Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Global Voices Podcast: Bodoy Ity!


Global Voices Podcast HomepageSubscribe in iTunes

Miarahaba ny rehetra!

Tonga soa eto amin'ny tafatafam-baovao Global Voices podcast andiany hafa ity. Amin'ity fizarana ity no iresahantsika ny hevitra sy ny olana manodidina ny hetsi-panoherana ataon'ny Hetsika Bodoy manerantany, rehefa mihaino ny raki-peo alefan'ny ekipa avy amin'ny vazantany efatra isika

Grika Mpiara-Mivahiny Amiko

AsterisAmin'ity fizarana ity,  “bodoiko” ny podcast miaraka amin'i Asteris Masouras, mpanoratra ao amin'ny Global Voices sy tonian-dahatsoratra ao amin'ny Global Voices amin'ny teny Grika .

Nanaraka akaiky ny hetsika an-tserasera #Occupy manerantany hatramin'ny nanombohany Asteris. Koa iza indray ary no hiara-dia amintsika amin'ity andiana podcast iray ity?

Niaraka niresaka tamin'ny alalan'ny Skype sy niady hevitra momba an'i Gresy, Eoropa, ary ny Bodoy izao tontolo izao izahay,  indrindra momba ny fifampitan-kafatra ao anatin'ny hetsika sy amin'ny hetsika hafa.

MariaBodoy i Danemarka

Maria Grabowski Kjær ao Danemarka, tonian-dahatsoratra miara miasa aminay ao amin'ny Global Voices amin'ny teny  Danoà , nitsidika ny Fibodoana tao hahitany ny fomba fiasa sy ny hafatra ifandefasana. Na dia maro aza ny mihevitra fa ireny karazana “hippies” ireny ny mpanao fihetsiketsehana dia nandresy lahatra hanala izany fomba fihevitra izany i Thomas, izay nanampy tamin'ny fikarakarana ny hetsika tao Danemarka.

Occupy Denmark

Thomas tao amin'ny Bodoy Danemarka niresaka tamin'i Maria Grabowski Kjier mikasika ny hetsika

Gazetin'i Londres

Eto Londres, naseho tao amin'ny gazety antsoina hoe Fotoana Fibodoana an'i Londres [The Occupied Times of London] ny hetsika bodoy tao amin'ny Katedraly St Paul. Nihaona tamin'i Steve Maclean, tonian-dahatsoratry ny gazety, mba hijery ny fomba fandehan'izany aho.

Occupy London and Steve

Bodoy Londre, Steve Maclean, tonian-dahatsoratra ao amin'ny gazety Occupied Times

Toby Filasiana ao Maine

FrancesMpamokatra fandaharana ao amin'ny onjam-peo tsy miankina i Frances Harlow, ary namana ao amin'ny Global Voices. Ao Portland,  Maine ao Etazonia, naka-feo tao amin'ny toerana misy ny toby filasiana bodoy nandritra ny fianarany tao amin'ny Toeram-pampianarana ambony ao Salt izy, taoriana ny nahazoany mari-pahaizana tao amin'ny Oniversite Brown.

Mampiseho ny tatitra avy amin'i Frances fa tsy voatery ho mora foana ny manamafy orina ny lahatsoratra eo amin'ireo olona mpankafy izany. Afaka mihaino bebe kokoa ny asa mamiratra ao amin'ny onjam-peon'i Frances ianao eto.

Ahoana ny fandraisanao ny hetsika Bodoy manerantany? Misy toby filasiana ve any akaikinao ary mandray anjara ve ianao?

Tsy mora ny mampiditra ny hetsika rehetra ato amin'ny  podcast somary fohifohy saingy mahaliana kosa raha hasongadina ny fitoviany sy ny fahasamihafany manerana ny vazatany efatra. Misy karazany maro be afaka vakianao ato amin'ny pejy fitantarana manokana momba ny hetsika Bodoy manerantany ao amin'ny Global Voices.

 

Mozika Fanampiny
Ato amin'ny podcast, afaka mihaino mozika mahaliana betsaka nahazoana alalana koa ianao. Misaotra an'i Mark Cotton noho ny famoronana mahafinaritra nataony ary misaotra ny rehetra ihany koa noho ny feo kanto mihoatra noho ny tsara sy ny horonan-tsary izay nanampy tamin'ny fanangonana miaraka ny podcast.

Global Voices Podcast, mandefa vaovao izao tontolo izao, mino izahay fa mihaino ianao!

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.