[1]Ny masoandro ao ambadik'ireo rahona, avy amin' i Dan A'Vard
Tamin'ny herinandro lasa, nanontany ny olona tamin'ny “aterineto” [2] ny mpitoraka bilaogy Afrikana Tatsimo Khaya [3] Dhlanga [4] hoe inona no mety hangatahan'izy ireo amin’ Andriamanitra raha lazainy fa afaka mangataka aminy izay rehetra tiany izy ireo.
Namoaka ireo fanontaniana sasany avy amin'ireo mpamaky izy :
Nankarary, nampihomehy, nampihetsi-po ireo fanontaniana, ary ny sasany aza dia adala be fotsiny izao, izay samy ankafizina daholo mazava ho azy. Nahaliana ireo fanontaniana, valiny/tsikera. Ireto ny lisitr'ireo fanontaniana mahavariana :
Paul Walsh:
Inona ny tsiambaratelon'ny fandrahoan-tsakafon'ny KFC.
Thabiso Ramolefe:
AIZA NO MIAFINA NY FOLO ARIVO TAPITRISA RAND-KO ?
Bathabile Dlula:
Rahoviana ny farandroko eto ambonin'ny tany ry Tompo malala ?
Odwa Dumisani Dandala:
Handeha ho any aminy fotsiny aho dia handinika azy tsara sy hanontany azy. Nahoana? *Mihevitra aho fa mahasolo ireo fanontaniana rehetra ilaiko valiny io* NAHOANA?
Brendah Nyakudya:
Nahoana no nataony tia mifamono be toy izao ny olona maintihoditra
Thulani Mbandezelo:
Fa maninona ianao no tsy manana “hotline” miasa 24ora tahaka an'i Zuma [Filohan'ny Afrika Atsimo ]
Waheeda Safi:
Fa maninona izy no mampiditra olona amin'ny fiainantsika, mampiaina antsika ireny fihetseham-po rehetra ireny dia avy eo maka azy ireo indray… Ary maninona no atao sarotra toy izao ny fiainana.
Ncumisa Ngcaweni:
Hangataka aminy ny hamerenena ny fotoana aho satria tsy tokony ho voafitaky ny bibilava i Eva ary hitsangana eo anatrehany i Adama ka tsy hamela azy handika ireo torolalana nomen'Andriamanitra ary tsy hiaraka aminy handika izany koa.
Cruella Shirley Snook:
AIZA MARINA IANAO NO MIPETRAKA ARY FIRY NY LAHARAN-TARIBY ANAO?
Sarah Judge:
Iza no Andriamanitra ?
Yolande Jordaan:
Nahoana aloha ianao no nanamboatra olombelona raha ohatra fantatrao fa higafy izy ireo? Sady tsy tompon'andraikitra amin'ny ankamaroan'ny fahasarotam-piainana eto ambonin'ny tany ve izahay? Nandoto tontolo iainana, namorona fitaovam-piadiana sy baomba, fanavakavaham-bolon-koditra, fankahalana ireo tera-tany vahiny, sns …. nefa dia mbola tsy vonona ny handray andraikitra amin'ireo fihetsikay izahay, fa aleonay indray aza mifanome tsiny.
Ary ny lisitr'ireo fanontaniana avy amin'ireo mpampiasa Twitter :
@Cynicalgrinch:
Andriamanitra, mpananihany ianao, fa maninona ianao no nanamboatra ireo mpamorona? Misy isa enjehinao amin'ny fanamboarana adala angaha?
@ItsSinga:
Maninona ny zavatra marina foana no sarotra atao indrindra…
@swampcottage:
“Iza no namorona anao ?”
@TigerThebe:
Fa maninona ianao no nanamboatra an'i Julius Malema? [Mpanao politika mpanohitra ao Afrika Atsimo sady Filohan'ny Ligin'ny Tanora amin'ny Kongresy Nasionaly Afrikana.]
@missltzama:
Fa maninona ianao no tsy tia ny blk ppl? [Olona maintihoditra ]
@BrigidL:
Inona no Ataony rehefa maka aina Izy … Toa tena sahirana be izany izy !
@Busi31:
Afaka ataonao mamadika ny rano ho divay koa ve aho?
Nahazo ny laharana voalohany tamin'ny Olom-pirenena Mpanao Gazety Raitra an'i Afrika tamin'ny taona 2008 i Khaya Dlanga [5] tamin'ny fitondrana rivo-baovao amin'ny fampiasana ny aterineto, tao amin'ny fivoriam-be tao Afrika Highway ary isan'ny iray amin'ireo olona 100 mpandresy lahatra indrindra izy tamin'ny Fanentanana, ny Haino aman-jery sy ny Varotra 2008 – fanao isan-taona.