- Global Voices teny Malagasy - https://mg.globalvoices.org -

Taorian'ny Kony 2012, “Inona No Tiako Momba An'i Afrika” Ho Setriny

Sokajy: Afrika Mainty, Afrika Atsimo, Cote d'Ivoire, Eritrea, Kenyà, Nizeria, Oganda, Ady & Fifandirana, Hafanàm-po nomerika, Mediam-bahoaka, Vonjy Voina

Izay rehetra mpanaraka ny median'olotsotra tamin'ity volana ity dia tsy afa-miala tamin'ilay adihevitra mafana manerantany momba ny fanentanana nalaza vetivety momba ny Invisible Children [1] hisamborana ilay mpamono olona an'ady sady mpitarika ny tafika mpioko ongandey Joseph Kony [2].

Raha nahazo ny fifantohana nokendreny ny Kony 2012 [3], dia maro kosa ny Ongandey sy ny Afrikana no mahatsapa fa tsy ampy fakana bahana ilain'ny sehatra ny votoatin-kafatra nampitainy, fa mifantoka kokoa amin'ny fanangonam-bola ataon'ny fikambanana fa tsy dia amin'ny fampaherezana ireo niharam-boina [4]n'ny ady loatra..

Ankoatra izay dia maro ny Afrikana no mahatsapa fa naely fatratra amin'ny alalan'ny fomba fijery lafy ratsiny kokoa ny tantara ka nohamaivanina ny lafy tsara hita ao amin'ny kaontinanta.

Ka ho fepetra fampifandanjana ny mizana voatsindry ila [5], dia maro no namoaka tantara tao amin'ny Twitter miresaka ny “zavatra tiana momba an'i Afrika” amin'ny alalan'ny tenifototra #WhatILoveAboutAfrica [6].

[7]

Fironana manerantany izay tiako momba an i Afrika hoy i Semhar Araia – @Semhar

Ny fandraisana an-tanana, notarihan'i Semhar Araia [8], bilaogera ao amin'ny Diaspora African Women Network (DAWNS) [9], [Tambajotran'ny Vehivavy Afrikana Ampielezana] no nahatonga ny fironana voalohany manerantany ao amin'ny Twitter [7] tamin'ny 13 marsa 2012..

Ny ambadiky ny tantara

Raha tsy misy ny manohitra ny tokony ampiharihariana ny heloka vitan'ny Tafi-panoheran'ny Tompo [10] tarihan'i Kony, ny fanehoan-kevitra nataon'ny olo-tsotra mpampita vaovao kosa manazava fa tsy vitan'ny hoe “adin'ny meme [11]” ihany ity resaka ity fa tolona hanefena (indray) ny fomba fijery sy fomba fitantarana izay misy ao amin'ny kaontinanta iray manontolo.

Rehefa naseho ho hitan'ny rehetra ny lahatsarin'ny Invisible Children, dia tsy faly loatra tamin'ny votoatiny araka ny hita ao amin'ny lahatsarin'ny [12] Al Jazeera English ny Ongandey Tavaratra.

“Raha miahy anay ireo avy any amin'ny firenenkafa ireo, dia tsy hitondra velively na amin'ny fomba inona na amin'ny fomba inona ny t-shirts misy ny sarin'i Joseph Kony,” hoy ny lehilahy iray nitafatafàna. “Lasa mifaly amin'ny fahorianay izany.”

Lehilahy Ongandey hafa indray niteny toy izay rehefa nijery koa tany amin'ny toeran-kafa, “Misy ny olona sasany, ny ONG sasany, no mitady hanangom-bola amin'ny alalan'ny fampijaliana nitranga tany Ogandà avaratra.”

