Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Voasambotra i Mahmood Al-Yousif, “rain'ny bilaogy” Bahraini

Fotoana fohy taorian'ny 3 ora maraina tany an-toerana, nosamborina tany an-tranony ny mpitoraka bilaogy fanta-daza Mahmood al-Yousif . Talohan'ny nialany niaraka tamin'ireo manam-pahefana, nitoraka tweet ilay mpitoraka bilaogy:

Eto amiko ny mpitandro filaminana

Mahmood Al-Yousif, nandray fitenena tamin-ny hetsika tao an-toerana

Al-Yousif dia mpitoraka bilaogy manan-danja ary ny asa(sorany farany dia momba ny fampihavanana ny Bahraini. Ny 15 Martsa, nanoratra izy:

[Izao] nifidy ny hiverina [any Bahrain] mba hanohana ny fahasalamana sy ny fandeferana. Mba hanohy ny ezaka hampisehoana ny vahoaka fa raha tsy jerena ny finoana, ny fari-piainana ary ny fahasalamana, lahatra ho antsika Bahrainita ny miasa miaraka ary isika no tokony hikaroka ireo fomba mifandanja mba hiaraha-miaina sy hampivoarana ny fahasamihafantsika.

Tsy te-hanorotoroka aho na te-hanameloka olona hafa koa. Mangataka ny fahatongavan-tsaina amin'ny antony fototry ny ady aho mba handrosoana, na inona na inona mety hamparary amin'ny fampiharana izany.

Mpikirakira ny vohikala iray antsoina hoe JustBahraini i Al-Yousif, fanentanan'ny fikambanana hanohitra ny tsy fahaiza-mandefitra. Vao haingana izy dia nanoratra mikasika ny mpanohana ny fanentanana iray norahonan'ny mpitandro filaminana.

Voamarin'ny rahalahiny ny fisamborana azy, tahaka izany koa ny zanany lahy, izay nitoraka tweet:

Vao tonga taty an-tranoko ny mpitandro filaminana ary nisambotra ny raiko, Mahmood Al-Yousif. @BahrainRights @OnlineBahrain

Sary avy amin'ny Rotary Club-n'i Adliya azo ampiasaina miaraka amin'ny  fahazoan-dàlana Creative Commons (CC BY-NC-ND 2.0).

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.