Maro ireo mpandika lahatsoratra (an-tsitrapo) an'ny Global Voices amin'ny teny frantsay no manao izany amin'ny fahafinaretana, amin'ny fitiavana vaovao sy ho an'izao tontolo izao, ary mananaraotra ihany koa mba ho tafita amin'ireo firenena maro samihafa ny dika atao amin'ny vaovao amina bilaogy. Saingy ato amin'ny fikambananay mpandika miteny frantsay , misy olona iray mahafatra-po amin'ny fandikàna ireo lahatsoratra rehetra momba an'i Brezila (ankoatra an'i Irak iray!) ary mandika izany mivantana hatrany avy amin'ny Portigey  : i  Jean, antsoina hoe “Juan”, ary noho ny fitiavany an'i Brezila manokana izany.

Fanontaniana mahazatra: ahoana no nahitanao ny Global Voices sy ny nahatonga anao hanao mpandika teny?

Jean Saint Dizier : mety avy amin'ny fianarana nataoko,  mahavariana, toy ny nofinofy. Mbola mino foana aho fa tsara avokoa ny olona rehetra, mahafinaritra ny olona rehetra. Tsy azo ihodivirana fa ny tranokala no fitaovana mahavariana iarahana miasa mba hampifanakaiky ny o