- Global Voices teny Malagasy - https://mg.globalvoices.org -

Shina: Mpiasam-Bahoaka Namono Tena Rera-tsaina Ve Sa Norerahan-tsaina?

Sokajy: Azia Atsinanana, Shina, Fitantanam-pitondrana, Lalàna, Mediam-bahoaka

Araka ny fanadihadiana nataon'ny manampahefana sinoa dia toa hoe mihabetsaka ireo mponina Sinoa no tratran'ny aretin-tsaina amam-panahy. Malaza moa fa rehefa nozahana dia marary saina [1] amin'ny karazan'aretina toy ny Fikorontanana Vokatry ny Fifikirana Tafahoatra izay olon-tsotra manao fanangonan-tsonia manohitra ny tsy rariny sy ny kolikoly manjaka eo amin'ny firenena. Vao tsy ela koa izay dia nisy koa ny fizahana natao ka hita fa noho ny harerahan-tsaina amam-panahy no nahatonga ireo mpiasam-bahoaka sy mpikambana ao amin'ny governemanta namono tena.

Amin'ny ankamaroan'ireo tranga famonoan-tena, ny faharerahan-tsaina amam-panahy no noraisina haingana ao anatin'ny iray andro na roa tsy mila fanazavana be ho antony. Rehefa Sanganehana manoloana ny fanadihadiana navoakan'ny polisy ny mpiserasera sinoa, dia mampiasa ny matoateny iharana fotsiny hoe “norerahan-tsaina”, mba hanasongadinana fa misy voarohirohy amin'ny resaka kolikoly ao.

Trangana olona “noharerahana” vao haingana ohatra ny polisy manamboninahitra misahana ny fanadihadiana heloka bevava no namono tena tamin'ny 12 Novambra 2011 tao Zhejiang . Tsy ampy telo andro taty aoriana, tamin'ny 2:55 hariva, 15 Novembra 2011. Namoaka sombiny [2] [zh] tamin'ny valin'ny fanadihadiana ao amin'ny kaontiny Weibo ny Polisy sinoa mpikirakira Web:

中国警察网:【浙江一刑侦副大队长跳楼身亡 患抑郁症是工作狂】警方透露,11月12日上午11时30分许,浙江省嵊州市公安局指挥中心接到群众报警称,嵊州市万都豪庭小高楼有人跳楼。随后,跳楼者被送到医院,抢救无效死亡。这个跳楼者就是嵊州市公安局刑侦大队副大队长徐栋。http://t.cn/S2zNMV

Polisy Sinoa mpikirakira Web: [nandevozin'ny asany tanteraka ka nampijalian'ny faharerahan-tsaina amam-panahy ilay polisy manam-boninahitra misahana ny heloka bevava ao Zhejiang ilay namono tena tamin'ny fitsambikinana avy any amin'ny trano ambony rihana ] Nanambara ny polisy fa tamin'ny 11:30 sasany tamin'ny 12 Novambra 2011, dia nahazo tatitra avy amin'ny polisy ao Zhejiang Shengzhou ry zareo fa nisy olona nitsambikina avy eny ambonin'ny trano iray. Nentina haingana teny amin'ny hopitaly izy kanefa tsy tàna intsony ny ainy. Fantatra fa i Xu Dong ity olona ity, polisy manam-boninahitra misahana ny heloka bevava ao an-tanànan’ Shengzhou. http://t.cn/S2zNMV

Ity ambany manaraky ity ny adihevitra taorian'ny fivoahan'ny lahatsoratra:

唐僧包二奶00:良心没有泯灭的办案警察,难免有点抑郁症的。

唐僧包二奶00:Ireo polisy manam-boninahitra izay mbola manam-panahy ihany no mitady ho tratran'ny faharerahan-tsaina.

王惜梧:在中国做警察真痛苦!!坏人不能尽抓,好人难免“抓错”,良心存久了不肯丢不小心就抑郁了!这位不知道是真抑郁还是假抑郁哦!

王惜梧:Mampijaly ny asan'ny polisy manamboninahitra ao Shina!! Tsy azo ivalozana ny mety tsy ahazoan'izy ireo ny mpanao ratsy fa mety ny tsy meloka indray no voasambotra ( tsy fanahy iniana ). Raha tsy esorinao ny konsiansinao, dia mety ho tratran'ny faharerahan-tsaina ianao. Kanefa tsy ho fantatrao mihitsy raha faharerahana tena izy na tsia izany tranga izany

飞天媚娘:跳楼的都是抑郁症,犯事的全为临时工。

飞天媚娘:Ireo rehetra izay mitsambikina avy any ambonin'ny trano dia tratran'ny faharerahan-tsaina sy ara-batana, ireo rehetra izay manao fahadisoana amin'ny asa dia mpiasa tsy maharitra.

