Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Fitroarana Tao Guangdong, Ao Haimen Ankehitriny

Tao anatin'ny volana vitsivitsy lasa, maro ireo hetsi-bahoaka nitranga tao amin'ny faritr'i Guangdong. Raha efa eo an-dalàm-pikarohana vahaolana ny fitroarana tao amin'ny tanànan'i Wukan noho ny naneken'ny governemantan'ny Shanwei ny hampiato ny tetikasam-pampandrosoany ary namerina ny tany amin'ireo tantsaha, tanàna iray hafa, Haimen, eo akaikin'ny tanànan'i Shantou no nanomboka ny fanentanany faobe ho fanoherana ny fananganana toby famokarana herinaratra faharoa ao an-tanàna. Mponina an'arivony no nanao fahirano ny governemanta n'ny tanàna ary nanakàna ny sampanan-dalana eo anelanelan'i Shenzhen sy Shantou, mitaky amin'ny governemantan'i Haimen mba hanajanona ilay tetikasam-pananganana.

Miaraka amin'ny hetsi-panoherana iray hafa tao Shantou ny 18 Desambra izay mbola mikasika ny fangalàna tany tsy ara-dalàna ihany koa, ireny tranga misesisesy ireny dia maneho ny tsy fahombiazan'ny rafitra fanaraha-maso “weiwen” amin'izao fotoana natao ho fihazonana ny fahamarinan-toerana amin'ny famahàna ifotony ny disadisa isan'andro.

fycanly, mpampiasa ny Sina Weibo dia miblaogy mikasika ny tantaran'ny fitroarana ao Haimen:

fycanly:海门渔港是国家一级良港和国家中心渔港:坐落在汕头市潮阳区海门镇的莲花峰是国家“AAA”级旅游景区。世代在此生活的海门人以海为生,耕三渔七,代代繁衍。然而,2006年6月开始,海门的生态灾难降临了!

Ny seranan-tsambon'ny jono ao Haimen dia seranan-tsambo nasionalin'ny jono “sokajy A” ary foiben'ny jono. Lianhua, tendrombohitra ao an-tanànan'i Haimen, hita ao Shantou,  distrikan'i Qiaoyang, dia voasokajy ho sokajy “AAA”  amin'ny valan-javaboahary. Ny fidiram-bolan'ny mponina ao Haimen dia miankina amin'ny jono, na dia izany aza i Haimen dia niaritra fijaliana tamin'ny loza voajanahary nitranga hatramin'ny Jona 2006.

fycanly:海门人都知道,华能电厂为冷却设备而从海上抽水,每次能带上两东风汽车的鱼虾,而这些受到污染的鱼虾都被都不法之徒卖往市场。华能电厂号称绿色发电,但2011年,却因为废水偷排而被广东省环保厅处于罚款2000万元。

Ireo mponina avy ao Haimen dia mahafantatra daholo fa ny herin'ny indostria Huaneng dia miankina amin'ny rano avy any an-dranomasina mba hampangatsiatsiaka ny ao aminy. Rehefa misintona rano avy any an-dranomasina izy ireo, dia misy makamba sy trondro be dia be voatrokan'ilay fitaovana fampangatsiahan'izy ireo ary voaloto. Misy ny olona mivarotra ireo hazan-dranomasina voaloto ireo eny an-tsena. Huaneng dia nilaza fa miaro ny tontolo iainana izy ireo, kanefa ny taona 2011 ilay orinasa dia voasazin'ny biraon'ny tontolo iainana ao Guangdong RMB 20 tapitrisa tamin'ny fanariany mivantana rano maloto tany an-dranomasina.

fycanly:这些年,有条件的海门人纷纷迁离家乡,而没有条件移民的海门人,只能苦守这片曾经美丽、而今满目疮痍的故土。谁来对十几万海门人民的生计负责?谁来对海门的子子孙孙的未来负责?谁来对海门港这片遭践踏的海洋负责?海门港区水域面积万190万平方米,全港拥有渔船1000多艘,年鱼货卸港量18万吨之多。

Taona vitsy lasa izay,niala tao amin'ny faritra ireo mpanam-bola ao Haimen, namela ireo mahantra hijery io ampahan-tany mahafinaritra io mihasimba. Iza no hijoro mba handray andraikitra amin'ny ho avin'ny fiainan'ny mponina ao Haimen sy ny taranaka ho aviny?  Iza no hijoro mba handray andraikitra amin'ny ranomasina voaloto ? Ny haben'ny seranan-tsambon'i Haimen dia eo amin'ny 1.9 tapitrisa metatra toradroa eo ho eo ary manana sambo mpanjono eo amin'ny arivo mahery eo ho eo. Ny vokatray isan-taona dia mihoatra ny 180 000 taonina.

fycanly:广东省汕头市潮阳区的海门镇,一个镇两个发电厂,一个以渔业为主的大镇,由于电厂偷排,海洋无鱼可捕。国家已明令控制采用,各级政府文件也明确规定,对于投资项目要严格控制“高耗能,高污染”企业进入,蛤为何顺利通过,电厂对海门造成的生态危机,近年来海门镇人口非正常成亡率高居广东省首位。

Ankehitriny isika dia hanana toby faharoa famokarana herinaratra ato amin'ity tanàna ity, izay ny olona dia miankina amin'ny jono mba ho fivelomany. Noho ny fanapariahana rano maloto, dia mihavitsy ny trondro. Ny governemanta foibe sy ny any amin'ny faritra dia namoaka antotan-taratasy ara-panjakana mba hamehezana ny firoboroboan'ny orinasa mpandoto, koa maninona ary no mbola eken'ny governemantan'ny tanàna ihany ilay tetikasa? Tamin'ny taona lasa, ny tahan'ny fahafatesana tsy voajanahary no avo indrindra tao amin'ny faritanin'i Guangdong, io no sandan'ny loza ara-tontolo iainana.

