Tantara tamin'ny 02 Aogositra 2010
Qatar: Manontany izay tetikasa amin'ny hoavy ireo miasa ivelan'ny tanindrazana
Raha mponina efa ela tany amin'ny iray amin'ireo firenen'ny GCC ianao, inona ireo tetikasa maharitra anananao? Inona no hataonao rehefa tafaverina an-tanindrazana? Ao amin'ny Qatar Living, miezaka mamaly ny fanontaniana tsy azo idifiana ireo niala ny tanindrazany: Inona no hataony rehetra miverina an-tanindrazana izy ireo?
Nikaragoa: Fihaonana mikasika ireo blaogy sy Media Vaovao 2.0 any Managoa
Amin'ny 12 sy 13 Aogositra dia hotanterahina any Managoa ny Fihaonana mikasika ireo blaogy sy ny Media Vaovao 2.0 (2.0 Encuentro de Blogs & Nuevos Medios), miaraka amin'ny fandraisan'anjaran'ireo manam-pahaizana mikasika ny media vaovao avy amin'ireo firenena samy hafa manerana ny faritra, anisan'izany ireo mpanoratra sasany ao amin'ny Global Voices.
Maraoka: Blaogin-tsary vaovao an'i Agharass
Ilay mpitoraka blaogy Maraokana Agharass dia fantatra amin'ny blaoginy malala-pijery miaraka amin'ireo lahatsoratra (amin'ny teny Frantsay) momba ny lohahevitra isan-karazany manomboka any Palestina ka hatrany amin'ny kolotsaina pop, matetika voaravaka amin'ireo sary avy amin'ilay mpitoraka blaogy manokana. Agharass izao dia manana blaogin-tsary antsoina hoe "Portfolio de Agharass!"
