Tantara tamin'ny 08 Janoary 2011
Palestina: Tatitry ny nanatri-maso momba ny baomba mandatsa-dranomaso tamin'ny fihetsiketsehana tany Bil'in
Ny fahafatesana vehivavy Palestiniana iray tany Bil'in, voalaza ho noho ny fifohana baomba mandatsa-dranomaso tany amina fihetsiketsehana, dia niteraka fihetsiketsehana hafa indray androany - tamin'ity indray mitoraka ity voatatitra ary narahana akaiky tamin'ny fitoraham-blaogy kiritika Twitter.
Tonizia : “tsy matahotra intsony izahay!”
Mihamanatona ny faran' ny taona fa any Tonizia kosa dia mikorontana noho ny firohotana ara-tsosialy izay heverin'ny mpitoraka bilaogy maro fa hitondra fiovana lehibe eo amin'ny firenena. Noho ny fanivanana ny aterineto sy ny haino aman-jery Toniziana, dia fahazarana ny mampahafantatra sy mikarakara ny fanoherana mandritra ny 13 andro amin'izao fotoana izao amin'ny fampiasana ny tenifototra #SidiBouzid. Fanontaniana iray anefa no mipetraka: Fa maninona ny fanoherana any Tonizia no tsy manako toy ny fanoherana tany Iran? Fanampian'izany, fa maninona no resahina foana ny fanivanana any Sina ankehitriny nefa ny daroka ataon'ny polisim-panjakana any Tonizia tsy mba lazaina?
Chile: Mpitoraka bilaogy mifanakalo hevitra momba ny fanalan-jaza noho ny antony ara-pahasalamana
Mifanakalo hevitra ireo Chilean mpitoraka bilaogy momba ny volavolan-dalàna ikendrena ny hanaovana ny fanalàn-jaza noho ny antony ara-pahasalamana tsy ho toy ny heloka bevava intsony, zavatra izay noraràna hatramin'ny 1989, ka manome alàlana hampitsahatra vohoka noho ny antony ara-pahasalamana raha toa ilay reny ka mitondra vohoka fantatra fa tsy ho tafita na mety hanohintohina ny ain-dehibeny.
Côte d'Ivoire : Sehona habibiana ao amin'ny fonja be gadra indrindra
Misy video mampikorontana ny fiaraha-monina Ivoriana amin'ny aterineto amin'izao fotoana izao. Ahitàna ny miaramila midaroka gadra - voalaza ho mpomba an'i Alassane Ouattara - ao amin'ny MACA, fonja any Abidjan. Nanomboka tamin'ny fiandohan'ny krizy ara-politia any Cote d'Ivoire, am-polony ireo olona nosamborina tany Abidjan noho ny fironany ara-politika, ary nogadraina ao amin'ny MACA.
