Raha toa ka misy ny sehatra iray nahatonga ny Revolisiona ejipsiana [1] “ho fanokafana ny maso” eo amin'ny resaka valantserasera, dia tokony ho ny nahatonga ireo Ejypsiana an'arivony niditra ny tranokalan'ny siokantsera Twitter [2].
Tao anatin'ny telo volana mahery izay dia nandroso dia nandroso ny tontolon'ny Twitter ejipsiana, tsy amin'ny habetsahany ihany fa amin'ny votoatin-kevitra sy ny fiovaovan-kevitra ihany koa; ny fiandohan'ilay fikambanana tsotra tsy nisehoseho teo aloha, nanjary nivelatra haingana dia haingana ho kianjan'ny sosialy sy politika mampientanentana, izay iresahana ny rehetra tsy misy fadifady na sakantsakana mihitsy
Avy amin'iray amin'ireo bilaogera sy mpitsiokantsera malaza ao Ejipta, Alaa Abd El Fattah [3] [teny arabo] (@alaa) ny aingam-panahy amin'izany adihevitra izany mba hitondrana ny tsara indrindra amin'ireo tontolo roa ireo: Twitter [2] sy ny kianjan'i Tahrir [4].
Tweet Nadwa [5] no vokatr'izany, karazana seminera mitovy amin'ny famoriam-bahoaka, nofaritan'i Abd El Fattah tao amin'ny lahatsoratra bilaogy [6] mitondra ny lohateny hoe “Ny mitovy no tafaraka”.
Natao tao amin'ny Foiben'ny Fanohanana ny Fandrosoana ao Kairo, faritra mpanankarena ao amin'ny distrikan'i Dolki ny fivoriana ny 12 jona 2011. Ny lohahevitra tamin'ny adihevitra voalohany dia: ny islamista.
Efa niteraka resabe sahady tao amin'ny Twitter ny adihevitra mikasika ny islamista, ny amin'ny fomba fahitana azy ireo eo anivon'ny fiarahamonina ejypsiana sy ny fomba fahitan'izy ireo ny sivily sy ny demokraty taorian'ny revolisiona Ejipsiana. Rariny araka izany raha nanapa-kevitra nanasa islamista vitsivitsy fanta-daza ao amin'ny Twitter i Abd El Fattah mba hampy kokoa ny adihevitra.
Anisan'ny mpandray anjara i Ibrahim Houdaiby [7], mpiaramiasa mpanoratra ao amin'ny Guardian no sady zafindohalik'i Hassan Houdaiby, Jeneraly Mpitantana faharoa an'ireo Mpirahalahy Miozolomana [8] , tao koa ny mpanao gazety Abdel Moneim Mahmoud [9] sy i Ahmed Samir [10], mpikambana taloha tao amin'ny Mpirahalahy Miozolomana ny voalohany raha toa ka mbola mpikambana mavitrika ao ilay faharoa hatramin'izao.
Nandritra ny adiny telo mahery, niady hevitra momba ny fifandraisany amin'ny Mpirahalahy Miozolomana, sy ny vina ara-toekarena an'i Ejypta avy amin'ny fomba fijery islamista ankoatra ny lohahevitra somary manahirankirana momba ny fahafahan'ny olo-tsotra raha ny Mpirahalahy Miozolomana no mitondra an'i Ejipta.
Araka ny fanao mahazatra amin'ny adihevitra atao ao amin'ny Twitter, dia manana 140 segondra avy ireo mpandray fitenenana hamaly ny fanontaniana tsirairay (mampahatsiahy ny tarehintsoratra 140 isaky ny hafatra alefa amin'ny Twitter) ary mba iàlana amin'ny fitehafana ireo mpandray fitenenana, dia manofahofan-tanana fotsiny ny mpandray anjara ho solon'ny RT. Nohafanaina tamin'ny alalan'ny fijerena fahitalavitra lehibe mampiseho ny pejin'ny Twitter napetraka ho an'ny “Tweet Nadwa” izay ahitana ny sary sy horonantsary farany mandritra ny fivoriana koa ny efitrano izay feno hipoka.
Marobe ireo fanehoan-kevitra avy amin'ny mpandray anjara mikasika ny fivoriana tahaka an'i Hussein Adel Fahmy mpampiasa tweet izay nilaza [11] hoe :
#tweetnadwa [12] zava-baovao ary fisantarana tena tsara. Ny hevitro dia tsy tokony hanohitra ny rafitra momba ny soram-piankohonana ny foto-kevitry ny islamika ao Ejypta.
Alaa Abd El Fattah ao min'ny Tweet Nadwa. Sary avy amin'ny Dr Mostafa Hussein.
Nidera [13] ny fahaizan'i Abdel Fattah ho toy ny mpandrindra ny fivoriana i Dr Moustafa Hussein ary namoaka sarin'ny Nadwa.
Fandraisana anjara lehibe tamin'ny #tweetnadwa [12] @alaa [14], hery lehibe ho an'ny vondrona izany http://twitpic.com/5arcqj [15]
Ary ilay mpampiasa Tweet Mai Zeiny namehy [16] fa :
#tweetnadwa [12] fahombiazana lehibe, niverina ny aingam-panahy tahrir. Fahasamihafan'ny mpandray anjara, adihevitra mahafinaritra! Misaotra @alaa [14] @manal [17] sy ny rehetra
Abdel Fattah nanamafy [18] fa mbola hisy ny fihodinana faharoa amin'ny adihevitra atao mitovy amin'ny Twitter :
Nahafinaritra ny #tweetnadwa [12] misaotra ny mpiara-miasa rehetra, tsy manana aterineto aho amin'izao fotoana izao fa amin'ny manaraka miadihevitra
Mialoha ny hiverenana ao anatin'ny tontolon'ny eritreritra.