Nirongaronga ihany koa ny fanentanana hampiseho ny lafy tsaran'i Afrika eo amin'ny sehatry ny fampitam-baovao sosialy. Nifantina ny hafatra vitsivitsy tamin'ireo nolalainy manokana [8] momba ny “meme” ny Amerikana mpianatra sady mpankafy an'i Afrika Karen Kilberg, ary nanatsonga ny bilaogera Afrikana Tatenda Muranda [13] tao amin'ny Twitter araka izay antony nahatonga azy hanoratra ny hafatra :

@IamQueenNzinga [14]: It's about time we ushered in the era of afro-optimism through words and action

Tonga ny fotoana ampidirana ny vanim-potoanan'ny fijery tsara an'i Afrika eo amin'ny teny sy eo amin'ny asa

Ny mpanao gazety kenyana Paula Rogo indray nanangona tao amin'ny Storify ny “tsara sy ny ratsy indrindra” [15] tamin'ny adihevitra manodidina ny “WhatIloveAboutAfrica”:

@mwanabibi [16]: #WhatILoveAboutAfrica The youth! Hopeful, optimistic and innovative

Ny fahatanorana ! Feno fanantenana, optimista ary tia manavao

@Sarenka222 [17]: #WhatILoveAboutAfrica resilient, perceptive, courageous, independent press, even in the face of intimidation (cc: @dailymonitor 🙂

Ny gazety tsy miankina mahajoro, mandinika, be herimpo na dia miatrika fandrahonana aza

@RiseAfrica [18]: RT @texasinafrica: Innovations like mobile money, crowdsourced crisis mapping. #WhatILoveAboutAfrica

Fanavaozana tahaka ny vola am-pinday (MVola, Orange Money…), ny sarintanin'ny krizy ifarimbonana.
Map of Africa tagged by participants of Barcamp Africa in October 2008, from the Maneno Flickr photostream

Map of Africa tagged by participants of Barcamp Africa in October 2008, from the Maneno Flickr photostream

Ny tolona hatry ny fahagola ho amin'ny fomba fitantara Afrikana

Tsy zava-baovao eo amin'ny tontolon'ny fifampitam-baovaon'olo-tsotra ny mitaky ny fomba fitantara (hafa) momba ny kaontinanta Afrikana. Efa nisy fanentanana toy izao tamin'ny 2007 nampihetsiketsika fatratra ny fifampitam-baovaon'olo-tsotra Afrikana rehefa nanasa ny bilaogera namany avy ireo bilaogera malaza hiresaka momba ny “Why I blog about Africa” [19] (Nahoana aho no mibilaogy momba an'i Afrika).

Ilay bilaogera Ivoariana Théophile Kouamouo nanontany tamin'ny 2008 [20] [fr]:

Bloguons nous pour la diaspora et le vaste monde, coupé de nos contemporains sur le continent ? Blogue-t-on sur l'Afrique comme on blogue sur l'Europe ou l'Asie ? La blogosphère afro-orientée a-t-elle quelque chose de spécifique à offrir au concert de l'universel version 2.0 ?

Mibilaogy ho an'ny ampielezana sy ity tontolo midadasika ity ve isika, tafasaraka amin'ireo miara-miaina amintsika ao amin'ny kaontinanta? Mibilaogy ho an'i Afrika tahaka ny fibilaogy an'i Eoropa sy Azia ve isika? Manana zavatra manokana atolotra ho an'ny tontolo kinova 2.0 ve ny tontolom-bilaogy miompana amin'i Afrika?

Niavaka indrindra ny meme tsy noho ny fipongapongatry ny fihetseham-po tany amin'ny faritra andrefan'i Afrika ihany fa noho ny fielezany hatrany amin'ny tontolom-bolongana Afrikana mpiteny anglisy [21]. Ny fanehoan-kevitra nataon'i Rombo amin'izany fotoana izany niresahany momba ny “Izay eritreretin'ny vehivavy Afrikana” no nanome ny valinteny mahatonga aingam-panahy amin'izay tiany momba an'i Afrika [22]:

Africa is under my skin. Africa is the voices in my head. Africa is the itch on my back that I can’t quite reach.
[…] She’s beautiful and she’s strong and she’s got so much to give, she inspires me and I love her truly madly deeply.
She’s battered and bruised and sometimes broken and I love her even more.
She’s always on my mind and in my heart.
It’s not so much, then, that I choose to blog about Africa. It’s that I can’t not.
I really wish the world would see in her all that I see in her.
That’s another reason why I blog about Africa: To make this wish come true.

