Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kiobà: Fiaraha-mientana an-tserasera taoriana fianjerana voromby

Cuban plane crashes with 68 on board

Voromby Kiobàna nianjera nitondra mpandeha 68. Nindramina avy tamin i Escambray.

Nanamafy ny vohikalan-gazety Escambray [es] ny takariva mody masoandron'ny alakamisy 4 novambra fa nisy voromby [fiaramanidina] nianjera teo akaikin'ny tanànan'i Guasimal, 15 kilometatra miala avy eo an-tanànan'i Sancti Spiritus ao afovoan'i Kiobà. 68 ny isan'ny olona maty. Minitra vitsivitsy toriana dia nifampita vaovao momba ity lozam-pifamoivoizana nahafatesana olona ity tamin'ny alalan'ny twitter.com ny Kiobàna mpampiasa azy.

Ny mpanao gazety @humbct66 no nisioka ny filazana voalohany momba ity raharaha ity, tahaka ny fahatongavan'ny ambulances sy ny mpamonjy voina mikaroka sao mbola misy ny velona. Rehefa hitandry zareo fa tsy misy velona intsony tao dia niely nanareana ny aterineto ny hafatra fampaherezana ho an'i havan'ireny niharam-boina.

La solidaridad se hace presente. Mensajes de personalidades y personas comunes se conjugan en la red por #accidente en #SanctiSpíritus

Mitombo ny fiaraha-mientana. Mifangaro amin'ny aternieto avokoa ny hafatra avy amin'ny olo-malaza sy ny olo-tsotra tamin'ny fampiasana ny tenifototra #accidente any #SanctiSpíritus

Avy amin'ny fampiasa ny tenifototra #Cuba kosa no nahatongavan'ny hafatra fampaherezana avy amin'ireo Kiobàna monina any ampitan-dranomasina.Manoratra i @marianeli54:

Mis pensamientos están con mi pueblo querido, que hoy llora por el trágico accidente del vuelo ATR-72.

Mankany amin'ny mpiray tanindrazana malala mitomany noho ny lozam-pifamoivoizana an-habakabaka zotra ATR-72 ny eritreritro

Nivadika ho sehatra ahitana loharanom-baovao amin'ny antsipiriany ny zavanitranga ny sehatra ho amin'ny fanehoan-kevitra isan-karazany. Avy ao amin'ny Cubadebate [es], nilaza i Osmel fa tany amin'ny toerana nitrangan'ny loza izy ary lazainy fa “mampihorin-koditra” ny hitany. Mandritra izany fotoana izany dia miangavy ny hanaovana “fisaonam-pirenena noho ny loza” i Adrián [es] ao amin'ny Juventud Rebelde [es].

Hatramin'ny fotoana nanoratana ny lahatsoratra nadika dia tsy mbola fantatra ny antony nahatonga ny loza saingy efa nanangana vaomieran'ny manampahaizana hanadihady momba ity lozam-pifamoivoizana nahafatesana Kiobàna 40 sy vahiny 28 avy amin'ny firenena folo hafa avy any Arzantina, Meksika, Holandy, Alemaina, Aostrisa, Espaina, Frantsa, Italia, Japana ary Venezoelà ity ny sampan-draharaha kiobàna misahana ny fifamoivoizana an-habakabaka.
El blog de Yohandry [es] sy Destino Cuba [es] no mamoaka ny vaovao farany momba ity voina mampalahelo ity.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.