Tantara tamin'ny 04 Septambra 2011
Myanmar: Sarintanin'ny Fonja Iaraha-manoro
Nisy Sarintanin'ny Fonja Iaraha-manoro ao Myanmar natsangana ho fanohanana ny hetsika fanafahana ny mpanao gazetin-dahatsary ‘Free Burma’. Ny sarintany dia mijery sy manome fampahafantarana fohy momba ny fonja 43 ao Myanmar. Mpanao gazetin-dahatsarin'ny Democratic Voice of Burma miisa 17 no voatazona ankehitriny.
Vohitra any Ségou: Mivavaka Hiavian'ny Orana
Nandritra ny volana Aogositra dia nisedra tsy fahampianà rotsak'orana ireo vohitr'i Ségou, faritra iray ao Mali. Nisy fiantraikany ratsy teo amin'ny asan-dry zareo eny an-tsaha izany, nanozongozona ny taom-pambolena iray manontolo. Ny hany sisa natao dia ny nivavaka. Farany, rehefa ela niandrasana dia tonga ny orana, nahafahan'ireo mponina mba nankalàza ny fifarànan'ny Ramadany tao anatin'ny saina tony. Ny mpandray anjara amin'ny tetikasa Ségou Villages Connection dia manoratra mikasika io vanim-potoana sarotra io.
Global Voices Miara-miasa Amin'ny UNFPA Amin'ilay Atrikasa “7 Miliara”
Amin'ity taona 2011 ity dia hihoatra ny 7 miliara ny isan'ny mponina manerana izao tontolo izao. Mba hanamarihana izany dingana izany, niangavian'ny United Nations Population Fund (UNFPA) na ny tahirin'ny sampan-draharahan'ny Firenena...
Iran: Mitsikia, Mamaky Ny Mailakao Ny Fitondrana
Nitombo isa ireo mpamaham-bolongana Iraniana nanambara ny tebitebiny rehefa nandre fa ny fitoera-mailaka Gmail dia mety ho boky mivelatra hovakian'ny fitondrana Iraniana ary nokendreny tamin'izany ireo mpisintaka tato anatin'ny roa volana izay
Nizeria: Misaritaka, Miandry Ny Fahatongavanà Vehivavy Iray?
Ngozi Okonjo-Iweala (NOI), Minisitry ny Fitantanam-bola vaovao sy Minisitra Misahana ny Toe-karena. Vao haingana kely i NOI no tale jeneralin'i Banky Iraisam-pirenena. Raha vao nanomboka nikotaba ny haino aman-jery mikasika an'io fanendrena azy io, dia tsy nitsahatra niresaka momba an'io vehivavy manam-pahefana ambony indrindra tao amin'ny kabinetran'ny filoha Goodluck Jonathan io ny mponin'ny aterineto .