Maro tamin'ireo mpampiasa ny Weibo no manely ny fanamarihan'i  fycanly :

Fuson-:当年建电厂时,平台坍塌致6死2重伤,然后事到如今,环境污染不断上升,癌症人数不断攀升,先父也是因为这样的病魔在今年去世,现在政府还想建多多一个电厂,那是不可能的,曾经家乡美好的环境,如今乌烟瘴气,环境恶劣,十多万#海门#同胞,我们需要站出来,但是今天的我们不是骚乱,而是我们该愤怒了。

Fuson : Nandritra ny fananganana ny orinasa mpamokatra herinaratra voalohany, dia nirodana ny “platforme” iray , nahafatesana mpiasa 6 ary tena andratra mafy olona 2 hafa. Ankehitriny ny isan'ny olona voan'ny homamiadana dia mihamitombo hatrany. Ny dadako koa dia maty noho io homamiadana io tamin'ny fanombohan'ity taona ity. Amin'izao ny governemanta dia mitady hanorina iray hafa, tsy afaka ny ho tanterahana izany. Ilay tanindrazantsika tsara tarehy iny, ankehitriny dia voaloto tanteraka. Ho an'ireo mponina 100.000 namako ao Haimen, andao hijoro. Tsy ho fanakorontanana izany, fa mila mampiseho isika hoe tezitra.
Olona an'arivony no nanakàna ny fidirana eo amin'ny lalana manapaka. Ireo Sary tena nivezivezy be tao amin'ny Weibo

Marina mafy, tena tezitra be ireo mponina ao Haimen. Na dia teo aza ny fanakatonan'ireo sekoly ny vavahadiny sy ny faneren'izy ireo ny ankizy hijanona ao amin'ny faritry ny sekoly ary ankoatra io hetsi-panoherana androany io, mponina avy ao Haimen an'arivony no nidina an-dalambe. Ito manaraka ito ny kaontin'ireo mpampiasa Weibo momba ny zava-misy ao Haimen androany:

蕴婷这个娃:今天对海门人来说是不平凡的一天。我没有去现场,但是通过图片,通过微博影响力,也能感受得到人们的团结。再不是敢怒不敢言的社会了,对环境有毁灭性影响的工程,再也啃不下了。买了那么多方便面去学校阻止学生放学,这个最可笑。尊敬民意而不是打压民意的社会什么时候才会到来?海门人好样的!

Anio dia andro iray miavaka ho an'ny mponina ao Haimen. Amin'ny fijerena ireto sary izay nakarina tao amin'ny Weibo ireto fotsiny, dia afaka ho tsapanao ny firaisan-kina misy eo amin'ny mponina ao Haimen. Ny mponina dia tsy afaka ny hangina intsony amin'ilay tetikasa fandotoana goavana. [Ny manam-pahefana] dia mino fa afaka hampiato ireo mpianatra amin'ny fanomezana azy ireo paty eran'ny kaopy, mahatsikaiky. Mila mahalala manaja ny fomba fijerin'ny vahoaka ry zareo fa tsy hamoritra fotsiny azy ireo. Ry mponin'i Haimen, azafady re mba manomeza ohatra tsara ho anay.

yaochunjing:#中央电视台#广东省汕头市潮阳区海门镇要建第二座煤发电厂,一座发电厂已经威协到海门了,还要建第二座,十几万海门的民众去围堵镇政府,镇政府不理,教育部通知各校不让学生放学回家,软禁学生。实在是无助啊!!

Ny tanànan'i Haimen ao amin'ny distrikan'i Qiaoyang, ao an-tanànan'i Shantou, faritanin'i Guangdong, dia eo an-dalam-pananganana orinasa mpamokatra herinaratra ahodin'ny arintany voadotra. Efa nisy orinasa iray mpamokatra herinaratra efa namotika an'i Haimen, ankehitriny izy ireo dia mitady ny hanangana iray hafa indray. An'arivorivony izao ireo mponina avy ao Haimen no mihodidina ny  governemantan'ny tanàna, ary dia tsy mbola manome valinteny ihany ireo manampahefana ao amin'ny governemanta. Ny departemantan'ny fampianarana dia nanome toromarika ny sekoly mba hitazona ny mpianatra aorian'ny ora fianarana. Tsy afaka ny hanao na inona na inona izahay eto.

lin泽平:海门的商家于上午11时罢市,现在满载的矿泉水和食物正纷纷赶往高速现场,免费发放。据目击者说,群众最少有三万人。许多人正在赶往现场。这才是真正的海门人,这就是团结

Ny tsena rehetra ao Haimen dia nakatona daholo nanomboka tamin'ny 11 atoandro. Ny olona dia nanangona rano amin'ny tavoahangy sy sakafo eo amin'ny fidirana ny sampanan-dàlana ary mizara izany maimaim-poana ho an'ireo mpanao fitakiana. Ireo vavolombelona dia milaza fa misy olona 30.000 farafahakeliny teo amin'ilay sehatra. Mbola maro no eny an-dalana. Izany no atao hoe firaisankina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.