Anatin'ny hoditro i Afrika. Afrika no feo anaty lohako. Afrika no hidihidy an-damosiko tsy mety takatry ny tanako.
[…] Tsara tarehy, matanjaka ary mananjavatra maro dia maro tian-ko zaraina tokoa, manome aingam-panahy ahy izy ka tiako dia tiako am-pahatsorana tena lalina dia lalina amim-pahadalàna.
Mangana sy torotoro ary tapatapaka fa mbola tiako kokoa.
Ao an-dohako sy ao am-poko matetika izy.
Tsy noho izany rehetra izany no ifidianako hibilaogy momba an'i Afrika. Fa tsy haiko ny tsy hanao izany.
Iriko tokoa raha araka izay hitako aminy no hitan'izao tontolo izao aminy.
Izay no antony hafa hamahanako bilaogy momba an'i Afrika: Mba hody ventiny ny faniriako

Nanampy avy eo [23] Sokari avy ao amin'ny Black Looks:

… she makes me angry and frustrated, lets me down, goes on walkabouts and is influenced by some pretty horrible characters many from distant lands. But I cant help loving her deeply – she is alive, she is real and wise with so many wonderful meaningful stories of humanity and life. She is rich in stature and spirit. I love the way she moves, her facial expressions, the taste of her food and the smell and colours of the earth

…mahatezitra sy mampangidy molotra ahy izy, nandao ahy, ary nilaozany miara-mihosina sy voabaikon'ireo olona tsy dia tsara lavitry ny tanindrazana. Saingy mbola nitia azy lalina hatrany aho – velona izy, tena misy sy hendry ao amin'ny tantara maro manana ny dikany ho an'ny olombelona sy ny fiainana. Ananany betsaka ny sata sy ny fanahy. Tiako ny fomba famindrany, ny fomba filazan'ny tarehiny, ny tsiron-tsakafony, ny fofony ary ny lokon'ny tany

Efa tantara ela izany tolona ho amin'ny fomba fitantarana izany. Binyavanga Wainaina efa nanoratra andrana momba ny  “Fomba fanoratra momba an'i Afrika [24]” tamin'ny 2005. Nivadika ho lahatsary io andrana io ka nantsoina hoe “Fomba tsy fanoratra momba an'i Afrika” [25] izay ny mpisehatra Djimon Hounsou no mamaky ny soratra:

Ao anatin'ny tolona lava handokoana ny kaontinanta amin'ny lafiny tsara, mety hisy ny hieritreritra noe nahoana no dia fanamby goavana ny manova ny fomba fijery momba ny kaontinanta ary nahoana no maro tokoa ny olona liana ho amin'izany.

Valinteny iray amin'ny mahazava-dehibe ny manasongadina ny lafiny tsara eo amin'ny kaontinanta ny valandresaka nataon'i Euvin Naidoo, filohan'ny Antenimieran'ny varotra Afrikana Tatsimo tamin'ny TED Afrika. Nandresy lahatra izy fa singa lehibe ilaina amin'ny fampiasam-bola eto Afrika ny fitokisana, ary ilaina hahazoana tsara ny zavamisy ny lafiny rehetra ao amin'ny  kaontinanta [26]. Hoy izy :

George Kimble said, ‘The only thing dark about Africa is our ignorance of it.’ So let's start shedding light on this amazing eclectic continent that has so much to offer [..] The first myth to dispel is that Africa is not a country. It’s made up of 53 different countries. So to say ‘invest in Africa’ is a no-go. It's meaningless.

Niteny i George Kimble ‘Ny hany matroka ao Afrika dia tsy tsy fahalalantsika azy.’ Andao hanazava ity kaontinanta mahavariana manana zavatra maro atolotra ity [..] Ny angano voalohany tsy maintsy ailika dia tsy firenena iray i Afrika, firenena 53 no mandrafitra azy. Ka ny filazana hoe ‘hampiasa vola any Afrika’ dia tsy mandeha ilalana. Tsy misy dikany