- Global Voices teny Malagasy - https://mg.globalvoices.org -

Global: Teny Grika mankany amin'ny teny Anglisy, teny Sinoa mankany amin'ny teny Rosiana, ary teny Espaniola mankany amin'ny teny Masedoniana

Sokajy: Eoropa Andrefana, Gresy, Fanabeazana, Fiteny, Haisoratra, Hevitra, Teknolojia

Samy efa nandre ireo zava-mahatsikaiky mitranga [1] isika rehefa lasa mampihomehy ny fandikana ireo fomba fitenin'ny teny iray avadika amin'ny teny hafa. Ny fandikana ireo teny sarotra ireo dia anisan'ireo fifaninanana lehibe indrindra ao anatin'ny fandikan-teny, na ho an'ny olombelona izany na ho an'ireo solosaina. Ny tena olana dia mitoetra eo amin'ny toetra/endrika  ara-haintenin'izy ireny, ary tsy afaka avoaka avy amin'ny fitambaran'ireo teny mandrafitra azy ny dikany. Ohatra, ny ohatra tonta [2]n'ny fiteny Anglisy ‘to kick the bucket [3],’ ara-bakiteny midika hoe ‘maty’ , dia tsy misy ifandraisany mihitsy amin'ny daka na amin'ny tavin-drano.

[4]WikIdioms [5] dia loharano ao amin'ny aterineto vaovao miezaka manampy ireo mpandika teny handresy izany olana izany. Niresaka tamin'ny mpamorona ity vohikala ity, Pavel Kats, sy tamin'ny iray amin'ireo mpanampy azy,Yasna Trandafilovska [6], izahay ka dia afaka izy ireo noho izany nanazava ny fiasan'izany tamin'ny fomba raitra [7].

Q: Pavel, afaka ampahafantarinao anay amin'ny alalan'ny fehezanteny fohifohy ve ny Wikidioms?

A: Eny, ny hevitra fototra dia ny hanomezana tontolon'ny vohikala ahafahan'ny olona manampy ny hafa ho tafavoaka amin'ny fandikana ireo teny ireo, mety ho iray amin'ireo olana lehibe mikasika ny fandikan-teny. Mazava ho azy, rehefa miteny aho hoe ‘mandika ny oha-pitenenana iray,’ tsy midika izany hoe fandikana ara-bakiteny, fa fiteny mifandanja amin'ity teny nadika ity, na fomba hafa hahazoana ny dikanteny mitovy aminy. Ity tetikasa ity dia hiaraha-miasa, izay no nisafidianana ny vohikala ho toerana tsara anaovana izany.

Q: Ahoana ny fandaminana ny fikambanana?

A: Maro amin'ireo mpikambana amin'ny fikambanana no mpandika teny matihanina izay manana fotoana malalaka tsy iasany ahafahany manampy anay. Ireo olona ireo dia tena mahalala ireo olana amin'ny fandikana ireo oha-pitenenana, satria dia mahita izany foana izy ireo. Nefa tsy mametra ny ireo mpanampy ireo mpandray anjara ho amin'ny mpandika teny gotsiny izahay, ary dia nahita fandraisana anjara lehibe avy amin'ireo mpankafy ny fiteny izay tsy misy ifandraisany amin'ny asan'ny fandikan-teny. Jereo, maro ireo olona te-handresy ireo olana eo amin'ny fiteny rehefa mikasika ny tenin-drazany izany..

Q: Afaka manome tahan'isa kely anay ve ianao? Firy ireo mpandray anjara, firy ny fiteny…

A: Ny fitambaran'ny fandraisana anjara aloha amin'izao dia eo amin'ny mpandika teny 100 no mihoatra eo, ary mbola mitombo. Mbola vao tanora kely ity tetikasa ity, nefa amin'izao dia afaka mirehareha ho efa namoaka fomba fiteny mihoatra ny 30.000 avy amin'ireo teny mihoatra ny 30. Ary ny lanitra no fetra [8]

Q: Iza no afaka manampy ny vohikala?

