Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Video: Fanatontosana raki-kira antsary ambanin'ny 99 USD

Any amina indostria izay mitombo hatrany ny fandaniana, ny fanatontosana sy fandokafana horonantsarin-kira dia mety hanahirana. Ny vohikala 99 Dollar Music Video (horonantsarin-kira amina 9 dolar monja)  dia manome fahalalahana ho an'ireo  tarika sy mpanao sarimihetsika hamiratra miaraka amin'ireo famoronana horonantsary, alaina anatin'ny andro iray, avoaka ao anatin'ny andro iray ary tsy mihoatra ny 99 US Dollars ny sandany.

Toy izay anazavan'izy ireo azy:

$99 Music Videos dia tambajotra mahaleotena ao amin'ny aterineto miompana amin'ny mozika voatokana hanomezana sehatra ny low-fi [Avy amin'ny mpandika: feo iva karazana, mifanohitra amin'ny hi-fi]  ireo horonantsary loha-laharana miaraka amin'ireo tsara indrindran'ny sehatry ny mozika  amin'izao fotoana. Isan-kerinandro, mampisongadina ny horonantsary voalohan'ny tarika mahaleotena iray izahay izay nifampiraharaha tamin'ireo mpanatontosa sarimihetsika mba hanaovana raki-kira antsary vaovao iray, sy miavaka.

Raha avy any Etazonia ny ankamaroan'ireo raki-kira antsary, dia misy ny avy any amin'ireo firenena hafa kosa, ary androany dia omenay ohatra iray amin'ireo ianao. Avy any Brezila, ny mpitendry zava-maneno qinhO sy drgameiro nirotsaka tamin'ny fifaninanana, kanefa dia nandany 17 fotsiny izy tamin'ny raki-kira antsariny “Mais de uma Janela” :

Ao amin'ity fanadihadihana tamin'ny Skype manaraka ity, ilay mpitendry zava-maneno sy ireo mpiandraikitra dia niresaka tao amin'ilay fantsona, izay rantsana iray ao anatin'ny Next New Networks.

Afaka manaraka an'i QuinhO ao amin'ny YouTube ihany koa ianao.

Ny horonantsary dia navoakan'ireo artista na mpanatontosa sarimihetsika, ary raha manana horonantsary mifanaraka amin'ny fepetran-dry zareo ianao dia azo alatsaka ao anatin'ilay fantsona izany. Na dia niadana aza ny famokaran'ny fantsona tato ho ato, manantena izahay fa hampitolagaga antsika izy ireo amin'ny famokarana vaovao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.