Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tonizia: Mampiasa Baomba Mandatsa-Dranomaso Sy Kobay Hanaparitahana Hetsika Sendikaly ny Polisy

Nampiasa baomba mandatsa-dranomaso sy hazo hanaparitahana ny mpanao fihetsiketsehana nampiseho ny fanohanana ny firaisankinan'ny sendikà toniziana ( fantatra amin'ny fanafohezana anarana hoe UGTT) ny polisy, tao an-drenivohitra Tunis, ny andron'ny  25 Febroary. Nampangain'ny sendikà ho nanimba ny biraon'izy ireo ny mpikambana ao amin'ny antoko mitondra Ennahdha ka nanomana fihetsiketsehana.

Nilaza hiaka manohitra ny fitondrana tahaka ny hoe “Mitady ny hialan'ny governemanta ny vahoaka” sy ny hoe “Miala ny Ennahdha” ny mpanao fihetsiketsehana heverina ho 3000 isa eo ho eo.

Mpanao Fihetsiketsehana mivory manodidina ny Lalambe Habib Bourguiba, Afovoan-tanana Tunis. Nizara ny Sary @Lechatquirit , via Twitpic

Masoivohon'ny France24 , David Thomson no  nisioka [fr]:

A #Tunis grosse manif du syndicat UGTT et de la gauche devant le MI pour dire “Dégage Ennahdha”

Tao #Tunis, hetsika lehibe nataon'ny sendikà UGTT sy ny hery ankavia anoloan'ny minisiteran'ny atitany miteny hoe “miala ny Ennahdha”

Mpanoratra ny Le Blog Boukornine mamahavaha ny toe-draharaha ao amin'ny takelaka Facebook [fr]:

Des images dignes d'une guerre au centre-ville… des hordes de policiers dont certains sont cagoulés armés de bâtons et de matraques, lançant du lacrymo.
Une férocité incroyable. Des blessés, des femmes et des enfants transportés en urgence à l'hôpital Charles Nicole… Atmosphère étouffante.. Les affrontements se poursuivent à l'heure qu'il est par les bourreaux de la république qui répriment gratuitement et illégalement une manifestation pacifique autorisée dans cette Tunisie post-révolutionnaire. #ACAB

Sary tahaka ny ady tao afovoan-tanàna…andiana polisy izay misarontava ny sasany mitondra kibay sy fivelezana, mitoraka baomba mandatsa-dranomaso. Tsy mampino ny vaikany. Maro ny maratra, zaza amam-behivavy entina haingana any amin'ny hopitaly Charles Nicole…manempotra ny tontolo. mitohy ny fifandonana hatramin'izao fotoana izao ary manafay tsy ara-dalàna sy araka izay sitrapony amin'ny fihetsiketsehana tsy manao herisetra nahazo alalana ao anatin'izao vanim-potoana taorian'ny revolisiona toniziana izao ny mpamono olona mpiarony repoblika

Nivadika nisy herisetra ny hetsika rehefa nibaiko ny mpanao fihetsiketsehana hiala ny polisy saingy tsy nanaiky nanao izany. Sameh B.A nanoratra [fr]:

les flics nous ont demande de partir. l'autorisation de 12 a 14h. ensuite il ont attaque

Niangavy anay hiala ny polisy. Fahazoan-dalana mitataovovonana ka hatramin'ny roa folakandro. nanafika ry zareo avy eo

Mpikatroka Araoua Barakat nosaritahan ny polisy nandritra ny Fihetsiketsehana 25 Febroary nozaraina via twitpic

Maro ny naratra nandritra ny fihetsiketsehana ny Asabotsy. Emine M'tiraoui, nitatitra ho an'ny bolongana iraisana Nawaat [ar]:

بعد القاء قنابل الغاز المسيل للدموع تمت ملاحقة المتظاهرين قصد تفريقهم عبر الانهج المحاذية لشارع الحبيب بورقيبة وسجلنا اصابة الناشطة اروى بركات بكسر على مستوى مرفق اليد اليسرى اثر اصابة مباشرة وجهها لها عون امن مستعملا في ذلك هراوته
الى جانب اصابة الشاب محمد الدريدي على مستوى الراس والناشطة ايناس التليلي برضوض على مستوى اسفل الظهر
مع تاكيد المتضررين بان هذا الاستعمال المفرط للعنف لا مبرر له و انه يذكر بتصرفات وزارة الداخلية ايام القمع و اجمعوا على ان نفس اساليب القمع الهمجية متواصلة
Rehefa nalefa ny baomba mandatsa-dranomaso dia nohazaina nanarena ny arabe nanakaiky ny lalambe Habib Bourguiba ny mpanao fihetsiketsehana. Voarakitray fa naratra ny mpikatroka Araoua Barakat, izay tapaka ny kihony havia, raha nikapoka azy mivantana ny polisy iray. Naratra teo amin'ny lohany ihany koa i Mohamed Dridi, tanora lahy iray, ary feno mivonto kosa ny lamosin'ny mpikatroka Ines Tlili. Nanamarina ny maratra fa tafahoatra ny fampiasana herisatra, ary lasa mampahatsiahy ny nataon'ny minisiteran'ny atitany nandritra ny fotoam-pangejana. Miara-manaiky izy ireo fa mitohy ny fomba famoretana

Tafihana ny mpanao gazety:

Namely am-bava sy nidaroka mpanao gazety ny polisy nandritra ny fihetsiketsehana. Manodidina ny 10 ny fanafihan'ny polisy ireo mpanao gazety voarakitra. Nanameloka ny fanafihana tao amin'ny filazana an-gazety ny Sendikà nasionalin'ny mpanao gazety toniziana, ary manam-pikasana ny hitory ny minisiteran'ny atitany toniziana.

Radio Kalima mitatitra ao amin'ny takelaka Facebook [ar]:

تعرض مراسل كلمة في شارع الحبيب بورقيبة ” علي الجلايلي ” الى
الاعتداء بالضرب من قبل عون بوليس بالزي المدني رغم انه كان يحمل
بطاقته الصحفية
Na dia nitondra ny karatra maha-mpanao gazety aza ny mpanangom-baovaon'ny Radio Kalima, Ali Jelali, dia novelesin'ny polisy iray manao fanamiana sivily teo amin'ny Lalambe Habib Bourguiba izy

Ny radio teo ihany nitatitra [ar]:

عرض عضو المكتب التنفيذي لنقابة الصحافيين ايمن الرزقي و الصحفي
زهير الوزيدي تعرضا للاعتداء من قبل اعوان بالزي المدني
Aymen Rezgui, mpikamabana ao amin'ny birao mpanatanteraky ny sendikan'ny mpanao gazety, mbamin'ny mpanao gazety Zouheir Ouzid dia samy notafihan'ny polisy manao fanamiana sivily

Efa ho 14 volana taorian'ny nionganan'i Zeine El Abidin Ben Ali, dia mbola enjehina noho ny fanaovana teny manohitra ny fitondrana ny mpanao fihetsiketsehana ary mbola itsakitsahan-jò eo ampanaovana ny asany hatrany ny mpanao gazety.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.