A: Araka ny voalazako tery ambony dia tsy voafetra ny isan'ny mpanampy, noho izany dia afaka manampy daholo ny rehetra. Raha ny tokony ho izy, ny politika amin'ny toy izao dia mitaky fahaizana mandrindra ny zavatra ao anatin'ny fandraisana anjara ary ity fandrindràna ity dia ataon'ireo mpikambana maro ao amin'ny fikambananay. Manasa ireo mpandika teny matihanina te-hanampy mihoatra ireo noho ireo fandraisana anjara eny antsefantsefany eny ihany koa izahay mba hifandray mivantana  aminay. Betsaka ny tetikasa manokana, mifandraika daholo amin'ny asa fandikana teny marolafy izay volavolainay ao anatin'ny WikIdioms, ary mitady mpanohana izahay.


Q:Inona no antony ampiasàna  ny vohikala?

A: Ohatra iray tena mety tsara ity. Eritrereto hoe mandika lahatsoratry ny Global Voices amin'ny teny Anglisy mankany amina teny hafa ianao ary ahitana fomba fiteny iray ‘It’s Greek to me! [9]’ izay ny tena heviny ao anatiny dia tsy mazava amin'ilay mpiteny ny hevitra sasany ao amin'ny lahatsoratra. Ahoana no ahafahanao mahazo ny dika mitovy aminy amin'ireo teny hafa avy amin'ny hevitra sahala? Amin'izao, miaraka amin'ny fanampian'ny WikIdioms [10] dia fantatrao fa manana ny fombany ihany koa ireo teny hafa ireo hanehoana hevitra sahala: Ireo Rosiana mitaratra amin'ny Sinoa [11] ary ireo Masedoniana….amin'ny Espaniola [12]!

Misaotra, Pavel!

Q: Yasna, ahoana no nahatonga anao nirotsaka tao amin'ny Wikidioms ary ny antony?

A: Ny firotsahako tao amin'ny WikIdioms dia nilatsaka avy tany an-danitra [13] rehefa nandefa mailaka mikasika ny fitadiavan'i Pavel mpandika teny hanampy ny WikIdioms tamiko ny namako Grika iray. Efa nisinisy ihany izay no niasako ho mpandika teny, ary voamariko fa rehefa avy amin’ [14]ny teny Masedoniana, dia tena sarotra ny mahita ireo loharano sy diksionary ao amin'ny aterineto afaka manampy ireo mpandika teny rehetra hamita ny asany haingana, madio ary tsara. Noho izany dia tonga saina aho fa tombontsoa lehibe entina hanovàna ny zava-misy izany. Nefa, satria tsy ho vitan'olon-tokana ny mahafantatra ny zava-drehetra ary satria miaina ny teny  rehetra ary miovaova sy mivoatra hatrany, dia manasa ireo namako rehetra aho, ary indrindra indrindra fa ireo ekipan'ny Global Voices Lingua maneran-tany [15], mba hitsidika anay ary hanampy anay.

Q: Mpanampy ny Global Voices amin'ny teny Masedoniana [16] ihany koa ianao, afaka milaza aminay ve ianao hoe ahoana no nahitanao ity tetikasa ity ary inona no nanosika anao hirotsaka tamin'izany?

A: Nipetraka tany Grece aho efa 11 taona izao. Satria Grika ny vadiko, ao antrano izahay dia miteny Grika. Nandeha teny ny fotoana, tonga saina aho fa toa nanomboka adinoko ny tenin-drazako [17] ary tena nahasorena izany. Nanomboka nikaroka vahaolana aho ary nahita izany raha nandika lahatsoratra maromaro tao amin'ny Global Voices. Mihevitra aho fa mamporsika izany satria tsy misy fe-potoana amin'izany, tsy misy rarin-tsaina, tsy misy hazakazaka ary mihevitra aho fa rehefa manao zavatra ianao noho ny fitiavanao izany fotsiny ihany, ny vokany dia tena tsara, tena tsara lavitra mihitsy.

Yasna Trandafilovska [6] dia nanampy tamin'ny fanoratana ity lahatsoratra ity.