Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Polonina: Hanao Sonia ny Fifanekena ACTA Ny Governemanta Na Dia Eo Aza Ny Hetsi-panoherana

“Tsy dia manova firy ny lalàna Poloney na ny zon'ny mpiserasera sy ny fampiasana Aterineto ny fifanekena Acta” – na dia teo aza ny ny hetsika goavana tamin'ny Aterineto sy ny adihevitra mikasika ny fomba fifanarahana mangingina, dia nanamarina ny Minisitry ny Fitantanana sy ny famadihana ho nomerika ny asa, Michal Boni, taorian'ny fihaonana tamin'ny Praiminisitra Donald Tusk fa hanao sonia ny fifanekena mikasika ny fanoherana ny fanaovana piraty antserasera ACTA ny governemanta amin'ny 26 Janoary, araka ny niomanana.

Nandritra ny fanadihadiana tamina onjam-peo iray, nilaza i Boni fa sarotra ny tsy hanao sonia izany fifanekena izany, satria efa tara loatra: Efa niditra tamin'ny fifanarahana i Polonina tamin'ny taona 2008 ary efa nanao sonia izany avokoa ny firenena Eoropeana hafa rehetra. Nilaza ihany koa izy fa “tokony hametraka fepetra amin'ny fifanekena i Pologne mba hampiseho ny fomba handikantsika ny andinin-dalàna”.

Nampanantena i Boni fa hisy ny fanontaniana faobe ny vahoaka mandritra ny fotoana ankatoavan'ny Eoropa ny fifanekena. Fikambanana tsy miankina Poloney maromaro no naneho ny fahadisoam-panantenany manoloana ny fanapaha-kevitry ny governemanta mikasika ny ACTA ka mangataka azy ireo mba hanova izany fanapaha-kevitra izany.

Nanomboka ny 21 Janoary, “hackers” miantso ny tenan'izy ireo ho Anonymous no nanafika sy nanakatona ny tranokalan'ny governemanta hatrany hatrany, tao anatin'ny hetsika misavoritaka ho fanoherana ny fikasan'ny governemanta hankato ny fifanekena iraisam-pirenena amin'ny Alakamisy [26 janoary] izao.

User @Anonymouswiki owns up to the web attacks on the websites of the prime minister, the parliament and other government entities. Screenshot: Twitter @Anonymouswiki

Mpiserasera @Anonymouswiki mitaky ny fanafihana ireo tranokalan'ny praiminisitra, ny antenimiera ary ny antokon'ny governemanta sasany. Sary: Twitter @Anonymouswiki

Na dia mahazo ny fanohanana mafonja avy amin'ny mpiserasera aza ireo hackers ireo, ka noho ny fanafihana no antony iray nahatonga ny haino aman-jery mahazatra niresaka momba ny ACTA, dia mbola voakian'ny mpamaham-bolongana Poloney mpahay momba ny Teknolojia ihany koa izy ireo.

Maciej Gajewski ao amin'ny Spidersweb miantso azy ireo ho “ankizy manahy ny amin'ny mp3-ny” sy malahelo fa lasa izy ireo no endriky ny hetsika, ka manome porofo  ho an'ny governemanta ny hanoherana ny hetsi-panoherana ny ACTA  :

Zavatra iray ny tsikera, ahiahy ary ny tsy fitokisana , fa zavatra hafa kosa ny koropaka, fampielezana tsaho sy vaovao tsy marina. Raha mijery izay hita ao amin'ny valantserasera Poloney lehibe indrindra, sy mijery ny fanehoan-kevitr'ireo mpamaky, dia tsapako fa tsy mahalala izay momba ny atao hoe ACTA akory ny ampahany lehibe dia lehibe amin'ny mpanao fihetsiketsehana. Namorona tantara mahasondriana fotsiny izy ireo dia namoaka izany. Tezitra ny olona “Tsindromy ny PM”, “Andeha hodorana ny Minisitra!”, “Ho alefany any am-ponja avokoa isika rehetra!”. Ary avy eo ny nataon'ny Anonymous dia ny manao izay hahatonga ny fihetsiketsehana iray manontolo ho tsy misy dikany eo imason'ny mpifidy zokiolona.

