Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Syria: “Mitohy ny Revolisiona ao Daraa; Miaraka Aminay ve Ianao?”

Tsy nahitana na inona na inona intsony ny toe-draharaha ao Daraa, Syria, kanefa manohy manambara ny fisian'ny fihetsiketsehana vaovao ny fampahalalam-baovao, ary ny famaizana mahery vaika amin'ireo mpanao fihetsiketsehana.

Ao amin'ny Twitter, Daraa Now mitatritra hoe:

MAIKA: Fatin'olona Folo no mitsirara eran'ny tanànan'i #Daraa #Syria

ary nanampy hoe:

MAIKA: Fahamaizinana tanteraka ankehitriny ao #Daraa #Syria, tsy misy sakafo, rano, tsy misy fifandraisana, miangona ireo bala!

Raha nanamarikaSyriansHand :

Maherin'ny dimiambinifolo ny mpanao fihetsiketsehana voadaroky ny mpitandro ny filaminana sy ny tafika Syriana nanomboka ny Talata tao #Daraa #Syria

I As'ad Abu Khalil ao amin'ny Angry Arab News Service‘s  ni-bilaogy hoe:

Loharano tao Syriana no nandefa ahy ity: “”Niezaka nankany Daraa ny rahalahiko androany mba hijery raha mbola velona ny anabaviny sy ny fianakaviany, saingy rehefa akaiky izy dia notifirin'ny tafika ny fiarany ary nolazaina fa efa olona maty izy raha nanantona akaikikaiky kokoa ary mety ho ratsy noho izany aza ka aleoko tsy lazaina. Izany no tafika izay tokony hiaro ny vahoakan'i Daraa,  “ tafika andian-jiolahy”. Amin'ny famonoana olona marobe, miasa mafy ny fitondrana  Syriana ho an'ireo Islamista ifotony.”””

Tao amin'ny lahatsoratra hafa, nanampy izy hoe:

Mino aho fa tokony samy haniry ny fiverenan'ny firenena latsaka an-katerena isika. Tsy mba fantatro fa zava-doza ho an'ny Syriana izany raha tsy manana izany izy. Raha tsy misy an'izany, dia mamono Syriana marobe ny fitondrana.

Raha tao amin'ny YouTube, manohy milazalaza ny ao Daraa ny horonantsary , mampiseho ireo mpanao fihetsiketsehana voadaroka, tahaka ny hita ao amin'ity horonantsary nataon'i horanson1 ity:

Miaraka amin’ ity fanamarihana manaraka ity ny horonantsary(Ar):

الشعب ينشد النشيد الوطني السوري أمام الجيش و الجيش يتردد بإطلاق النار و لكن العناصر الأمنية تبدأ بإطلاق النار على المتظاهرين العزل من نساء و شباب فهل هؤلاء يريدون دولة اسلامية أو امارة أم انهم فقط يطلبون بالحورية
و من يطلب الحرية عند بشار الأسد فهو خائن و سلفي و مندس و موتور
ام الحرية فقط لبشار و ماهر
الثورة مستمرة و الحمد لله المعنويات عالية بالرغم من سقوط شهداء

نحن نطلب الحرية لا اكثر و الحرية بنظر بشار و ماهر الأسد تعني لهم سقوط نظامهم القائم على القمع و الأستبداد
فأين انتم يا أكراد اين انتم يا عرب أين انتم يار دروز اين انتم يا علوية اين انتم يا سوريين
كلنا نريد الحرية
الثورة في درعا مازالت مستمرة فهل انتم معنا؟

Mihira ny hiram-pirenena  Syriana ny vahoaka  manoloana ireo tafika
Syriana, ary valian'ireo tafika amin'ny alalan'ny fitifirana azy ireo izany. Manohy mitifitra foana an'ireo mpanao fihetsiketsehana tsy manana fitaovam-piadiana, vehivavy sy tanora  ireo mpitandro ny filaminana. Maniry firenena Islamika ve sa émirat Islamika ireo vahoaka ireo, sa ny zavatra tena takiany dia ny fahalalahana?

