Nanambatra ny anarany amin'ny Hetsika isan-jomà, ho fiaraha-mientana, ny Revolisionera any Syria sy Yemen izay manohitra amam-bolana izao ny fitondrana mpanao didijadona sy be fihaikana. Ao amin'ny “Zomam-pandresena ho an'i Syria sy i Yemen” no nandritra ny ezaka ataony hizara tsy amin'ny anarana iray ihany, fa amin'ny saina mihofahofa mitovy, hiaka hatramin'ny rakipeo sy lahatsary aza, ny mpikatroka ao amin'ny firenena roa tonta.

Hiakam-pahafahana ho an'i Syria sy i Yemen no re nanerana ny lalana faha-60 tany Sanaa tamin'ny “Zomam-pandresena ho an'i Syria sy i Yemen.” (Lahatsary navoakan'i alabdulkadir)

Tany Taiz tamin'ny Zoma, nihiaka ho fiaraha-mientana amin'i Syria “Manao sorona ny fanahinay sy ny ranay ho anao izahay ry Syria”. (Lahatsary navoakan'i : taizcitynet)

http://www.youtube.com/watch?v=xYgiRRLSUsg&feature=mfu_in_order&list=UL

Nihiaka izy ireo “Ny ampitso ho afaka, tsy misy Ali, tsy misy Bashar, efa lasa ny andron'ny fatsora, ho ela velona ny vahoaka Arabo”.

http://www.youtube.com/watch?v=8aoAzV_QSV8&feature=mfu_in_order&list=UL

Mpanao fihetsiketsehana any Hodeidah mihiaka ihany koa ho amin'ny fahafahan'i Syria sy i Yemen ary miara-mientana amin'i Dara'a. (Lahatsary navoakan'i : shababalhodeidah)

Raha ho any Syria kosa, tany Tadmor, Mihiaka tahaka izao kosa ny mpanao fihetsiketsehana Syriana “Iray i Syria sy i Yemen.” (Lahatsary navoakan'i : SHAMSNN)

Tany Halab, namerina hiaka Yemenita ry zareo “Aleo maty toy izay afa-baraka”

Ary tany Idlib, Syria, nihiaka ho fiaraha-mientana amin'i Yemen ny mpanao fihetsiketsehana.