Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Côte d'Ivoire: Famoretana tan-Kerisetra an'Ireo Hetsika an-Dalambe

Taorian'ny fitsaharana kely, mifantoka amin'i Cote d'Ivoire indray izao ny sain'ireo mpampita vaovao manerantany. Tato anatin'ny dimy andro dia niaina herisetra mivaivay indray ny firenena,  ary fihamafisan'ny resak'ireo Ivoariana mponin'ny aterineto .

Ny 19 Febroary 2011,  “revolisiona” ampilaminana iray  [fr], araka ny niantsoan'i Guillaume Soro azy- ilay praiminisitry ny Filoha Alassane Ouattara nankatoavin'izao tontolo izao – no nokarakaraina tamina toerana mafo samihafa teo amin'ny firenena. Milaza i Ouattara fa nandresy tamin'ny fifidianana tamin'ny 2010 nanoloana an'i Laurent Gbagbo izay efa filoha  hatramin'ny taona 2000, ary noho izay no nanambarany ny tenany ho filoha voafidim-bahoaka ho an'i Cote d'Ivoire.

Mpanao fihetsiketsehana maty

Voaporitra tan-kerisetra mafy tokoa ny hetsi-panoherana tany Abobo, distrika iray mpomba an'i Ouattara any Abidjan renivohitra ara-toekarena Ivoariana, nahitàna farafahakeliny olona 3  maty [fr].

Ity lahatsary manaraka ity dia mampiseho fiara mifono vy an'ny Iraky ny  Firenena Mikambana ao  Côte d'Ivoire (UNOCI) miaro ireo mpanohana an'i  Ouattara manao hetsi-panoherana an'i Gbagbo:

Tchélé Kobres dia nandrakitra sy nampakatra ity lahatsary manaraka ity tao amin'ny vondrona Facebook  ‘Observatoire démocratique en Côte d'Ivoire‘ [fr]; ilay vondrona izay misora-tena ho sehatra ho an'ny daholobe hfifanakalozan-dresaka malalaka  momba ny fivoarana ara-demaokratika ao  Côte d'Ivoire ary manana mpikambana maherin'ny 2.000.

Ilay lahatsary dia mampiseho lehilahy iray miakanjo matroka mitifitra an'ireo mpanao fihetsiketsehana mitondra tanam-polo tamin'ny Sabotsy 19 Febroary 2011:

Ny 21 Febroary 2011, andro izay nampitovian'i Guillame Soro ny hetsika ho toy ny “Revolisiona amin'ny fomba Ejiptiana” , fito no olona [fr] nambara fa maty tamin'ireo mpanohana an'i Ouattara.

Nizara lahatsary nahitàna ireo mpanao fihetsiketsehana namoy ny ainy ireo Ivoriana mponin'ny aterineto. Ity lahatsary ity (TANDREMO: NY SARY ) nalefan'i mdosso4002 tao amin'ny Youtube, dia mampiseho ny vatana mangatsiakan'ireo mpanao fihetsiketsehana mpomba an'i Ouattara maty tany  Koumassi, Abidjan, noho ny tifitra bala afomanga nataon'ny Herim-Piarovana avy amin'ny tarika Gbagbo – Force of Defense and Security (FDS).

Mitondra fanamarihana ilay olona nandrakitra ny lahatsary:

Le sang n'est pas versé pour rien Gbagbo

Tsy miraraka amin-tsy antony ny rà ry Gbagbo

Ny tenifototra #civ2010 ao amin'ny Twitter dia nanjary vao maika nihamafy fototra nanaraka ny onjan'ny fihetsiketsehana, miaraka amin'ireo bitsika niova ho somary maherihery setra kokoa:

Koudou [Laurent Gbagbo] sy ny atin'akanjo masisony, Simone [Gbagbo] sy ny string XXL malaniny dia haboridana sy hatao an-keriny

Ny sasany amin'ny mpampiasa Twitter dia miezaka mampitony ny toe-draharaha:

Ny fahana #civ2010 ihany koa dia tandindon'ny Côte d'Ivoire eo amin'ny aterineto. Manala-baraka an'ireo izay nampiasa azy ny teny ratsy sy ompa.

Mpampiasa Twitter iray hafa no mandrisika ny olona monina ao Abobo, disrtrika iray mpomba an'i Ouattara ao Abidjan, mba hanohy ny tolona:

‘Ndao ry Abobo! tsy mbola tapitra akory ny ady.

Honohono tsy mbola voamarina no miteny fa manomana ady anaty akata hanoherana ny FDS ireo mpomba an'i Ouattara monina ao  Abobo:

Fanamafisana avy amina olona ao an-toerana: raha kely indrindra dia fatinà FDS  40 no eto. Vatana tsy misy lohany!

Mandritra izany, ny tenifototra #civ2010 dia mitana ny lohany amin'ireo lohahevitra ho an'ny Twitter any Frantsa, araka ny nambaran'ny Twirus:

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.