Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fanampim-baovao mivantana momba ny fitsapankevi-bahoaka any Kenia

Mifidy androany ireo olom-pirenena Keniana amin'ny fitsapankevi-bahoaka ho an'ny lalàm-panorenana vaovao. Azonao atao ny manaraka ireo fanampim-baovao mivantana ao amin'ireo vohikala Keniana ary koa ny mahazo tati-baovao momba ireo tranga mifandraika amin'ny fitsapankevi-bahoaka ao amin'ny sarintanin'i Uchaguzi.

Uchaguzi (“fanapahan-kevitra” amin'ny teny Kiswahili) dia dika namboarina avy amin'ny sehatra Ushahidi hanaraha-maso ireo trangana fangalarana amin'ny fifidianana, herisetra ary na ireo hetsika am-pilaminana aza, mandritra ny Fitsapankevi-bahoaka hifidianana Lalàm-panorenana amin'ny 4 Aogositra.

Ushahidi, izay midika hoe fijoroana vavolombelona amin'ny teny Swahili, dia noforonina hitateram-baovao momba ny fotoana aorian'ny fifidianana izay namoizana ain'olona 1000 taorian'ny fifidianana filoham-pirenena tamin'ny 2007.

Uchaguzi dia nanangana Efitrano fanarahana ny Toe-draharaha mba hanomezana fanampim-baovao mivantana momba ny fitsapankevi-bahoaka ary koa hitahirizana azy ireo ho teboka fandrindràna eo noho eo.

Ireto misy tati-baovao vitsivitsy avy amin'ny Efitrano fanarahana ny Toe-draharaha. Tamin'ny 4 Aogositra 2010 tamin'ny 1 ora 33 min maraina, nitatitra i Jessica:

Ahmed Maawy, mpilatsaka an-tsitrapo mavitrika, dia miditra avy any Mombasa hanandrana ny SWIFT RIVER ao amin'ny Uchaguzi!

Tamin'ny 1 ora 08 maraina tamin'ny 4 Aogositra 2010 nitatitra i Erik Hersman:

Fitambaran'ireo Tatitra: 413, salan'isa antonon'ny tatitra isan'andro: 34.42, Voamarina: 79.66%

Omaly tamin'ny 11 ora 53 min atoandro tamin'ny 3 Aogositra 2010, nitatitra i Jessica:

Tsara fiaingàna…

TATITRA

* mpitsidika 1651
* tatitra 59 (hisy an-jatony vitsy fanampiny hampiana rahalina ho an'ny fiandraiketana ny zavatra voalohany)
* Ireo sokajy malaza: (1) Kabary fankahalaina, (2) Disadisa, (3) Ezaka fandriampahalemana
* Voamarina 34%

Tamin'ny 10 ora 38 min alina tamin'ny 3 Aogositra 2010, nitatitra i pthigo:

Haino aman-jerin'i Kenia amin'ny aterineto

Ho an'i Jess, haino aman-jery Keniana miaraka amin'ireo tatitra mivantana

http://www.surfmusic.de/country/kenya.html

Phil

Vohikala media hafa ahitàna fanampim-baovao mivantana dia ny Kassfm sy ny Live-Text an'ny Standard.

Tatitra tao amin'ny Live-Text:

Nohavaozina 8 minitra lasa izay
11:51 ao amin'ny Holy Family Basilica ny Praiminisitra Raila Odinga mba hijery ny fizotry ny fifidianana….

11:45 miteny Isaak Hassan, talen'ny IIEC fa niteraka ny fahataràn'ireo biraom-pifidianana sasany ny orana mivatravatra. Manambara izy fa maherin'ny 90 isan-jaton'ireo biraom-pifidianana no nivoha ara-potoana ary niantso an'ireo manampahefana mpikarakara fifidianana hanampy ireo mpifidy manana olana amin'ny lisi-pifidianana.

