Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tonizia : herisetran'ny mpitandro ny filaminana hanaparitahana ny mpanao fihetsiketsehana

Anankiray amin'ireo lahatsoratra manokana mikasika ny Fanoherana tany Tonizia 2011 ity lahatsoratra ity.

Naparitaky ny polisy tamin'ny alalan'ny herisetra ireo mpanao fihetsiketsehana toe anoloan'ny lapam-panjakana tamin'ny 15 jolay lasa teo. Nitaky fanavaozana ireto mpanao fihetsiketsehana ireto ary nikasa hanao sit-in fahatelo tao Kasbah, ivon'ny fanaovana fihetsiketsehana rehetra ao Tunis renivohitra.

Anisan'ny zavatra notakian'ireto mpanao fihetsiketsehana ireto ny fialan'ny minisitry ny fitsarana, izay voalazan'izy ireo fa tsy mahavita azy ary “manome rariny ireo mpamono olona tsy manan-tsiny nandritra ny fanoherana”, ao koa ny minisitry ny atitany, izay efa nitazona andraikitra ambony tamin'ny minisitera maro tamin'ny andron'i Ben Ali.

Police in Tunisia. Photo by Kissa online blogspot.

Polisy any Tonizia. Sary nalefan i Kissa tao amin ny blogspot

Nilanja sora-baventy koa ry zareo ireto nandavany ny fanilihana ny tanora ao amin'ny resaka handraisana fanapahan-kevitra, ary mitaky ny fahaleovantenan'ny fitsarana ihany koa.

Nampiasa baomba mandatsa-dranomaso sy kibay ny polisy hanoherana ireto mpanao fihetsiketsehana ireto tsy hivory sy hanao sit-in. Ao amin'ny twitter, tsy mijanona manaraka ny fizotry ny raharaha any an-toerana ny Toniziana.

@walidsa3d:nanaparitaka ny mpanao fihetsiketsehana tamin'ny baomba mandatsa-dranomaso ny polisy#kasbah3

@tunisien:saika hanao sir-in am-pilaminana ireo Toniziana tezitra kanjo notsenain'ny polisy tamin'ny herisetra. #Kasbah3

Nidiran'ny polisy an-keriny koa ny moske iray ka nokapohiny tamin'ny hazo ireo mpanao fihetsiketsehana niafina tao.

@walidsa3dniditra tao amin'ny moske ao Kasbh ny polisy ary nandroaka ireo mpanao fihetsiketsehana tamin'ny hazo#Kasbah3

@ByLasKo:Les flics ont forcé la porte de la mosquée, tabassé et expulsé les gens qui s'y étaient réfugiés #kasbah3

Nidiran'ny polisy an-keriny ny moske, nokapohiny sy noroahiny ny mpanao fihetsiketsehana niafina tao.
Ny sary miaina manaraka no hahitano ireo mpanao fihetsiketsehana nitady hialoka tao amin'ny moske akaikin'i Kasbah, sady nihira ny “Fidèles au sang des martyrs” (tsy mivadika amin'ny ran'ny maritiora). Sempotry ny baomba mandatsa-dranomaso ny sasany amin'izy ireo.

Nosamborina koa ny mpanao fihetsiketsehana am-polony. Misy hafatra mitaky ny hamotsorana ireo rehetra nosamborina ao amin'ny bilaogy Kissa-online:

نطالب بنفس الصوت العالي إطلاق سراح كل المؤقوفين (يبدو أن عددهم 48) وخاصة منهم المدونين الفايسبوكر محمد شايح و شهيد بلحاج وأمان الله منصوري.

Takianay ny hamotsorana tsy misy hatak'andro ireo nosamborina rehetra (48 eo ny isany), indrindra ireo blaogera sy mpisera facebook Mohamed Cheyeh, Shadeed Belhaj, ary Haman Allah Mansouri.

@wa_evolution:
الإفراج عن 26 من معتقلي القصبه, إحالة 20 على القضاء و تجنيد 35. #kasbah3 #kasba3 #tunisie #tunisia

efa navostotra ny 26 tamin'ireo nosamborina, 20 no hiakatra fitsarana ary 35 no hampidirina ho ao amin'ny tafika hanao raharaha miaramila.

Ity herisetra nampiharin'ny polisy ity no nahatonga ny blaogera toniziana hilaza fa mampahatsiahy azy ireo ny zava-nisy tamin'ny fanjakana teo aloha izao zavatra izao. Indreto ny santionany amin'ny fanehoan-kevitra tao amin'ny twitter.

@maroo_king: la #Kasbah3 n'était pas grand-chose (300 personnes) ! je suis pas d'acc avec ce sit-in mais je suis aussi contre la violence de la police !

#Kasbah3 Tsy zavatra goavana akory (olona 300)! Tsy mankasitraka iny fanaovana fitokonana mipetraka iny aho kanefa tsy tiako koa ny herisetra nataon'ny polisy.

@guellaty: Je crois que les policiers n'ont pas compris qu'on sortait d'un état policier.

Tsy azon'ny polisy tsara angamba fa efa nialana ny fanjakan'ny polisy. #Kasbah3

@Marwen:Sinon, je ne me reconnais pas dans la #Kasbah3, mais pour moi la pression de la rue est indispensable et les lacrymos n'ont aucune justif.

Raha tsy izany, tsy anisan'ny #kasbah3 aho, fa ho ahy manokana dia ilaina ny fanerena an-dalam-be ary tsy misy fanamarinana azo omena ny baomba mandatsa-dranomaso.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.