- Global Voices teny Malagasy - https://mg.globalvoices.org -

Palestina : Mankalaza ny Fampihavanana ny Hamas sy ny Fatah i Gaza

Sokajy: Afrika Avaratra sy Afovoany Atsinanana, Palestina, Fifandraisana iraisam-pirenena, Politika, Vaovao Mafana

Ny elatra roa Palestiana mpifanohitra, ny Fatah [1] sy ny  Hamas [2], dia nampitsahatra androany ny ady lavarenin'izy ireo nandritra ny fihaonana ho fampihavanana tao Caire, Ejipta.

Ny fanambarana ny amin'ity fifanarahana ity, izay ahitàna ny faritr'i Gaza, izay teo ambany fifehezan'ny Hamas foana hatrizay, sy  Cisjordanie, faritry ny hetsika Fatah dia nankalazaina tao Gaza.

[3]

Palestiana mandray anjara amin'ny fihaonambe iray ho fankalazana ny fifanaovan-tsonia teo amin'ny Fatah sy ny Hamas, tao Gaza. Sary avy amin'i Nayef Hashlamoun – Foibe ALWATAN. Copyright @Demotix 4 mai, 2011

Indreto fanehoankevitra vitsivitsy avy ao amin'ny  Twitter.

Omar Gaza manoratra hoe [4]:

Afomanga amin'ny antoandro be nanahary no nampanjelanjelatra ny lanitr'i Gaza #Gaza ho fankalazana ny firaisana sy  ny #fihavanana

Lina, avy amin'ny  Live from Gaza mibitsika hoe [5]:

Safononoky ny hafaliana noho ny fampihavanana ny #Hamas #fatah  i Gaza   #Palestine

Mahmoud Al Kahlout, avy any Al Nasr, ao Gaza, manampy hoe [6] :

Alefa ho any amin'ny helo mandrakizay ny fifandirana rehetra #Gaza #Cisjordanie #Fatah #Hamas #Palestine #PalUnity

Ilay mpianatra ho mpitsabo avy ao Gaza, Fatma F.Q. miteny hoe [7]:

Arahaba ho an’ NY PALESTINIANA REHETRA noho ny FIRAISAM-PIRENENTSIKA 🙂 #Mosala7a

ary mangataka [8]:

#mosala7aطيب .. هل لرحيل مبارك عن الحكم ، دور بهالتطورات في الجهود المصريه! !
Dia izao. Misy ifandraisany amin'ny fileferan'ny Ejiptiana ve ny fandehanan'i Moubarak?

Ary Asmaa Al Ghoul mampahatsiahy [9]:

الناس بدها عُرس لتشبع فيه رقص..
Mila fampakarambady fotsiny ny olona mba hampitoniany ny hetahetany te-handihy.

Manampy izy [10] :

مبروك الضفة ..مبروك غزة
Mankasitra ry Cisjordanie.. Mankasitraka ry Gaza

Fa misy ihany koa ny tsy faly.

Momba ny Hamas, dia  manamarika [11] i Sam Halaby  :

#Hamas: tena aretin'andoha ianao. Angamba rehefa ajanonao ny fanomezanao an'i Israely an'izao karazana fikafika rehetra izao ka mahatonga anao hiharan'ny fahirano, ny tifitra bala afomanga madinika, angamba mba hanana fandriampahalemana ihany ianao.

ary Sarah, izay mibitsika ao ambadiky ny solonanarana  Jnobiyeh, dia  manampy hoe [12] :

Tsy hoe nanao sonia fifanarahana “firaisam-pirenena” fotsiny ny Hamas androany niaraka tamin'ireo mpiara-miasa avy amin'ny Fatah, fa nanao sonia koa  ny taratasy filazam-pahafatesan'ny fanoherany an'i #Israel.