Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Singapour : Nanao Fihetsiketsehana Mba Hiarovana Ireo Alika Mpirenireny Ireo Mpitia Biby

Taorian'ny rangotra sy kaikitra nahazo ny mpanao hazakazaka madinika iray, nataon'andianà alika mpirenireny  ny 14 Desambra tao aminà vala iray vaovao tao Punggol Singapour, ny “Agri-Food & Veterinary Authority” (AVA)  manampahefana miadidy ny resaka fambolena sakafo & fikarakarana ny biby dia nampitombo ny ezaka ataony mba hanangonana ireo alika mpirenireny manodidina ny faritra. Teo amin'ny 30 teo ireo alika voasambotra. Ary 4 teo ho eo no voalaza fa masiaka, ary novonoina.

Nanomboka teo, mponina mpitia biby avy ao Singapour no nanao fihetsiketsehana noho izany, tamin'ny fametrahana  pejy Facebook miantso an-dramatoa Penny Low mpikambana ao amin'ny Parlemanta avy amin'ny Pasir Ris-Punggol  GRC ary ny AVA mba hanatsahatra ny famonoana ireo biby ireo.

“Misy fomba maro be azontsika atao mba hampihenana ny isan'ireo biby tsy manan-kialofana. Manao fanentanana ny olona mba tsy hanary ny bibiny. Mamela ny olona hanamboatra fonenana ho an'ireo biby ao an-tranony. Manohana ary mandrisika ny fanaovana izay hahamomba an'ireo biby. Izany vahaolana rehetra izany dia tsara kokoa noho ny famonoana ireo biby tsy manan-kialofana an'arivony ireo amin'ny filazàna fa “fiarovana ny mponina.”

Ireo mpanao asa an-tsitrapo koa dia nanomboka nanavotra ireo alika tamin'ny famonoana, tamin'ny fametahana sarin'izy ireo ao anatin'ilay vondrona mba hitadiavana mpikarakara sy mpanangana.

Alika iray avotra ary ankehitrny dia mila fonenana. (sary avy amin'i Hawk Cut Weis.)

Haslinda dia manantena fa tsy hampihemotra ny olona hitsidika ny faritra io tantara io  :

“Ireo izay efa zatra io toerana io dia mety efa nahita ireo alika mpirenireny ireo imbetsaka. Manantena aho fa tsy hampihemotra ny olona tsy handeha any amin'io faritra io izany vaovao izany. Manantena ny hilaza ny toerana sasany nahitako alika matetika. Koa aza gaga raha mahita azy ireny mihaodihaody eny rehetra eny. Tsy hamely olona amin-tsy antony izy ireny.”

@jolantru dia nandefa bilaogy mikasika ny fanoherany ny famonoana alika mpirenireny:

“…mankarary fo ny fahitana azy ireo vonoina. Toy ny mahatsapa SRAS eny rehetra eny. Natsangako i Meow, zanaka saka notsimponina teny an-dalambe teny nandritra ireny taona nandreraka ireny, ary miaraka amiko izy ankehitriny, madio ary tena saka be fitiavana Tom. Ireo mpitia saka dia nalahelo ary tezitra be tamin'ilay famonoana biby mpirenireny. Angamba, nanao ny asany fotsiny ny AVA – kanefa tsy valin-teny ny famonoana azy.”

Kanefa, ny AVA dia nanambara ny ilàna ny fiarovana ny filaminan'ireo mponina ao Singapour, ary koa ny fanaraha-maso sy ny fisorohana ny fihanaky ny haromontana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.