11:35
Ny IIEC dia namoy Mpiasa Mpiara-mitantana tany Marakwet Andrefana. Nodimandry ny alina teo izy raha narary nandritra ny fotoana fohy. Manao fanambaràna amin'ireo mpanao gazety ny komisiona amin'izao fotoana izao

11:26 Raila dia maminany ny fandresen'ny ENY amin'ny 70 isan-jato ary miantso ireo Keniana hifidy am-pilaminana. Vao avy nifidy vao haingana teo izy tany amin'ny Sekolim-panabeazana fototra any Kibera, Birao ifidianany any Langata.

Izao no nambarany: “Anio dia fotoan-dehibe amin'ny tantaran'ny firenentsika. Ny manan-danja indrindra aorian'ny Fetim-pirenena.”

Ny mpanao tatitra ho antsika, Peter Opiyo da miteny fa mandeha am-pilaminana ny fifidianana any amin'ireo biraom-pifidianana rehetra any amin'ny faritra

11:10 nifidy i Kibaki

11:09 mifidy ny Filoha Kibaki amin'izao fotoana izao ao Othaya ao amin'ny Sekolim-panabeazana fototra any Munaini

(11:05)'Iriako ny hiala ka hametraka lova tsara… Hiala aho afaka 12 volana,’ hoy ny Procureur Général, Amos Wako. I Wako dia nifidy tamin'ny 9 ora 55 mn tany amin'ny Sekolim-panabeazana fototra any Nang'oma. Niteny izy fa hanomboka avy hatrany ny fampiharana.

Kassfm dia manome fanampim-baovao mivantana:

Alarobia 4 Aogositra:

10:45 AM: Mandatsa-bato ao amin'ny Biraom-pifidianana ao amin'ny Sekolim-panabeazana fototra ao Kabarak ny Filoha teo aloha Daniel Arap

10:30 AM: Mandatsa-bato ao amin'ny Biraom-pifidianana ao amin'ny Sekolim-panabeazana fototra ao Kibera ny Praiminisitra Raila Odinga

10:15 AM: Manao fanambaràna amin'ny vahoaka ny talen'ny IIEC, Issack Hassan ao amin'ny toby Tally any Bomas, Kenia

10:00 AM: Ny Minisitry ny Fampianarana Ambony William Ruto dia mandatsa-bato ao amin'ny birao ifidianany any Eldoret Avaratra

10:00 AM: Mitsingilahila ny sambo ampiasain'ny IIEC hitondrana ireo fitaovam-pifidianana any amin'ny reniranon'i tana. Tsy naninona ireo tompon'andraikitry ny IIEC fa very kosa ireo fitaovam-pifidianana

09:20 AM: Mandatsa-bato ao amin'ny birao ifidianany ao Gatundu ny Praiminitra solombavambahoaka Uhuru Kenyatta.

09:20 AM: Mbola mampijaly ny faritry ny Tendrombohitra Elgon ny tsy fahampian'ny làlana fifamoivoizana.

09:00 AM: Mpifidy ao Kaptama, Cheptais ary ireo birao hafa mbola miandry ireo fitaovam-pifidianana

08:18 AM: Eritreretina fa ny ankamaroan'ireo Keniana misoratra anaty lisitra dia hifidy any amin'ireo birao samihafa amin'ny fotoana samihafa amin'iity andro ity.

08:00 AM: Nanomboka aloha tamin'ny 6ora maraina ny fifidianana  tany amin'ireo biraom-pifidianana maro any amin'ny firenena, ka marobe ireo Keniana no nivoaka hanamarina fa hampiasa ny zo demokratikany izy amin'ny fifidianana na tsia ilay lalàm-panorenana naroso.

07:00 AM: Mandatsa-bato ao amin'ny sekolim-panabeazana fototra any Kabarak ny Filoha teo aloha Daniel Arap Moi

07:00 AM: Nifoha maraina be ireo Keniana hisedra ny hatsiakan'ny toetr'andro ka handrotsa-bato.

06:00 AM: Nivoha ireo biraom-pifidianana manerana ny firenena.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.