Tantara tamin'ny 16 Septambra 2010
India: Mirehitra indray i Kashmir…
Ny korontana misy amin'izao fotoana any amin'ny faritra Kashmir Indiana dia nateraky ny fanoherana mahery setra nipoitra taorian'ny nivoahan'ny tatitra momba ny fanivaivana ny Korany tany Michigan, Etazonia. 18 raha kely no olona maty ary marobe ny naratra. Mipetraka ny fanontanian'ny olona hoe firy amin'ireny hetsi-panoherana ireny no tena nateraky ny fanivaivana ny Korany ary firy no vokatry ny toe-po mankahala indiana fotsiny izao sy ny adin'izy ireo ho an'ny fahaleovantenany.
Aostralia: manangana ny governemantan'ny vitsy an'isa i Julia Gillard
Tapitra ny lalao fiandrasana fifidianana any Aostralia. Nanangana governemantan'ny Mpiasa vitsy an'isa i Julia Gillard. Indreto misy fanehoan-kevitra sasany amin'ny aterineto.
Kioba: fampiatoana amin'ny asa 500.000
Mirona mankamin'ny fibabohan'i Fidel Castro (izay nialana bàla nony avy eo) fa tsy miasa intsony ny modely ekonomikan'i Kioba, dia nanambara ny governemanta [ES] fa mikasa ny hampiato mpiasa maro ao amin'ny asam-panjakana, izany dia ezaka mba hanomezana aina kely ho an'ny ekonomian'ny firenena. Miady hevitra mikasika ireo fepetra ry zareo Kiobana mpitoraka blaogy .
Siria: Tal al-Molouhi, vehivavy iray 19 taona, mpitoraka blaogy, no any am-ponja efa ho herintaona maninjihinjy izao
Tal al-Molouhi, Siriana iray mpitoraka blaogy, dia nosamborin'ny olon'ny Sampan-draharaham-panjakana Siriana miandraikitra ny fandriampahalemana noho izy namoaka tononkalo momba an'i Palestina tao amin'ny blaoginy.
