia mampihisatra ny asan'ny antenimiera ary tafiditra eo afovoan'ny dinika ny momba ny Islam sy ny fizakana ny maha-olom-pirenena Arabo. Nijabahan'ireo mpiondana aterineto ilay izy mba hanampiany amin'ny fanotorana ny hantsana.

Porto Riko: “Androm-pirenena Ho An'ny Salsa” Ao Amin'ny Sekolin'ny Haikanto.

  27 Marsa 2012

Isan-taona,  ny Alahady fahatelo ny volana Martsa no hankalazaina ao Porto Riko ny Androm-pirenena ho an'ny Salsa. Na dia izany aza, nisy ireo hetsika isan-karazany nifandraika amin'izany fankalazana lehibe izany nandritra ny volana martsa  manontolo. Toy izany ny tamin'ny Alahady 11 Martsa teo, tao amin'ny Sekolin'ny Haikanto momba ny Mozika ao Porto Riko...