Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Korea Atsimo: Fisaonam-pirenena noho ny fahafatesana vady andefimandry Vietnamiana iray

Misaona ny vady andefimandry Vietnamiana iray maty novonoin'ny vadiny Koreana herinandro taorian'ny nahatongavany tany Korea, ireo mpitoraka blaogy Koreana Tatsimo. Notsindronim-badiny, Jang Du Hyo ( 47 taona ) izay manana aretin-tsaina, tamin'ny antsy sy nodarohana mandrapaha-fatiny i Thach Thi Hoang Ngoc ( 20 taona ). Naneho ny fiaraha-mioriny tamin'ny fianakaviana ny Filohan'ny Korea Atsimo Lee Myung-bak tamin'ny alalan'ny ambasadaoro Koreana any Vietnam. Ireo mpitoraka bilaogy Koreana, raha naneho ny fiaraha-mioriny noho ity famonoana vady andefimandry ity izy ireo, dia nanao antso avo amin'ny governemanta sy ny polisy hanasazy mafy ireo masoivoho tsy ara-dalàna mpikarakara mariazy izay matetika mitondra ireo mariazy ho any amin'ny loza amin'antambo noho ny fanafenana ny tantaran'ny aretin-tsain'ilay ho vady, ireo toetrany sy ny toerana misy azy ao amin'ny fiarahamonina.

Dikamitovin'ny fàfana amin'ny vavahadina tranonkala iray rehefa nitady ny teny hoe: vady andefimandry any Vietnam.

Rehefa mampiditra ny teny fikarohana ‘vady andefimandry any Vietnam’ ao amin'ny Naver.com ianao,  izay tranonkala isan'ny ampiasaina be indrindra ao Korea, dia saika sivy amin'ireo tranonkala folo no tranonkalan'ireo mpiantoka fanambadiana,  mampanantena an'ireo tovolahy Koreana fa hoe afaka mahazo vady avy any Vietnam na avy any ivelany amin'ny vidiny tena mirary izy ireo, .

Iray amin'ireo tanatin'io tsena io i Ngoc, ilay vady andefimandry tanora maty novonoina. Tamin'ny 01 Jolay izy no tonga tany Korea, ary nanambady ary lasa vatana mangatsiaka tamin'ny 8 Jolay. Tsy nahay niteny Koreana izy ary tsy nahalala na inona na inona mikasika ilay vadiny sy mikasika ny tsy fahasalaman'ny sainy. Nilaza tamin'ny polisy ilay vadiny taty aoriana fa nahazo toromarika avy amina avelo izy hamono ny vady andefimandriny .

Maro ireo Koreana no nihoron-koditra tamin'izany vaovao izany, ny ankamaroan'izy ireo dia miantso izao loza mitranga izao ho henatry ny firenena .

Nanamarika i Spriglaw, mpisolovava iray sady mpitoraka bilaogy ao anatin'ny lahatsorany iray manomboka amin'ny fehezanteny hoe ‘ manoratra ity aho, ary manantena fa tsy hitranga intsony ny loza toy izany’ fa ratsy hatrany am-piandohana ity fanambadiana ity ary ‘simbàn'ny’ tsy fisian'ny fifandraisana, tsy fahalalana ary fandraisan'andraikitra tara loatra.

신부를 거의 구매하다 싶이하고 서로 말이 통하지 않는 상태에서 폭력과 폭언으로 얼룩진 한국의 결혼생활 그 동안 많은 문제로 곪다 곪다 이제는 터져 버린거 같네요. 이제는 한 가정의 문제가 아닌 국가와 국가의 일로 커질거 같아 정말 걱정인 국제 결혼…이러한 잘못된 결혼 행태는 이미 전부터 사기결혼이라고 불릴만한 결혼들이 성행했었고, 그로 인해 가슴에 상처를 입은 해외 여성들이 많이 생겨났습니다. 이러한 문제를 이미 방송과 같은 언론에서 지적을 했지만 안일한 대처를 지속하던 국가와 국민들에게 베트남 신부의 피살이라는 부끄러운 일이 벌어졌습니다.

Niha-ratsy hatrany hatrany ity olana ity ary potika no niafarany araky ny hita eto amin'ity tranga iray ity. Saika ‘mividy’ ireo vady andefimandriny daholo  ireo tovolahy Koreana ary rakotry ny herisetra ara-nofo sy teny tsy voalanjalanja ny mariazin'izy ireo raha eo amin'ny sehatry ny tsy fifankahazoan'ny fomba fitenin'izy roa izany. Manahy aho fa mety hihoatra ny resa-pianakaviana izany ka ho lasa olan'ny samy firenena … Efa nandady efa hatry ny ela ity karazana mariazy hosoka sy ratsy ity ary efa betsaka ireo vady andefimandry avy any ivelany no voadona tamin'izany. Mazava ho azy, efa navoitran'ny haino aman-jery io olana io, nefa zara raha namaly izany ireo vahoaka Koreana sy ny governemanta ka izany no nitarika ity henatra noho ny famonoana ny vady andefimandry Vietnamiana ity.

Tena miroborobo be ny mariazy iraisam-pirenena any Korea. Manodidina ny 11 isan-jato (35000 tranga ) amin'ny mariazy rehetra dia iraisam-pirenena avokoa, araky ny voalazan'ny Tranobe misahana ny Antontan'isa ao Korea. Fa maro no manahy azy ity, ho mariazy arahina fepetra, eo amin'ny tovolahy tsy azo ampanambadiana sy ny vady andefimandry avy any ivelany, izay amidy eo amin'ny manodidina ny 7000 ka hatramin'ny 10000 dolara. Saika amin'ireo tranga rehetra no ahitàna fa samy tsy mifankafantatra fiteny izy ireo, ary dia tsy mandeha ara-dalàna ity mariazy ity amin'ny farany satria vonoin'ireo vadiny ireo andefimandriny, ary dia lasa mandositra ity farany. Rehefa azo zakaina ihany ny zava-miseho, dia mandefa vola any amin'ireo raiamandreniny any amin'ny tany niaviany ireo vady andefimandry. Matetika no lasa fitambaram-bola be ireo vola alefan'ireo vady andefimandry tanora noho ny sandam-panakalozana vola vahiny .

