Nandrava hetsi-panoherana am-pilaminana nanoherana ny fampiasana tsy ara-dalàna ny tanim-bahoaka natao tao afovoan'i Zagreb ny mpitandro ny filaminana Kroaty omaly maraina ary nisambotra sivily mafana fo 11 raha kely. Ny teny famantarana ny lalambe #Varsavska [1] ao amin'ny Twitter no loharanom-baovao haingana sy ahafahana mahita ireo sary.
Ireo fikambanana sivily Right to the City [2] sy Green Action [3] dia nanohana ny fifamoivoizana amin'ny araben'ny Varšavska [= Warsaw] efa am-bolana maro izao [4] mba hisorohana ny famotehana ity tanim-bahoaka ity — lalan'ny mpandeha an-tongotra — hanamboarana làlana mankany amin'ny fametrahana fiara ambanin'ny tany an'ny foibem-pombam-piainana tsy miankina [5] [CRO] ao afovoan'i Zagreb. Ny asan'izy ireo dia tohanan'ireo mponina an'arivony izay nandray anjara tamin'ireo fanoherana [6] maro, sy ireo hetsika ara-kolotsaina [7] nokarakaraina teo amin'io toerana iadiana io.
Io maraina io ny mpitandro filaminana dia nisambotra ny vondrona mpitarika ireo mpanao fihetsiketsehana mba hanomezan-dàlana ireo mpiasa hanapaka ireo hazo “tsy ilaina” amin'ity lalan'ny mpandeha tongotra ity. Ni-tweet [8] [CRO] ny mpandray anjara iray tamin'ny fanoherana, tmedak :
Vaovao farany amin'ny kamion'ny mpitandro filaminana: olona 11 voasambotra noho ny fanoherana #Varsavska [1]
Namoaka sarin'ny [9] mpitandro filaminana fotoana fohy talohan'ny nanombohan-dry zareo ny “famoretana” ihany koa izy. Ireo mpandray anjara sy ireo vavolombelona hafa kosa nampiasa antso an-tariby, Twitter, Twitpic ary yFrog hizarana mivantana ireo vaovao sy ireo sarin'ity zava-nitranga ity.
Ny mpampiasa Twitter topssy [11] dia nandrakitra ity zava-niseho ity tamin'ny alalan'ireo sary:
- filaharan’ [12]ireo mpanao fihetsiketsehana [13] izay nanakana ny fifamoivoizana teo amin'ireo arabe manodidina
- Fiforonan'ny [14] filaharan'ny [15] mpitandro filaminana, sy ireo fiomanana [16]
- fanaraha-maso [17] ny eny an-toerana
- mpitandro filaminana [18] mananatra [19] ireo mpanohitra fa “ny fanakanana ny asan'ny mpitandro filaminana dia fandikan-dalàna”
- ary ny fizotry ny fisamborana [20]
Infopunkt [21] dia namoaka horonantsarin'ity zava-nitranga ity tamin'ny YouTube
Ny mpampiasa Twitter iray krunovidic dia nanolotra [22] [CRO] ny fampiasan-kery voafantina tamin'ity tranga ity:
Miandry ny mpitandro filaminana hanao toy izany amin'ireo mpamboly aho rehefa mibahana ny lalana amin'ny manaraka izy ireo, ary hampiasa ireo fomba tahaka ny nataony tamin'ny mpiasan'ny #Varsavska [1]
Ny mpitoraka blaogy Masedoniana Andrej koa dia nampita ireo vaovao [23] [MKD] ary manome rohy mankany amin'ny horonantsary mivantana [24] [CRO] izay atao ohatra amin'ny tokony hiadian'ireo olom-pirenena ho an'ny zon'izy ireo.