Tantara tamin'ny Jolay, 2011
Sodàna Atsimo: Hafatra momba ny #LoveFromSudan
Ny ampitson'ny fahaleovantenan'i Sodàna Atsimo, nanangana vondrona hetsika ny tanora Sodaney izay miezaka hampisy fifanakalozana sy firahalahiana eo amin'ny Atsimo sy Avaratra ary hampifandray amin'ny alalan'ny aterineto ny tanora avy amin'ireo firenena roa ireo. Mo Elzubeir no nifofotra voalohany tamin'ny fampielezana horonantsary, hafatra fandefasam-peo sy Twiter #lovefromsudan, ary navitrika aoka izany tamin'ny fampandrosoana...
Iran: Fahavaratra Mafana Mitarika Amin'ny Famaizana Fitafy “Tsy Mendrika”
Amin'ny toerana maromaro, midika masoandro, ranomasina, ary fotoam-pialatsasatra ny fahavaratra. Ao Iran, midika zavatra iray ny fahavaratra farafahakeliny: famaizana izay manao fitafy tsy mendrika na “tsy-Islamika”. Tamin'ity taona ity, nanampy amin'ny fampanajana ny fomba fitafy ny polisim-pifamoivozana ao Iran, ary tsy noferana amin'ny fanomezana fampitandremana sy sazy fotsiny ihany ny famaizana....
Rosia : Sambom-pizahantany niteraka resabe
Ny folakandron’ ny Alahady 10 jolay 2011, dia nitsimbadika teo amin'ny tohodranon'i Kouibychev tao amin'ny ony Volga ilay sambo fitsangatsanganana “Bulgaria”. Araka ny atontan'isa ofisialy, dia mpandeha 129 no mbola tsy hita popoka sy heverina ho natelin'ny rano. Matetika rehefa mandre loza sy voina tahaka izao ny olona dia mampahatsiahy ny toe-javatra...
India: Mombai Niaina Tontolo Andro Feno Horohoro
Androany hariva baomba telo no nifanesy nipoaka tao anatin'ny tsena fivarotana be olona mifamahoaho tao Mombai. Haingana ny famoahan'ny mponina ny vaovao any amin'ny fampielezam-baovao sosialy ary mifanolotra fomba hifanampiana. Tamin'io andro io no nahitanay ezaka matotra avy amin'ny mponin'ny aterineto izay nampiasa fomba fampitam-baovao toy ny Google sy Ushahidi niaraka tamin'ireo mpandefa Tweet
Sao Tome sy Principe: Ho Famonjena Ny Kolotsaina Maro Sampana
Ny fankalazan'i Sao Tome sy Principe ny faha-36 taonan'ny fahaleovantenany, ny 12 Jolay, dia nahitàna hetsika ara-kolotsaina sy ara-pomban-drazana natao nanerana ny firenena. Sampannan-dalàn'ny kolotsaina nandritra ny taonjato maro io firenenq io, nitelinq karazana fomban-drazana samihafa hanjary ho tokana. Manampy amin'ny fandraketana ireo dihy nentin-drazana sy bilaogera; sady maneho ny alahelony fa tsy ampy ny hetsika atao mba hitahirizana azy ireny ho an'ireo taranaka ho avy.
Tonizia: Fanentanana ho Fanafahana An'i Samir Feriani Mpitsikera ny Governemanta
Ny vondron'ireo Toniziana bilaogera sy mafana fo dia nandefa fanentanana ho fanafahana an'i Samir Feriani, zokiolona manamboninahitra ambony teo aloha tao amin'ny Minisiteran' ny Atitany izay voafonja hatramin'ny 29 Mai 2011.
Pero: Fitokonan'ny Mpitatitra Tao Lima: Fampielezan-Kevitra Ho Fanoherana Ny Ben'ny Tanàna?
Ny ben'ny tanànan'i Lima, Susana Villarán avy ao amin'ny antoko politika Hery Sosialy ho an'ny Fanapariahana [es], dia efa nahita karazana fanakianana maro sahady tao anatin'ny enim-bolana nitondrany. Ny fitokonana nataon'ireo mpiasan'ny fitaterana ny 13 jolay no isan'ny raharaha goavana miandry ny ben'ny tanàna. Bilaogera sy mpampiasa Twitter maro no nizara ny fahitan'ny olona, fanadihadiana maro, sary sy famakafana nandritra ilay fitokonana.
Tonizia : herisetran'ny mpitandro ny filaminana hanaparitahana ny mpanao fihetsiketsehana
Anankiray amin'ireo lahatsoratra manokana mikasika ny Fanoherana tany Tonizia 2011 ity lahatsoratra ity. Naparitaky ny polisy tamin'ny alalan'ny herisetra ireo mpanao fihetsiketsehana toe anoloan'ny lapam-panjakana tamin'ny 15 jolay lasa teo. Nitaky fanavaozana ireto mpanao fihetsiketsehana ireto ary nikasa hanao sit-in fahatelo tao Kasbah, ivon'ny fanaovana fihetsiketsehana rehetra ao Tunis renivohitra. Anisan'ny...
Indonezia: nahatezitra ny olona ny fahafatesan'ilay mpiasa an-trano tany Arabia Saodita
Naneho ny heviny am-pahavitrihana ireo Indoneziana raha nahare fa notapahan-doha tany Arabia Saodita tamin'ny volana lasa teo i Ruyati, 54 taona, mpiasa mila ravinahitra teratany avy any Java andrefana. Voaheloka ho faty izy satria namono ny mpampiasa azy izay, araka ny filazany, dia nanararaotra azy. Ankoatra ny sazy fanamelohana noraisin'ny fitondrana...
Bolivia: Mpiady Mpiangaly Cholitas Eny Alohan'ny Sehatra
Nahasarika ny sain'ny teratany sy ny mpitsidika efa ho am-polotaonany izao ny tolom-behivavy (catch) ao El Alto, Bolivia. Nampian'ireto vehivavy ireto zavatra kely avy amin'ny nentin-drazan-dry zareo ity lalao malaza ity: taiza koa no nahitanao zipo lava mirenty miaraka amin'ny atin'akanjo, fehin-tenda misy volombolony, volo matevina sy satroka bozaka entina miady eny ambony ringa?
