Yemen: Iray Maty, Maro no Naratra Tamin'ireo Hetsika Tao Taiz
Ity lahatsoratra ity dia ampahany amin'ny tatitra manokana ataonay momba ny Hetsi-panoherana Yemen 2011.
Anjatony maro ireo mpanao fihetsiketsehana nidina an-dalambe tao Taiz, Yemen, androany, nangataka ny hialàn'ny fitondran'i Ali Abdullah Saleh. Araka ny tatitry ny Yemen Post, mpanao fihetsiketsehana iray no maty ary efatra no naratra noho ny tifitra tamin'ny bala tena izy rehefa nanafika ireo mpanao fihetsiketsehana ny tafika repoblikana.
Na teo aza ny orana, vehivavy, ankizy ary lehilahy maro no hita nitondra elo ary nanofahofa ny sainam-pireneny sady mizotra eny an-dalamben'i Taiz.
multisal999 nampakatra lahatsary iray eto anehoana teo-javatra iray avy eny amin'ny hetsika:
Avy eo, nivoaka tao amin'ny YouTube ny sarin'ireo mpanao fihetsiketsehana maty voatifitra.
TANDREMO: LAHATSARY MAHERISETRA
Ramzi2011100 nampakatra sary miserana misy ireo mpanao fihetsiketsehana milanja ireo mpanao fihetsiketsehana naratra eo am-piandohan'ity lahatsary ity. Miaraka amin'ny fanazavana toy izao manaraka izao ilay lahatsary nampakarina androany:
Ity lahatsary ity dia avy amin'i mufeed2022, mampiseho olona naratra teo amin'ny lohany nolanjaina, taorian'ny tifitra nataon'ny mpitandro filaminana. Ilay lahatsary dia mitondra ny lohateny hoe (Ar):
Ny teny fanolorana miaraka amin'ilay lahatsary dia mivaky hoe:
المتظاهرين دائما كانو يعتقدون بان الجيش في حمايتهم ضد التعسف الامني من قبل قوات الامن المركزي والحرس الجمهوري التي اتضح انها اكذوبه
Ity lahatsoratra ity dia ampahany amin'ny tatitra manokana ataonay momba ny Hetsi-panoherana Yemen 2011.
