Tantara tamin'ny 13 Desambra 2011
Blogging Positively: Fandefasana Bitsika Momban'ny Andro Eran-tany Natokana Ho An'ny SIDA 2011
Manatona azafady ny vondrom-piarahamonina 'Rising Voices - "Blogging Positively" mba hizaranao ao amin'ny Twitter hoe ahoana ny fijerin'ny fiarahamonina misy anao ny 1 Desambra, Andro Eran-tany ho an'ny SIDA. Manasa anao izahay hampiasa ny tenifototra #BlogPos sy #WAD11 mba hahazoana ny zava-misy amin'ny ankapobeny momba ity andro fankalazàna ity.
Syria: Voaheloka i Razan Ghazzawi, Manohy Ny Fanentanany Ireo Bilaogera
Valo andro taorian'ny nisamborana azy, voaheloka i Razan Ghazzawi, araka ny lahatsoratra iray navoakan'ny Lebanese Daily Star, voampanga aminà "fananganana fikambanana mikendry ny hanova ny mpitarika ara-tsosialy sy ara-toekarena eo amin'ny firenena" ary "manao izay hamparefo ny fahatsapan'ny olona ho olom-pirenena, ka manandrana mandrehitra ny afon'ny fifankahalàna isam-paritra" sy "mandemy ny fahatsapan'ny olona ho olom-pirenen" -- ireo rehetra ireo izay mitondra mankany amin'ny fanamelohana 15 taona an-tranomaizina.Manohy ny fanentanany ireo bilaogera mba ho famotsorana azy.
Rosia : Ny Fitroaran'ireo “Hamsters”-n'ny Aterineto
Ny ampitson'ny androm-pifidianana, ireo Rosiana dia nivondrona mba hikomy ho fanoherana ny hosoka tamin'ny fifidianana. Na dia ho very seza 77 aza ny Antoko Rosia Mitambatra (United Russia) oharina amin'ny Duma teo aloha, araka ny vokatra vonjimaika, ny ankamaroan'ireo mpikomy dia mihevitra ilay fifidianana ho sady tsy madio, no tsy malalaka.
Januária: Hafakely, Hafakely, Vakio Daholo Ny Momba Izany!
Satria zava-dehibe ny tetikasa "Friends of Januária" na "Ireo Sakaizan'i Januaria " izay tohanan'ny Rising Voices dia misy gazety manokana antsoina hoe “Folha do Norte” (Northern Page) nivoaka mba hahazoan'ireo mponina eto an-toerana mamaky ireo tantara mahakasika ny raharaha misy eto an-toerana izay novokarin'ny olon-tsotra mpanao gazety eto an-toerana ihany.
