Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tontolo Arabo: Aorian'i Tonizia, iza ny manaraka?

Taorian'ny zava-nitranga tany Tonizia izay nanery ny filoha teo aloha Zine El Abidine Ben Ali handositra ny firenena, maro ireo mponin'ny aterineto avy amin'ny tontolo Arabo no manontany: “isika ve ny manaraka?”

Ilay Ejiptiana mpanao gazety sady mpitoraka bilaogy Mona Eltahawy, izay nanaraka akaiky nandritra ireo hetsi-panoherana Toniziana teo amin'ny tontolon'ny Twitter, dia nanoratra lahatsoratra-be-mpamaky tamin'ity maraina ity nitondra ny lohateny hoe “Tonizia maromaro, azafady” izay nilazàny fa ny tontolo Arabo dia mitazona ny fofonainy   miandry sao hahita  “Tonizia iray hafa” mipongatra:

Image by Andrew Ford Lyons @drew3000

Ben Ali migadra na voasesitany anaty safidy mbola azon'ny fitondrany ivelomana, mbola manjavozavo ny tohin'ny ara-politika. Saingy mibanajina an'ity firenena madinika Arabo ity izao tontolo izao ary manontany tena raha ity no dingana voalohany  amin'ny fanadiovana ny faritra amin'ireo raibeny.

Ilay mpandalina  Juan Cole koa dia naminavina ny mety hahatonga an'i Tonizia ho fiandohan-javatra goavana be:

…Saingy satria sady Sionita no Arabo i Tonizia, tsy dia olana loatra ho an'ny Ejiptiana, Alzeriana, Siriana ary Jordaniana ny maka ny fomba fanaony sy ny fandresen-dahatrany ho amin'ny tombontsoan'ny tokantranony manokana, izay mahatonga azy hanana toerana lehibe ho fakan-tahaka. Amin'izao fotoana ny fifanatonan'ireo manam-pahaizana nahazo diplaoma ambony BA, ny matihanina, ny mpiasa, ny mpiompy, ny liam-pivoarana ary ny Silamo mafàna fo izay mitondra mankamin'ny demaokrasia parlemantera dia toa manana akony be kokoa eo amin'ny tontolo Arabo noho izay fitondrana tsy refesi-mandidy entin'ny ayatollah any Iran (ny Sionita tsy manana ayatollahs). Andrasana sisa raha ilay Tonizia kely no ho lasa fiandohan-javatra, na iray amin'ireo efa ratsy fiaingàna.

Mandritry ny tontolo andro, fihetseham-po toy izany no manako manerana ny Twitter sy ny tontolon'ny fitorahana bilaogy Arabo. Mandefa tweets ilay Saodiana mpanao gazety, Ebtihal Mubarak (@EbtihalMubarak:

Raha hitohy hitranga ny tsy ampoizina tsy ho i Ejipta no manaraka ny revolisiona Toniziana fa i SYRIA. Hisy ankehitriny ny tontolo Arabao vaovao#Sidibouzid #Syria

“Majnoon Habibi” (@majnoon4) manoratra, mitovy amin'izay lalan-jotra izay ihany:

androany Tonizia , rahampitso i Syria fasista. Miàla any ny revolisiona. Hitondra demaokrasia ho an'ny Afovoany Atsinanana Arabo.

Noforonin'ilay Ejiptiana @ZeinabSamir

Syrian Arwa Abdulaziz (@arwa_abdulaziz) koa milaza ny ampitso fa ho i Siria no hidaraboka manaraka:

اليوم العالم ينشد “حماة الحمى يا حماة الحمى _ هلمو هلمو لمجد الزمن” وغداً بإذن الله سينشد العالم “حماة الديار عليكم سلام ” #Tunisia #syria
Mihira izao tontolo izao androany [Hiram-pirenena Toniziana] ary rahampitso Hihira izy ireo raha sitrak'Andriamanitra [Hiram-pirenena  Siriana] #Tunisia #Syria

Mahatsapa tahaka izany ilay Siriana, Yassine Essouaiha (@syriangavroche):

فليتعلم الطغاة و لتنتبه الشعوب: الجوع هو شرارة الغضب, لا الدين و لا الطائفة و لا “الفتنة” و لا نزاعات زعماء الأحزاب #sidibouzid #tunisia
Mba ho voarain'ireo olon-doza ireo ny lesona ka hijery tsara ny vahoaka: ny hanoanana no pitik'afo mahatonga hatezerana; tsy ny fivavahana, na sekta, na “fitna”, tsy ny fifandiran'ireo mpitarika antoko samihafa

Na eo aza ny fanantenana, na izany aza, manamarika i Nader Haddad (@NaderHaddad) fa ny masoivohom-baovaom-panjakana Siriana dia tsy niteny momba ny fitroàran'ny vahoaka tany Tonizia:

Tsy nisy fitenenana na kely akory aza momba ny fitroàran'ny vahoaka tany  #Tunisia nataon'ny masoivohom-baovao ofisialy ao #Syriahttp://bit.ly/g4xNY8

Na inona zavatra mbola hitranga mety ho hita, dia tsy azo lavina fa niteraka onjam-panantenana fiovàna namakivaky ny tontolo Arabo ny fitroàran'ny Toniziana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.