Tantara tamin'ny 18 Septambra 2011
Ejypta : Libane, Bilaogera Sady Mafana Fo Voasakana Tsy Hiditra Ary Nalefa Niverina
Ilay Libane bilaogera, Imad Bazzi, nahazo ny lokan'ny bilaogera mendrika dia tsy navela hiditra ao Ejypta, notazonina ary natao famotorana tao amin'ny seranam-piaramanidina avy eo nalefa niverina tany Libanona tamin'ny sidina manaraka nankany Beirut. Tarek Amr dia nikaroka fanehoan-kevitra tamin'ilay fitsarana an'i Bazzi.
Sina : Ireo Fandaniam-bolam-bahoaka Telo Sy Ny Tsiambaratelom-panjakana
Ny teny hoe "ireo fandaniam-bahoaka telo" na san gong jingfei, dia miainga avy amin'ireo fandanian'ny governemanta noho ny fivoahana mankany ivelany, sakafo sy fialamboly ary ny fiaram-panjakàna. Ireo fandaniana telo ireo no noheverin'ny vahoaka manontolo ho toy ny tena fototry ny kolikoly ho an'ireo mpikambana ao amin'ny governemanta
Iran: Vehivavy Iray Mpitoraka Bilaogy Voakaravasy in-50
Ireto ireo teny nosoratan'ilay Iraniana mpitoraka bilaogy Somayeh Tohidloo[fa] tanatin'ny bilaoginy taorian'ny nikaravasiana azy in-50 tany amin'ny fonjan'i Evin ny 14 Septambra 2011: Mifalia, satria raha ny hanala baraka ahy no tanjonareo, ambarako fa mararin'izany famerezan-jo izany ny tenako iray manontolo
Libia: Lalao Baolina Kitra Voalohany Nandreseny amin'ny maha-Firenena Malalaka azy
Resin'i Libia tamin'ny isa 1-0 i Mozambika tamin'ny fifantenana ireo hiady ny Tompon-dakan'i Afrika amin'ny baolina kitra, fandreseny voalohany hatramin'ny nionganan'ny fitondran'i Muammar Gaddafi. Feno fifaliana ao anatin'ny Twitter satria dia mankamamy ny fandreseny voalohany amin'ny maha-firenena malalaka an'i Libia
Sakanan'ny Governemanta Siriana Ny WordPress
Mitatitra ireo mpampiasa Twitter Siriana fa ny sehatra fitoraham-bilaogy be mpamhalàla, WordPress, dia voasakana amin'ireo ISPs (mpanome tolotra aterineto) ao amin'ny firenena. Manaraka ny onjam-panoheran'ireo mpanohitra ny fitondrana izay mampitroatra ny firenena izany fihetsika izany na dia eo aza ny famoretana henjana avy amin'ny governemanta
Brezila: Nasian'ny Tondradrano Indray Ny Fari-piadidian'i Santa Catarina
Niteraka tondra-drano tany amin'ny tanàna maro tany amin'ny faritra Atsimon'i Brezila indray ny oram-batravatra namely ny fari-piadidian'i Santa Catarina. Hatramin'ny 8 Septambra 2011, dia tondradrano, ranontrambo tampoka sy tany mihotsaka no namely ireo tanàna 96 any amin'ny faritra ary, araka ny lazain'ireo mpampahalàla vaovao mahazatra, manodidina ny 1 tapitrisa ny olona tra-boina.
Libanona: Fandrisihana Ireo Mpiasa Mpila Ravinahitra Amin'ny Teny
Vondrom-piarahamonin'ireo tanora mavitrika ao Beirut, The Migrant Workers Task Force (Vondron'Asa Momba Ireo Mpiasa Mpila Ravinahitra) no miezaka manohana ireo mpiasa an-trano ao Libanona izay mazàna tsy rariny mihitsy ny fepetra iainany sy iasàn'izy ireny. Mitatitra i Thalia Rahme.
