Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tonizia: Krizin'ny mpitsoa-ponenana ao an-tsisintanin'i Libya

Ny sisintany misy eo amin'i Tonizia sy i Libya dia nahatazanana ny firohotry ny mpitsoa-ponenana maro be  hatramin’ ny nisian'ny fitroarana tao Lybia. Sady lava no sarotra ny dia mamonjy sisintany, ary ho ny ankamaroany dia tsy mbola tsy mifarana eo ny fahasarotana. Vahoaka marobe  aman-jatony no niandry sady niaritra ny andro mangatsiaka mba hiampita hankao Tonizia. Maherin'ny 75000 ny olona nandositra ny herisetra tao Lybia mba ho any Tonizia, nanomboka ny 20 febroary, ary mbola maro ireo ho avy. Ny toe-draharaha ao amin'ny sisintany Libya-Tonizia dia miditra ao anatin'ny krizy miantraika lalina amin'ny mahaolona, hoy ny UNHCR.

Nalefan'i IFRC  ao Ras Jdir ity horonan-tsary ity tamin'ny 1 martsa.

Maro tamin'ny mpitsoa-ponenana tafahitsoka eo amin'ny amin'ny toeram-piampitàna Ras Jdir any Tonizia no Ejypsiana nipetraka tao Libya. Manaramaso akaiky ny zava-nitranga any an-tsisintany ny mpiray tanindrazana ao Ejipta.

Nampirisika ireo Ejipsiana mba hanery ny governemantany hamerina ireo izay mbola tafahitsoka eo am-piampitàna ao Ras Jedir i Hani Mohammed (@palestinoo7) :

٧٥ الف مصري يستغيثون في منطقة العبور راس جدير ببنقردان تونس، الرجاءالإسراع في إيصال هذا النداء الى الحكومة المصرية، الوضع بدء يتفاقم هناك وهنالك خوف من وقوع أزمة إنسانية

Ejipsiana an'arivony tao amin'ny sisintany fiampitàna  Ras Jdir, tao Ben Guerden, ao Tonizia, no miantsoantso vonjy. Azafady, alefaso ity hafatra ity ho an'ny governemanta Egypsiana. Miharatsy ny toedraharaha aty ary atahorana ny hisian'ny krizy ara-tsakafo.

Shady Al-Mahmoudi(@ShadyAlmahmoudi) ni-tweet:

الانباء القادمه من الاصدقاء التونسيين..تتحدث عن كارثه انسانيه للمصريين الهاربين من القذافي في راس جدير الحدودية..والاعداد تفوق امكانياتهم

Niresaka momba ny fandosiran'ny Ejipsiana an'i  Gadhafi ny namana Toniziana, noho ny krizy ara-tsakafo ao Ras Jdir… ary nihoatra amin'ny tokony izy ny hamaroany.

Wael Ghonim, lohandohan'ny mpanohitra  Egyptiana, (@Ghonim)ni-tweet:

Misaotra ry  rahalahy sy ranabavy Toniziana noho ny fandraisanareo ny namana Ejipsiana. Nampiseho firaisan-kina taminy ianareo noho ny tsy firarahian'ny governemanta!

Map of Libya, Tunisia, Egypt borders

Sarintanin i Libya, Tonizia, Ejipta

Ny fiantsona hamonjy ireo mpitsoa-ponenana ao Ras Jdir dia niparitaka tamin'ny fampitam-baovao,sy ny fampielezan-kevitra amin'ny fanangonana fanampiana .

Niantso ny ONG iraisam-pirenena i Hamdi Kadri(@hamdi_kadri)mba hijery ny fandehan'ny toe-draharaha:

Appel aux ONG du monde entier : la situation se dégrade sur les frontières tuniso-libyènne. Appel à l'aide.

Antso ho an'ireo ONG eran'izao tontolo izao : miharatsy ny toe-draharaha ao amin'ny sisintany manasaraka an'i Tonizia sy i Libya. Antso ho amin'ny fanampiana!

HHassine(@HBHassine) ni- tweet:

C'est le moment de faire preuve de solidarité, d'humanité et de responsabilité: à Ras Jdir,des milliers de gens ont besoin d'aide.Aidez-les!

Fotoana ampisehoana firaisan-kina, hatsaram-panahy, ary fandraisana andraikitra izao: ao Ras Jdir, vahoaka an-jatony no mila vonjy. Vonjeo izy ireo!

Zied Mhirsi,(@zizoo), dokotera Toniziana nanolo-tena hanampy ireo Libyana izay nandositra ny herisetra:

On a surtout besoin de ressources humaines pour gerer ces milliers d'arrivant. Venez a Ras Jedir et donnez de votre temps.

Mila olona indrindra izahay mba handamina ireo olona an'arivony. Mahafoiza fotoana hankanesana ao Ras Jedir

Niangavy ny tafika Toniziana  koa izy mba hanampy azy ireo:

L'armee tunisienne est en train de faire un super boulot. Les nations unies sont impressionnees.

Nanao asa tsara ny tafika Toniziana. Gaga ny firenena mikambana.

Manahy ny hafa noho ny firongatry ny mpitsoa-ponenana sao manohintohina ny tombotsoan'i Tonizia mandritra ny tetezamita mbola marefo hatramin'ny nandosiran'ny Filoha Ben Ali.

Mathieu von Rohr solontenan'ny DER SPEIGEL(@mathieuvonrohr) amin'ny raharaham-bahiny:

Ny krizin'ny mpitsoam-ponenana ao Ras jdir dia lasa rahona hafa mitatao amin'i Tonizia – ilaina maika ny fanampian'izao tontolo izao.


Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.