Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Etazonia: Mitombo ny Tahan'ny Fahantran'ny Hispanika

Miharatsy hatrany ny toe-karena Amerikana. Manampy ny tahan'ny tsy fisian'asa efa tsy mety miala ihany koa ny tahan'ny fahantrana izay mahakasika vahoaka maherin'ny 46 tapitrisa, 15,1 isan-jaton'ny vahoaka, araka ny hita tamin'ny fanisam-bahoaka farany. Nanamafy ny manam-pahaizana fa ity no taha ambony indrindra hatramin'ny taona 1993.

Mampanahy tanteraka ny toe-draharaha noho ny tarehimarika mivoaka. Nidina 2,3 isan-jato ny vola miditra isan-tokantrano hatramin'ny taona 2009. Eo amin'ny 50 tapitrisa eo ny isan'ny olona tsy manana fiantohana ara-pahasalamana, tafakatra 83,3 tapitrisa kosa ny isan'ny olona 16 taona no miakatra no tsy niasa farafahakeliny herinandro tamin'ny taona 2009 raha toa ka tafakatra 86,7 tapitrisa izany tamin'ny taon-dasa.

Indrisy fa tsy afa-miala amin'ny fahantrana ny foko vitsy an'isa, indrindra ny Hispanika. Nihena 2,3 isan-jato ny vola miditra, avy amin'ny US$39.667 no nidina US$37 37,759 tamin'ny taona 2009, izay midika fa mbola tsy tafarina tamin'ny vokadratsy tamin'ny taona 1999 izay niteraka fitotongan'ny toekarena ny taona 2001 ity antokon'olona vitsy an'isa ity. Mba ahitana taratra tsara ity lohahevitra ity,  nihoatra noho ny an'ny firenen-kafa ao Amerika Latina ny tahan'ny fahantrany misy ao Etazonia tahaka an'i Arzantina (8,1%), Shily (9,8%, Orogoay (6,3%), ary mifanakaiky ny tahan'ny fahantrana ao Brezila ny azy (19,3%), araka ny tatitra navoakan'ny Vaomiera ekonomika Latino-Amerikana sy Karaiba (ECLAC).

USA español, bilaogin'i Cristina F. Pereda, nanome antontan'isa mahasanganehana izay mampikatso tanteraka ny fandrosoan'ny hispanika:

Mientras que la renta per cápita se redujo en 1.2 por ciento para el conjunto de la población, en el caso de los hispanos descendió un 3.5 por ciento entre 2008 y 2009. También empeoró el nivel de ingresos de las familias, que se redujo casi un 8 por ciento, sólo por detrás de las afroamericanas (con un 11.8 por ciento) y en comparación con niveles del año 2000.

Raha nihena 1,2 isan-jato ny vola miditra isam-batan'olona ankapobeny, ny an'ny Hispanika manokana kosa nihena 3,5 isan-jato teo anelanelan'ny taona 2008 sy 2009. Lalina ny fiantraikany tamin'ny fidirambolan'ny isan-tokantrano, fihenana izay mahatratra 8 isan-jato, izay mifanakaiky amin'ny an'ny Vehivavy Afrikana-Amerikana (mihena 11,8 isan-jato) raha oharina tamin'ny taona 2000.

Ahitana horonantsary fanadihadiana ny bilaogy GB Latino TV ana mpanao gazety arzantina iray, talanjona tanteraka tamin'ny fahitany ny tahan'ny fahantrana ao Etazonia. Nasiany fehinteny fohy miaraka aminy:

El 15,2% de los estadounidenses vive en la pobreza, lo que se traduce en más de 46 millones de habitantes. Su nivel más alto desde 1993, informó la oficina de censos de ese país.

15,2% ny Amerikana no miaina anatin'ny fahantrana, izany hoe vahoaka maherin'ny 46 tapitrisa. Izany no taha ambony indrindra hatramin'ny taona 1993, araka ny voalazan'ny birao misahana ny fanisam-bahoaka ao an-toerana.

InmigranteTV,  etsy ankilany nahita tarehimarika mitovy tamin'ilay antontan'isan'ny ankohonana Hispanika ihany koa, navoitrany fa manamaloka ny fitondran'i Obama izany toe-draharaha ara-toe-karena misy ankehitriny izany:

Esta es otra situación muy negativa, sobre todo cuando el presidente acaba de presentar un plan de empleo con el cual se espera darle un estímulo a la economía.

Toe-draharaha ratsy tanteraka izany, indrindra taorian'ny fotoana nanoloran'ny filoha ilay drafitra momba ny fanomezana asa izay nantenainy fa hanarina ny toe-karena .

Tsy niandry ela ny fihetseham-po tao amin'ny Twitter. PV Marketing (@pvmkt) [es] nizara horonantsary:

Video que habla de que uno de cada cuatro #hispanos en EU, son pobres. http://goo.gl/bKMkX

Lahatsary milaza fa Hispanika iray amin'ireo efatra (#hispanos) ao
Etazonia no mahantra. http://goo.gl/bKMkX [es]

Meredith Dodson (@dodsonadvocate) [es] tsy taitra amin'izany tarehimarika mahakivy izany:

Alarmante, pero no del todo 🙁 RT @alexcawthornedc: tasas de pobreza para negros e hispanos (>27%) más de 2 veces q los blancos #povertydata#Census

Manaitra, tsy izany mihitsy 🙁 RT @alexcawthornedc: tahan'ny fahantrana ho an'ny mainty hoditra sy ny Hispanika (>27%) avo roa heny noho ny an'ny fotsy hoditra #povertydata #Census

Carmen Ortiz-McGhee (@ortizmcghee) [es] kosa talanjona mahita ny fahantran'ireo ankizy Hispanika:

Hispanos=37 por ciento de los niños en pobreza según un nuevo reporte del censo…espeluznante!

Hispanos=37 isan-jato no ankizy miaina anaty fahantrana araka ny antontan'isa nivoaka farany… mampanahy!

Alex Guerrero (@Vzla22 ) [es] namerina izany indray tao amin'ny tweet-ny:

Inaceptable: 15% de estadounidenses viven en pobreza. Entre los latinos el % es 26.1% = 1 de cada 4 >> http://1.usa.gov/pCOqCe#latism

Tsy rariny: 15%n’ ny Amerikana no miaina anaty fahantrana. Amin'ireo Latino, 26.1% ny taha= 1 ao anatin'ny 4 >> http://1.usa.gov/pCOqCe #latism

Farany, araka ny hevitr'i Eileen C. Rivera (@eileencrivera) fambara ratsy hafa ho an'ny minorite roa tonta ao amin'ny firenena ny tarehimarika navoakan'ny fanisam-bahoaka:

Más malas noticias del reporte del Censo: tasa de pobreza para hispanos se disparó al 26.6 por ciento, para los negros aumentó a un 27.4 por ciento. http://wapo.st/nF4sMS

Vaovao ratsy hatrany mikasika ny tatitra tamin'ny fanisam-bahoaka: niakatra 26.6 isan-jato ny tahan'ny fahantran'ireo Hispanika, tonga hatrany amin'ny 27.4 isan-jato izany ho an'ny mainty hodidra. http://wapo.st/nF4sMS

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.