Tantara tamin'ny 10 Jolay 2011
Kolombia: Nandao Ny ‘W Radio Colombia’ ilay Mpanao Gazety, Félix de Bedout
Ny fialàn'i Félix de Bedout Molina mpanao gazety tao amin'ny "W Radio Colombia" [es] ho lasa mpanolotra ao amin'ny Univisión [es] any Etazonia dia nahatonga karazan-tsikera maro tao Kolombia. Mpanao gazety fantatra noho ny asany manadihady sy ny fitsikerana ny governemantan'ny filoha Álvaro Uribe teo aloha.
Frantsa-Senegal: Nosamborin'ny Polisy Frantsay Ireo Mpanao Fihetsiketsehana Tsy Mankasitraka An'i Wade
Manomana ny fifidianana ny ho filoham-pireneny i Senegal ny Febroary 2012. Valo volana tsy hahatongavan'ny latsabato, ny fiarahamonim-pirenena dia efa manohitra sahady ireo zavatra kotrehan'ny filoha, Abdoulaye Wade izay efa 85 taona, mba hiverenana eo amin'ny fitondrana indray.
Rosia: Misafidy ny sainan'ny tanànany ny bilaogeran'i Vladivostok
As the Asia-Pacific Economic Cooperation (APEC) summit of 2012 approaches, local authorities of the Russian maritime city of Raha manantomotra ny Vovonan'ny Fiaraha-miasa ara-toekarena Azia sy Pasifika (APEC) 2012, sahirana anaty fikarakarana Vladivostok, ny mpisera tia famoronana kosa nanoratra fa tsy manana saina ofisialy [ru] handraisana ny lanonana ny tanàna. Indreto ny sasany amin'izay novolavolaina hamenoana izany fahabangana izany.
Ejipta: Nahemotra ny Fitsarana Ireo Namono An'i Khaled Saeed
Khaled Saeed, tovolahy avy any Alexandria nambara fa maty teo am-pelatanan'ireo mpitandro filaminana tamin'ny volana Jona raha araka ny tatitra, dia lasa sary famantarana ny Revolisiona ao Ejipta. Nandrehitra ny tsy fahafaliana teo amin'ireo tanora Ejiptiana nandritra ireo herinandro lasa ny famonoana azy, nahatonga ny sarin'ny vatany voavely mafy hiodina be tao amin'ny aterineto nitondra nankamin'ny revolisiona. Niatrika fitsarana ireo mpitandro filaminana voampanga ho namono azy androany. Ireto manaraka ireto ny fihetseham-po vitsivitsy taorian'ny fanemorana ny raharaha ho amin'ny 24 Septambra.
Taiwan: Mpitoraka Blaogy Voasazy Nandoa Onitra 7000 dollars Noho Ny Fanoratana Tsikeran-tsakafo
Taiwanais mpitoraka blaogy iray no voasazy 30 andro an-tranomaizina sy fanaraha-maso roa taona ary onitra TWD200 000 (USD 7 000 eo ho eo) noho ny nanoratany tsikera momba ny sakafo tao amin'ny blaoginy.
India: Ho avin'i Wikipedia
Mankalaza ny fahafolo taonany ny Wikipedia amin'ity taona ity ary saiky tanàna zato any India no nisoratra anarana handray ny fankalazana izany, isa avo indrindra amin'ny isam-pirenena. Amin'ity taona ity ny Fondation Wikimedia no hanokatra birao voalohany ivelan'i Etazonia, amina tanàna iray any India araka ny nambara. Ny Global Voices dia tafaresaka tamin'i Tinu Cherian, mpi-Wikipedia, momba ny Wikipedia any India.