Tranonkala Poloney maherin'ny 900 no hikatona amin'ny 24 Janoary

"This is what the Internet might look like very soon. NO to ACTA" - over 900 Polish websites decided to go dark on January 24 in protest against the treaty. Screenshot: http://spidersweb.pl

"Toy izao no mety hahitana ny aterineto atsy ho atsy. TSY MILA ny ACTA" – tranokala Poloney maherin'ny 900 no nanapa-kevitra hiloko mainty amin'ny 24 Janoary ho fanoherana ny fifanekena. Saripika: http://spidersweb.pl

Koa satria manohitra ny fanafihana ny tranokalan'ny governemanta i Antyweb dia niantso tao amin'ny bilaoginy tamin'ny 23 Janoary mba hanao hetsika” amin'ny fomba mendrika=mahalala fomba, izay antsoina hoe, blackout” ka namorona torolalana sy toromarika amin'ny fanatanterahana izany izy. Ho setrin'izany, tranokala maherin'ny 900 no hiloko “mainty” sy hampiseho hafatra manohitra ny ACTA.

Allegro, Poloney mitovy amin'ny Ebay, nametraka soram-baventy”manohitra ny ACTA” teo akaikin'ny fangon’ (logo) ny orinasa. Azo jerena eto ny lisitr'ireo tranonkala mandray anjara amin'ny hetsika.

Ny antokon'ny mpanohitra Democratic Left Alliance (Fiarahana demokratika ankavia), nilaza fa tokony tsy hanao sonia ilay fifanekena ny governemanta ka nampiasa ny loko mainty tamin'ny tranokalany ihany koa izy ireo ho firaisankina.

Raha tsy nisy niresaka momba ny hetsika tany Polonina ny fampahalalam-baovao iraisampirenena, ankoatra ny hafa vitsivitsy, dia ny fampahalalam-baovao tao an-toerana kosa nihazakazaka tamin'ny famoahan-kevitra am-polony, mbamin'ny  fanadihadiana ary ny vaovao farany momba ny raharaha ACTA. Nandritra izany, niha nahazo hery hatrany ny hetsi-panoherana ny ACTA: nahatratra 400.000 mahery ireo mpandray anjara tamin'izany tao amin'ny Facebook Nie dla ACTA.

Hetsika an-dalambe no niseho tao Varsovia izay nahavoriana olona maherin'ny 1,000 tamin'ny Talata, ary hetsika hafa kosa no efa nokarakaraina tamin'ny Alarobia 25 Janoary.

"Screw corporations, long live the people": many Polish protesters went on the streets on January 24. Photo by Alexey Sidorenko, used with permission.

"Voahozona ny kompania maro rantsana, ho ela velona ny vahoaka": Poloney mpanao fihetsiketsehana marobe no nidina an-dalambe tamin'ny 24 Janoary. Sary avy amin'i Alexey Sidorenko, nahazoana alalana.

Vagla, mpamaham-bolongana fanta-daza mpiaro ny zo an'aterineto, nizara ity fanantenana ity tao amin'ny Twitter ny 24 Janoary:

Inoako fa hanomboka hahafantatra miandalana eny ny vahoaka fa tsy adihevitra mikasika ny “piraty” sy ny “mpangalatra” izany fa momba ny làlana izay hizoran'ny sivilizasionantsika.

Vaovao farany:

Ny harivan'ny 24 Janoary, PM Tusk nanamafy tamin'ny fomba ofisialy nandritra ny fihaonana tamin'ny mpanao gazety fa hanao sonia ny fifanekena i Polonina amin'ny 26 Janoary. Nilaza koa izy tamin'izany fa tsy hihemotra manoloana ny fampitahorana, ary niresaka momba ny fanafihana tranokala vao haingana. Mitolona ho amin'ny fahalalana amin'ny aterineto i Polonina, araka ny filazan'i Tusk.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.