Tantara tamin'ny 17 Aogositra 2011
Pero : Fanehoan-kevitra Taorian'ny Fanokanana an'i Ollanta Humala
Ny 28 Jolay, Ollanta Humala dia notokanana ho Filoha vaovaon'i Pero. Ireo fanamarihana sy tsikera avy amin'ny tambajotram-pifandraisana sosialy dia rakotry ny finoana sy fanantenana, hatramin'ny kiana masiaka sy manambany ary fanamarihana mahatsikaiky momba ny fitafian'ny vadin'ny filoha, Nadine Heredia
Ejipta: Ny enti-milaza “mi-mubarak”
Tsikaritry ny faribolana Ejipsiana an-tserasera fa misy itovitovizana ny zavanitranga tany Le Caire sy ny faritry ny Helodrano (Bay Area) rehefa nopihan'ny fitaterana any San Francisco ny fitaovana fampiseraserana amin'ny alalan'ny finday ho aroriaka amina fihetsiketseham-panoherana iray.
Alavoly Mahatsikaiky Miaraka Amin'ny mèmes Tenifototra Japoney
Nanomboka tamin'ny nanomezan'i Twitter ny fahafahana manao tenifototra Japoney, lasa mitobatobaka ny kilalaon-teny amin'ny tontolon'ny Twitter Japoney.
Pakistan: Mankalaza ny Fetin'ny Fahaleovantena
14 Aogositra ny Andron'ny Fahaleovantenan'i Pakistan, izay manamarika ny daty nialàna tamin'ny fanjanahana Britanika ary nahatonga azy ho firenena afaka. Amin'ity taona ity, nankalazaina tamin'ny firavoravoana be ny 14 Aogositra, tsy teny an-dalana ihany fa teo amin'ny tontolon'ny bilaogy ihany koa. Bilaogera mahafatrapo nandefa lahatsoratra momba an'i Pakistan, mivavaka ho amin'ny fandrosoany sy ny fahombiazany.
Zambia: Nametraka ny “Vlaogy” mialoha ny fifidianana ny Mpiserasera
Koa satria moa vonona hiatrika ny fifidianana intelo miantoana manerana ny firenena amin'ny faha-20 ny volana septambra ho avy izao ny Zambiana dia nanapa-kevitra ny hametraka ny hafatra politika sy sosio-ekonomika amin'ny alalan'ny lahatsary Youtube ny mpanao politika Zambiana iray.
Madagasikara: Sazy Mitondra Mankamin'ny Fitontonganan'ny Toe-karena Sy Tsy Fanjarian-Tsakafo
Tato anatin'ny taona vitsy dia niaina fitontonganana misoko mangina ny toe-karen'i Madagasikara, izay efa marefo rahateo, miantraika mafy amin'ny fiainan'ireo vahoaka Malagasy an-tapitrisany izany. Miaraka aminà toe-karena voakilasy ho ratsy indrindra eran-tany sy ny fanjarian-tsakafo misoko mangina, mireaka ny antom-pisiana sy ny fiantraikan'ny sazy iraisam-pirenena ny vahoaka Malagasy.
