Noafahana niaraka tamin'ireo vehivavy mpiara-miasa aminy ilay mpamahana bolongana Syriana sy mpitolona ho amin'ny fanehoan-kevitra an-kalalahana, Razan Ghazzawi tamin'ny Asabotsy teo. Avy amin'ny rahavavin'i Razan izany vaovao izany, izay ni-tweet tamin'ny hariva:
@NadineGhazzawi: Ato an-trano ny rahavaviko:) saingy tsy afaka mandao ny firenena intsony izy…tsy navelan'izy ireo izy.
Afisy Afaho i Razan nampiasain ny mpanohana azy sy ny mpiara-miasa aminy
Amin'izao fotoana anoratana izao dia mbola any am-pigadrana ireo lehilahy mpiara-miasa aminy, araka ny hita ao amin'ny Takelaka Facebook Free Razan:
AFAKA Razan sy ny vehivavy rehetra avy amin'ny SCM, AFAKA Razan !
Nosamborina tamin'ny fiandohan'ity herinandro ity i Razan sy ireo mpiara-miasa aminy 13 nandritra ny fanafihana ny biraon'ny Ivontoerana ho amin'ny fahalalahana miteny Syriana miorina ao Damaskosy.
