Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Maraoka: Blaogin-tsary vaovao an'i Agharass

Ilay mpitoraka blaogy Maraokana Agharass dia fantatra amin'ny blaoginy malala-pijery miaraka amin'ireo lahatsoratra (amin'ny teny Frantsay) momba ny lohahevitra isan-karazany manomboka any Palestina ka hatrany amin'ny kolotsaina pop, matetika voaravaka amin'ireo sary avy amin'ilay mpitoraka blaogy manokana.

Vao haingana i Agharass dia namorona blaogin-tsary mitondra ny lohateny hoe Portfolio de Agharass! Ny pejy fandraisana dia misarika ny maso amin'ireo sary mahafinaritra avy amin'ny manodidina an'i Maraoka, voalamina toy ny fitetiandro, ary ny fanindriana ny iray amin'ireo sary dia mitondra ny mpitsidika any amina lahatsoratra iray manokana, feno miaraka amin'ireo fanazavàna sy teny notsongaina mandravaka azy.

Ny lahatsoratra tamin'ny 22 Jolay, sarina tovolahy mpivarotra iray mirenireny eny amoron-dranomasina, dia voaravak'ireo teny notsongaina avy amin'i  Joseph Conrad, Fernand Vandérem, ary Christophe Dejours, ahitàna izao manaraka izao:

“C’est l’homme tout entier qui est conditionné au comportement productif par l’organisation du travail, et hors de l’usine il garde la même peau et la même tête. Dépersonnalisé au travail, il demeurera dépersonnalisé chez lui.
[Christophe Dejours]”

Ny maha-olombelona mihitsy no voavoatra ho mpamokatra amin'ny alalan'ny lojikan'ny asa voalamina ka any ivelan'ny toeram-pamokarana dia mitazona iny “hoditra”, iny fomba fisaina iny ihany. Tsy manana ny maha-izy azy izy any am-piasàna, tsy hanana ny maha-izy azy koa izy any amin'ny fiainany andavan'andro [ Christophe Dejours]

Ao amin'ny pejin'ny mpanoratra ao amin'ny blaogin'i Agharass, hita ity fanazavàna manaraka ity:

Un simple amateur de la photographie, entre la prise couleur et monochrome c’est toute ma vision du monde qui prend forme. La photo m’a toujours permet de mémoriser un instant de la vie, une prise de vue qui reste pour la vie. Mon objectif ? C’est apprendre a mieux maximiser la beauté dans les clichés !

L’amour de la photographie est d’abord une vision splendide de la couleur, de la lumière et des reflets !! La photo parfait est celle qui garde au fond d’elle une certaine histoire que seul la capteur en connait les secrets.

Mpankafy fakàna sary tsotra ihany, ny fomba fijeriko an'izao tontolo izao no hita any amin'ireo sary tokan-doko sy ireo sary miloko. Ny sary dia nahafahako foana nampaharitra mandrakizay ny fotoana iray amin'ny fiainana, sary iray mitoetra miaraka amiko mandrakizay. Ny tanjoko? Hianatra hampitombo ny hatsaràna amin'ireo sary alaiko. Voalohany indrindra sady lehibe indrindra, ny fitiavako sary dia ny fakàna sary izay ahitàna loko mahafinaritra, hazavàna ary taratra ! Ny sary tsara indrindra dia izay mitahiry ny halalin'ny tantara iray izay tsy misy mahafantatra ankoatra ilay mpaka sary.

Raha manopy maso any amin'ilay rakitsary sy ny  kaonty Flickr an'i Agharass anefa, tsapa fa tsy mitoetra fotsiny amin'izay maha- mpankafy izay ilay olona ao ambadiky ny fakantsary. Indro ny santionany:

Ny soratra eo amin'ny sary dia manao hoe "tsy azo ijanonana", nefa ny teny fanazavàna avy amin'ilay mpaka sary kosa manao hoe "C'est interdit et pis c'est tout !" ("Voarara izany, izay no izy!")

"Art populaire et universel…!" (Hosodoko Pop sy an'izao tontolo izao…!")

Ny tilikambo silamon'i Koutoubia any Marrakesh, Maraoka, amin'ny masoandro milentika

Ireo sarin'i Agharass, azo jerena ao amin'ny Flickr, dia voaaron'ny Creative Commons 2.0 Generic License avokoa

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.