Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nepal: Mpanao gazety notafihana noho ny fanaovana tatitra iraisam-pirenena

Shreedeep Rayamajhi, mpanao gazety Nepale dia sady mpanao gazety no mpitoraka bilaogy matihanina, manoratra ho ana Fikambanana Fampahalalam-baovao iraisam-pirenena toy ny GroundReport sy ny  CNN's iReport.  Rayamajhi dia manoratra ihany koa ho ana gazety an-tsoratra manana ny lanjany ao an-toerana ihany, toy ny ‘the Nepal Travellers Publication’, sady miasa ho an'ny Amerikana mpanao asa maimaimpoana ao  Kathmandu.

Nanomboka nahazo mailaka tsy misy sonia noho ny asa maha-mpanao gazety azy i Rayamajhi volana maro lasa izay, izay notateriny avy eo  tamin'ny 14 Novambra. Ny 16 Novambra, nilaza i Rayamajhi fa nisy nanafika, tapaka ny taolam-panaviny ary nioritra ny hato-tongony. Notateriny tamin'ny mpitandro filaminana tao an-toerana ny fanafihana nahazo azy, saingy satria izy mpanao gazety tsy miankina, tsy misy media manohana ao an-damosiny, dia tsy noraisina ho tena zava-dehibe ny momba azy. Nilaza taminay i Rayamajhi fa nitsahatra tsy nitatitra izy ary matahotra ny amin'ny ainy.

Araka ny tatitra iray nataon'ny  Komity Miaro ny Mpanao gazety, dia matetika no iharan'ny fanafihana miharo herisetra ireo mpanao gazety ao Nepal; tamin'ny 2010, tompona fanaovan-gazety telo no nisy nitifitra ho faty, ary enina raha kely indrindra ny mpanao gazety nisy namono noho ny asan'izy ireny hatramin'ny taona 2000.

Ny tantaran'i Rayamajhi dia azonao vakiana amin'ny fomba nanoratany azy manokana ao amin'ny Ground Report.

1 hevitra

Hiresaka koa

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.