Tranga hafa koa no niseho tamin'ny 10 Novembra 2011 tamin'ny 7ora hariva, Lu Yongjun, Tale lefitra ao amin'ny Sampan-draharahan'ny Faribohitra, eo ambanin'ny fitantanan'ny Minisiteran'ny Fambolena no nitsambikina tamin'ny varavarankely ao amin'ny biraony. Ny ampitso tamin'ny 10 ora maraina, nandritra ny fivoriana tao amin'ny Minisiteran’ ny Fambolena no nahafantarana sahady fa tratry ny aretin'ny faharerahan-tsaina amam-panahy i Lu ary nangataka ireo lehiben'ny Minisitera fa tsy misy intsony fanazavana hafa fanampiny mikasika ny zava-niseho. Niahiahy ny zava-nitranga ny mpiara miasa amin'i Lu satria fantatra fa vao 57 taona monja izy kanefa toa nalefa misotro ronono sahady. Nalevina tamin'ny 14 Novambra 2011 teo ny nofo mangatsiakany. Ao amin'ny fampahalalam-baovao ao Shina Weibo [3], mpiserasera marobe no maneho hevitra mikasika ny fanadihadiana natao:

好咪咪:好像所有死去的这类官员都得了抑郁症,都是自杀。怎么这么巧啊,象约好了似的。

好咪咪:Tsy mampino izany hoe mpiasa-panjakana ambony tahaka izao no mijaly ny aretin'ny faharerahan-tsaina amam-panahy ka mamono tena. Kisendrasendra ihany, toa tahaka ny nifanaraka mialoha ve izany izy ireo [ny amin'ny famonoan-tena miaraka].

MOMAX:牺牲他一个,保住一窝人!不死也要死,死了就能保护很多人,就能让家人日子好过,否则铁定弄死他!还要家破人亡

MOMAX:Manao sorona ny tenany ary mamonjy ny ekipa rehetra. Raha misy iray namoy ny ainy, maro ireo voavonjy ary voakarakara tsara ny fianakaviany. Raha tsy izany, mino koa ny sasany fa mety hijaly ny fianakaviany raha maty izy.

游虾甲V5:国家机密不方便透露。

游虾甲V5:Tsy afaka mamoaka ny tsiambaratelon'ny firenena.

央企鞍钢总医院张国贤:天朝官员爱跳楼,爱抑郁,爱不舒服死。草民更爱自焚,上吊和躲猫猫!有能耐别急着抢尸火化!

央企鞍钢总医院张国贤: Tia mitsambikina avy any ambonin'ny trano ny manam-pahefana lehibe indrindra, mankafy ny faharerahan-tsaina amam-panahy sy ny famonoan-tena. Tia manao ny sorona ny tenany, mananton-tena, sy mihantona eny amin'ny rindrina ny sarambabem-bahoaka, . Sahirana mangalatra ny vata mangatsiakan'izy ireny ny manam-pahefana ary mandevina azy ireny.

饶春亮:完了,人一死,账都不好意思查了。。。

饶春亮:mikatona ny fanadihadiana amin'ny fahafatesan'ny olona iray.  Tsy fanomezana hasina ny olona ny tsy fijerena ny mombamomba ny maty…

Nitombo ny ahiahin'ny olona manoloana ny fanadihadiana momba ireo mpikambana governemanta sy ny mpiasa-panjakana namono tena, nanomboka tamin'ilay fahafatesana mampiahiahy nahazo ilay manamboninahitra misahana ny fanoherana ny kolikoly, Xie Yexin tao Hebei, tamin'ny volana Aogositra 2011. Araka ny voalazan'ny valin'ny fandidiam-paty natao, novelesina in-11 i Xie, teo amin'ny tratrany, ny tendany, ny kibony sy ny tanany roa, ary namoy ny ainy avy eo noho ny fahatapahan'ny lalan-drà teo akaikin'ny fony. Ny polisy kosa nilaza fa famonoan-tena no niseho izay lavin'ny fianakavian'i Xie. Vaovao fanampiny ao amin'ny WSJ [4].