Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

17 Febroary 2011

Tantara tamin'ny 17 Febroary 2011

Bahrain: Ny Fiakaran'ny feon'ireo mpomba ny Fitondrana sy ny Mpanjaka

Koa satria mitohy ity Alarobia 16 Febroary, 2011 ity ny andro faha-telon'ny fihetsiketsehana, maro ireo manainga feo maneho ny fanohanany ny Mpanjaka Hamad bin Isa Al-Khalifa sy ny Governemanta Bahraini.

Bahrain: Kaonty Mampivarahontsana Avy Amin'Ireo Nanatri-Maso ny ‘Vono olona’ Tao Pearl

Mitohy mipoitra ireo fitantarana mampihoron-koditra momba ilay fanafihana niharo halozàna talohan'ny andro miposaka tao amin'ny renivohitra Barhaini, ahitàna ireo mpanao fihetsiketsehana naparitaky ny mpitandro filaminana avy tao amin'ny rond-point Pearl, toerana nofinidin-dry zareo hitobiana mba hanindriana ny fitakiany, raha samy mbola miezaka hanakatra ny tena nahazo azy ireo ny vahoaka...

Bahrain: Fiara Mifono Vy Mizotra Mankany Manama Renivohitra

Taorian'ilay fanafihana vao maraim-be tamin'ity Alakamisy 17 Febroary 2011 ity, natao an'ireo mpanao fihetsiketsehana tao amin'ny rond-point Lulu tao Manama renivohitry ny Bahraini, mivoaka izao ny tatitra momba ny fisian'ireo fiara mifono vy manatona ny tanàna..

Bahrain: Lahatsarin'ilay Fanafihana Vao Mangiran-dratsy Tao amin'ny Rond-Point Lulu

Vao niposaka ny andron'ny Alakamisy 17 Febroary 2011, nanodidina ny tamin'ny 3 ora maraina tao Bahrain, dia notafihan'ny polisy mpandrava korontana ireo mpanao fihetsiketsehana resin-tory nanodidina ny rond-point Lulu, ivon'ny hetsika fanoherana atao hoe Andron'ny Hatezerana mitranga ao Bahrain amin'izao fotoana. Indreto lahatsary vitsivitsy avy amin'ireo hetsika nivoaka hatreto.

Bahrain: Mpanao Fihetsiketsehana Resin-Tory Notafihan'ny Polisy

Nanodidina ny tamin'ny 3 ora maraina, ora eto Bahrain, raha mbola sondrian-tory ireo mpanao fihetsiketsehana teo amin'ny rond-point Pearl, dia tonga nanafika azy ireo niaraka tamina fitaovam-piadiana ny andiana polisy, baomba mandatsa-dranomaso sy herisetra tsy roa aman-tany - TSY NISY FAMPITANDREMANA.

Ejipta : Kianjan'ny fahafahana, andron'ny fahafahana

Omaly dia fanin'ny haravoana ny Ejiptiana. Mizara any fahatsapany i Tarek Amr ary ireo Ejiptiana mpitoraka bilaogy nanatri-maso ny fianjeran'i Moubarak - ilay lehilahy nifehy ny firenen-dry zareo nandritra ny 30 taona ary avy eo voatery nametra-pialàna satria niara-nanandra-peo tokana ny vahoaka hoe :Mialà!

Ombay mitady: Mila Zaza Marobe i Singapore

Nahatratra ny fetra farany ambany 1,16 % ny taham-pahaterahana any Singapore. Mba hampitomboana ny isan'ny mponina, nandroso soso-kevitra ny governemanta ny hampitomboana ny isan'ireo vahiny tonga miasa sy monina any ary mba hampivoarana ity tanàna-fanjakàna kely ity. Ireto ny valinkafatra avy amin'ireo mpitoraka bilaogy

Bahrain: Fanomezana $2,650 ho an'ny fianakaviana Bahraini tsirairay avy

Ho fanamarihana ny tsingerintaona faha-10-n'ny “National Action Charter“, nanambara ny Mpanjakan'i Bahrain Hamad fa omena fanomezana BD1,000 ($2,650) ny fianakaviana Bahraini tsirairay avy. Raha efa maminavina ny tetibola ho azony sy ny zavatra ho vidiany amin'ity vola ity ny sasany, ny hafa kosa dia mitaraina fa hoe kely izany, sady...

Iran: Lahatsarin'ny hetsika androany

Na dia eo aza ny fandraràn'ny Governemanta, nanao fihetsiketsehana tany aminà tanàna maro ireo Iraniana androany, anisan'izany ny tany Tehran (sary eto ambony), Shiraz, Isfahan, ary Rasht. Nangataka ny fahalalahana hanao fihetsiketsehana miaraka amin'ny vahoaka Ejiptiana sy Toniziana ny mpanohitra Iraniana kanefa dia notsipahan'ny Fitondrana islamika izany fangatahana izany.