Na iza na iza mitaky fahalalahana dia heverina ho toy ny mpamadika na salafista na mpiasan'i Bachar Al Assad avy any ivelany. Natokana ho an'i  Bachar sy i Maher (Al Assad)  ihany ve ny fahalalahana? Hitohy ny revolisiona ary ambony hatrany ny saintsika na dia eo aza ireo martiora nianjera.

Mangataka ny fahalalahana izahay dia izay ihany, saingy ny fahalalahana eo imason'ireo Bachar sy Maher Al Assad, dia midika ny fiafaran'ny fitondrany, izay nifototra amin'ny famaizana sy ny tsy fahamarinana. Nankaiza ireo Kurde? Aiza ireo Arabo ? Aiza ireo Druze? Nankaiza ireo Alaouite ? Aiza ireo Syriana? Isika rehetra mila fahalalahana. Mitohy ny revolisiona ao Deraa. Miaraka aminay va ianao ?

Tao amin'ny Facebook, ny Sham News Network nanohy nandefa  ny toe-draharaha farany tao Daraa ho an'ireo mpamaky.  Toy izao no novakiana farany:

لا زالت درعا البلد تحت الحصار الإجرامي و البربري من قبل قوات الأمن و الفرقة الرابعة الغادرة و المجرمة ولا زال صوت الرصاص لم يتوقف منذ ثلاثة ايام مع استمرار قطع الماء و الكهرباء و الاتصالات تماماً حتى حليب الأطفال قاموا بإتلافه في محلات الأغذية التي قاموا بنهب بعض محتوياتها واتلاف ما تبقى منها و الأدوية معدومة تماماً و الجرحى في حالة مأساوية جداً و بعضهم إن لم يتم إسعافهم فوراً فسيستشهدون في غضون ساعات قليلة
Mbola eo ambanin'ny ziogan'ny mpamono olona sy ny herisetran'ny mpitandro ny filaminana ary ny mpamadika sy ny mpamono olona  brigady fahaefatra i Daraa. Mitohy manakoako ny feom-basy ary tsy nijanona nandritra ny telo andro. Tapaka tanteraka ny famatsiana ny rano sy ny jiro, ny fifandraisana. Nosimbain'izy ireo hatramin'ny rononon-jazakely eny amin'ny magazay, izay norobainy, ary nanimba ny ambiny rehetra izay tavela tao. Manomboka tsy dia misy firy intsony koa ny famatsiana fanafody ary mampahonena ny mahita ny maratra, tsy afaka tsaboina ny sasany amin'izy ireo ary maty ao anatin'ny ora vitsy avy eo .

Ny pejy Facebook an'ny Syrian Days of Rage manome ny atsimpirihany momba ny toe-draharaha ao Daraa:

Niantso mba hanajanonana ny Famonoan'olona ny vahoakan'i Daraa, mitoka-monina tanteraka i Daraa ankehitriny, napoakan'ny mpitandro ny filaminna ny toby fitahirizana rano, nodorany ireo fivarotan-kena, niditra ankeriny sy nangalatra tao amin'ny fivarotam-panafody. Tsy misy ronono ho an'ny zazakely intsony ka matin'ny hanoanana izy ireo ary tsy avelany hahazo fitsaboana ara-panafody koa ireo vahoaka naratra, ary mbola tonga ao Daraa ihany koa ny fitaovam-piadiana mahery vaika fanampiny, fiara mifono vy maherin'ny 30.

Miverina ao amin'ny  YouTube, ShamNN nizara ity horonantsary ity amintsika, mampiseho ireo mpanao fihetsiketsehana ao Daraa mitoraka vato amin'ireo fiara mifono vy:

Ary ny farany fa tsy ny kely indrindra, ny UN Dispatch nandray lisitra ireo kaonty Twitter valo tokony arahina mandritra ny fihetsiketsehana ao Syria.

“Na dia tsy bado kokoa noho ireo fanaovan-gazety mahazatra, nanjary loharanom-baovao tena ilaina ny Twitter ho an'ireo olona liana amin'ny toe-draharaha mafapàna ao Syria,” izay nohamarinina tao.

Izy ireo dia: @MalathAumran, @ProfKahf@SyrianJasmine, @AnasQtiesh, @Mohammad_Syria, @Wissamtarif, @RazanZ ary @BBCLinaSinjab.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.