Lisi-pifidianana. Sarin'ny @2012writer : "Nifidy nilamina aho. Nikatona haingana tamin'ny 11 ora ny sekoly Don Bosco ao PV (Petionville) ary nisokatra tamin ny 6 ora. Tsy nisy filaharana."

Araka ny vaovao ao amin'ny Twitter momba ny fihodinana faharoa amin'ny fifidianana Filoha am-pirenena androany ao Haïti, filaharan-be tao amin'ny birao fifidianana, tsy nahita ny anarany tao amin'ny lisi-pifidianana ireo mpifidy tao amin'ny Lycée Petion sy tao amin'ny Lycée Croix des Bouquets , toe-javatra izay efa nahatonga olàna tamin'ny fihodinana voalohany tamin'ny volana novambra lasa teo. Fa maro ihany koa ireo nanara-maso tamin'ny valim-pifidianana. Manome isa maro an'ilay mpihira Michel Martelly ny fitsapa-kevitra natao herinandro mialoha izay mihoatra lavitra amin'ny mpifanandrina aminny Mirlande Manigat, mpampianatra eny amin'ny oniversité sy vadina Filoha taloha.

@sdarguin1906: "Ho iza ary?"

“Ireo mpifidy tonga nandatsa-bato tao amin'ny vata-pifidianana tao amin'ny Lycée Cité Soleil izay nihiaka #tetkale,” dia ni-tweet tamin'ny mpanao gazety Miami Herald Jacqueline Charles (“tetkale” anisan'ireo anaram-bositr'i Martelly, miresaka an-kolaka momba ny fahasolany), ary sary nalefa tao amin'ny Twitter izay mampiseho ireo kandidà noraisin'ireo mpifidy tami-kafaliana :

@MRSandell: "Ivelan ny birao fadatsaha-bato tamin ny fahatongavan i Martèlly hifidy"

.

@Telenoticiasrd: "Nankeny anivon ny vahoaka i Martelly rehefa avy nifidy".

@MRSandell: "Nandeha tongotra ireo mpakafy an i 'Sweet Micky' mba hitazana ny mpihira tiany"

@mhsaintluc, araka ny filazany, tsy nanafina ny fanohanany an'ny Ramatoa Manigat, sady nandefa ity manaraka ity izy:

@mhsaintluc: "Afaka nifidy ny olona sahaza hitondra fanovana izay efa nandrasan i Haiti aho!"

Niseho teto ny kandidà iray, tamin'ny fahatongavany tao amin'ny birao fandatsaha-bato.

@jacquiecharles: "#Manigat tonga hifidy."

Fanontanina mipetraka ao an-tsain'ny olona maro ny mahafantatra hoe iza amin'ireo kandidà no mahazo ny fanohanan'ny Filoha taloha tsy fantatra be eny ihany Jean-Bertrand Aristide, tonga teto an-tanindrazana ny Zoma, enintaona taorian'ny nahavoahongana azy tamin'ny alalan'ny fanongana-panjakana ka voatery azy nialokaloka. Mampiseho izay mety momba ny Ramatoa Manigat ity sary ity @cliffchevalier .

@cliffchevalier: "Trakitra nozaraina tao Haïti mampiseho fa i Aristide dia miantso mba hifidy an i Manigat. "Kay" midika hoe Manigat?"Ny voasoratra ao amin ny trakitra : "Nangataka ny Haisiana rehetra i Aristide mba hanova ny fon ny Antenimiera haisiana

Izay mifandraika amin'ny  sora-baventy izay nivelatra tao  Cité Soleil, tanànan'ny mahantra midadasika izay ahitana ireo mponina manohana an'i Aristide. Toy izao ny vakiny : “Efa ao sahady i Mama. Tongasoa, Dada !”

@etiennecp: "#Manigat niezaka naka ny fon ny mpanohana an i #Aristidetao ao Cité Soleil miaraka amin ny sora-baventy hoe tonga soa."