Trustme77, Koreana mpitoraka blaogy , mipetraka any Vietnam dia nanangona ireo tsikera Vietnamiana momba io tantara io ho anatina lahatsoratra fitateram-baovao iray. Ny sasany nizara ireo tantarany mahavaky fo, ary ny hafa kosa tsy nahatàna ny hatezerany amin'ireo mpiantoka mariazy sy ny governemanta.

슬프다. 많은 베트남 여성들이 돈 때문에 그들 스스로의 존엄성을 상관하지 않는다. 더 슬픈 것은 베트남 법이 너무 느슨하다는 것이다. (Bui Tan Man)
도박같은 삶. 젊은 여성들은 외국 생활을 이해하지 못한다. 대부분 천국일 것이라고 생각한다. 그것은 순진한 여성들이 실수일 뿐이다. (Ta Duc Thong)
당신이 깨달았을 때 행복은 없다. 나는 한국 남성과 결혼하여 한국에서 살고 있다. 나는 브로커를 통해서 결혼했고 수백명의 여성들 사이에서 선택되었을 때 울었다…몇 달 간의 서류 절차를 거처 한국에 갔을 때 나의 꿈은 완전히 무너졌다. 그는 직업이 없었고 간질병 환자였다. 속았다는 것을 알았을 때 고향을 그리워하며 많이 울었다. (Nguyen Thi Hong)
국제 결혼 브로커들은 처벌되야 한다. 왜 당국은 나서지 않는가? (Anh Minh)

Mampalahelo izy ity: Betsaka ireo vehivavy Vietnamiana no tsy miraharaha ireo maha-olona azy noho ny takalo ara-bola ary indrindra ny zavatra tena mampalahelo dia malefaka loatra ny lalàna Vietnamiana . (Bui Tan Man)
Fiainana tandindonin-doza : Betsaka ireo vehivavy tanora no tsy mahazo tsara ny mety ho endriky ny fiainana any amin'ireo firenena vahiny. Mihevitra ny ankamaroan'izy ireo fa hoatry ny fiainana any am-paradisa izany. Saingy hadisoan'ireo vehivavy tsy mahay mandinika izany . (Ta Duc Thong)
Tsy misy fifaliana mihitsy nony injay ianao mahatsapa : manam-bady lehilahy Koreana aho ary mipetraka aty Korea amin'izao fotoana izao. Nahita vady tamin'ny alalan'ny mpiantoka aho ary nikiaka (noho ny hafaliana) raha voafidy ho isan'ireo vehivavy andefimandry amin'ireo vehivavy an-jatony maro… Volana maro tao aorian'ny fikarakarana ireo taratasy, tonga taty Korea aho ary rava ho azy ireo nofinofiko. Tsy manana asa ny vadiko no sady voan'ny androbe. Rehefa tsapako fa voarebireby/voafitaka aho, nidradradradra nitomany be mihitsy aho nieritreritra ny tanindrazako . (Nguyen Thi Hong)
Tokony ho saziana mafy ireo mpikarakara fanambadiana iraisam-pirenena ireo. Inona no nahatonga ny governemanta manao asa matotra amin'izy ity ? (Anh Minh)

Tsy mitondra fanampiana amin'ity toe-javatra ity ny tsy fihetsehan'ny fiarahamonina Koreana , araky ny tsikeran'ny mpitoraka bilaogy Danbee 928, izay manao antso avo amin'ireo Koreana hahatsiaro ireo fotoanan'ny tsy fisiana tamin'ny taona 1960 sy 70, raha nandeha tany an-tanin'ady  na tany amin'ireo Firenena Tandrefana mba hahazo vola ho entina mody ireo Koreana maro .

우리에게도 과거 가난을 탈출하겠다고 서독 광부로, 간호사로, 그리고 월남전으로 떠난 일이 있습니다. 낯설고 물설은 이역만리에서 가난을 이겨 나가겠다고 그리고 되물림 하지 않겠다고 얼마나 힘들게 지냈는지. 왜 개구리 올챙이적 생각을 하지 못할까요?

Nandeha tany amin'ny firenena hafa koa izahay mba hitady vola, ny sasany lasa mpitrandraka harena an-kibon'ny tany any Alemana Atsinanana, ny sasany nanao mpitsabo mpanampy ary ireo hafa ( nanao miaramila na mpiasa) tany amin'ny Adin'i Vietnam. Tadidinao, hatraiza isika no niady hatrany amin'ireo firenena vahiny faran'izay lavitra be any izay tsy fantatsika mihitsy, hiady amin'ny fahantrana ary tsy hamela ny zanatsika ho azon'ny hanoanana. Maninona isika no tsy afaka mahatsiaro izany fotoanan'ny tsy fisiana niainantsika izany?

Nianiana ireo Polisy Koreana Tatsimo ny hanao fanadihadiana feno manerana ny firenena mikasika ireo orinasa mpiantoka mariazy ireo, na voasoratra anarana izy ireo na tsia. Manantena ireo mpitoraka bilaogy fa ho feno sy ho vita tsara izany mba hamafàna ireo loto amin'ny anaran'ny firenena .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.