Tantara tamin'ny 28 Febroary 2011
Kambodza: Iza no nanome baiko amin'ny fanakanana ireo vohikala mpanohitra?
Hatramin'ny Janoary, misy ireo vohikala sasany manohitra ny governemanta tsy afaka hidirana any Kambodza. Milaza ireo mpandrindra ny raharaha fa noho ny fahasimbana ara-teknika izany raha milaza kosa ny governemanta fa tsy manao fanivanana izy. Kanefa namoaka taratasy fangatahan'ny governemanta ireo tamban-jotra mba hanakana ireo vohikala maro ny vondron'ny media.
Frantsa:Fihetsiketsehana tao Parisy Manohitra ny Fitondrana Jadona ao Gabon
Manodidina ny 7000 ireo olona nifamory teny an-dalambe tao Parisy renivohitra Frantsay mba haneho hevitra ho fanoherana ireo mpitondra jadona Afrikana sy ny governemanta Frantsay nampangaina ho niray tsikombakomba tamin'ireo fiondrana jadona Afrikana. ny -Sabotsy 26 Febroary 2011. Nanindahindra sora-baventy teo ivelan'ny tanànan'ny Filohan'i Gabon, izay mitentina 140 tapitrisa Euro ireo mpanao fihetsiketsehana.
Maoritania: Mipoaka ny Hetsik'ireo Mpandala Demaokrasia Ao Nouakchott
Nipoaka ny fihetsiketsehana tao Nouakchott, renivohitr'i Maoritania androany, taorian'ny fifanatonan'ireo tanora tany anaty aterineto mba hiantso fihaonambe, izay mitaky fanovàna ara-tsosialy, ara-politka ary ara-toekarena, sy fampitsaharana ny fitondra-miaramila ao Maoritania. Ao amin'ny Twitter, manome antsika fitantaràna ny natrehin-dry zareo maso nandritra ny andro.
Yemen: tonga amin'ny mangotrakotraka? (Video)
Ny Filohan'i Yemen, Saleh dia nanomboka nandefitra tamin'ireo mpanohitra, tamin'ny fanomezana baiko ireo hery fiarovana ny mba hiarovana ny mpitolona. Nefa toa tsy vonona ny handray izany teniny izany ny ankamaroan'ny olona. Mandritra izany, mitohy ireo tolona goavana manohitra ny fitondràna. Mety ho voatsapa ny fahatsaram-panahin'ny governemanta amin'ny diabe nomanin'ny mpiaro ny fitondràna any amin'ny renivohitry ny firenena amin'ny Zoma.
Bahrain: Fanambarana ofisialy ny Andro Fisaonana
Androany no manamarika ny andro faha-10 amin'ny tolona Andron'ny Hatezerana any Bahrain. Rahampitso no manamarika ny andro fisaonana ho an'ireo izay namoy ny ainy tamin'ireo mpitandro filaminana sy miaramila nanafika ny mpitolona.
Bahrain: Fanajàna ny Andro Fisaonana
Ny Zoma (25 Feb) dia nambara tamin'ny fomba ofisialy ho 'Andro iray Fisaonana' an'ireo maritiora rehetra lavo nandritra ny Hetsi-panoherana tamin'ny Andron'ny Hatezerana ho an'i Bahrain, izay nanomboka tamin'ny 14 Febroary 2011. Misaintsaina ny amin'izay andro izay ireo mponin'ny aterineto.
Tonizia: Nametra-pialana ny praiministra taorian'ny vono-olona ny Asabotsy
Ity lahatsoratra ity dia fanadihadina manokana mikasika ny Revolosiona Tonizia taona 2011. Nametram-pialana ny praiminisitra vonjimaika Mohamed Ghannoushi taorian'ny fatiolona ny Asabotsy tao an-drenivohitra Tunis. Ny fifandonana niseho tamin'ny Zoma alina tao amin'ny lalana Habib Bourguiba, nitarika fahafatesan'olona telo nisy teo amin'ireo mpitandro ny filaminana sy ny mpanao fihetsiketsehana. Narahina fampisehona...
Libya: Tahotra sy korontana ao an-tseranam-piaramanidin'i Tripoli
Tahotra, korontana, tebiteby ary hakivina - nampiasaina hitantarana ny zava-manjaka ao an-tseranam-piaramanidin'ny renivohitra Libyana nandritra ny andro faramparany avokoa ireo voambolana ireo. Tafiditra anatin'ny tsy fahafantarana izay ho avy i Libya hatramin'ny nisian'ny fitroarana hikomy amin'ny mpitondra ity firenena iray ity, dia ny fikomiana amin'ny Kolonely Muammar Al Gaddafi ny alin'ny 16 Febroary 2011 (#Feb17) .
Bahrain: Zara raha niova ireo Ministera
Nambara ireo fanovàna minisiterialy tany Bahrain ny alina lasa mba hampitony ireo mpanohitra miantso ny fanavaozana hatramin'ny 14 Febroary. Ireto misy fihetseham-po mlikasika ireo fanovàna ireo, izay mbola tsy voalaza ofisialy.
Malezia: Mitombo ny famonoan-tena
Voahazon'ny olana sosialy mampanahy i Malezia tato ho ato: ny famonoan-tena. Voavinavina fa eo amin'ny 60 eo ireo famonoan-tena isam-bolana mitranga any Malezia. Nisy mihitsy aza tanora Maleziana iray namoaka naotina famonoan-tena tao amin'ny Facebook.
