Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Eoropa: Fifaninanana Horonantsary momba ny fahaizana tenim-pirenena maro

sary famantarana ny Polyglot

Raha monina any Eoropa ianao, eo anelanelan'ny 18 hatramin'ny 35 taona ary mahay miteny tenim-pirenena maherin'ny iray, mandraisa anjara amin'ny fifaninanana horonantsary amin'ny aterineto momba ny fahaizana tenim-pirenena maro, ary mahazoa toerana iray amin'ny hetsika famokarana sarimihetsika, izay handeha ary hokarakaraina any amin'ireo nosikelin'i Turku any Finland. 

Ireo mpandresy 18 dia ho afaka handray anjara amin'ny  POLYGLOT – ho any Turku, tetik'asa “Horonantsary an-tsambo” iantohana daholo ny sarany mandritra ny roa herinandro ho fanofanana amin'ny famokarana sarimihetsika, hatao amin'ny volana Jona 2011 any Turku sy ireo nosin'ny Åland any Finland.

Ity hetsika ity dia karakarain'ny NISI MASA ary ao amin'ny vohikalan'ilay fifaninanana dia azavain'izy ireo ny sokajina horonantsary roa eritreretina ho azo alohan'ny fe-potoana farany amin'ny 15 Desambra 2010:

Horonantsary fanoritsoritana (Fanadihadiana momba ny Fahaizako tenim-pirenena maro) - Mampiasa tenim-pirenena samihafa amin'ny fotoana voafaritra ve ianao? Soritsorito ny tontolon'ny tenim-pirenena iainanao, sy ny fiatraikan'izany aminao manokana.

Horonantsary Tononkalo (Famoronana momba ny Tenim-pirenena hanofisako) - Ampiasao ny fitaovana haino aman-jery ho amin'ny fahaiza-manao faran'izany kanto avy aminy. Zarao aminay ireo hevitra tena miavaka sy kanto avy aminao momba ny tenim-pirenena.

Ireo mpandray anjara dia tsy maintsy monina any amin'ny firenena Eoropeana (EU na tsy EU) ary 18 hatramin'ny 35 taona. Ireo tsanganasa manana halavana tsy mihoatra ny  5 minitra, novokarina nanomboka tamin'ny 1 Janoary 2008 dia  mahazo mifaninana.

Ireo horonantsary mandresy dia haseho mandritra ny fankalazana noho ny tanànan'i Turku mankalaza ny maha-Renivohitra Eoropeana momba ny Kolotsaina azy. Aorian'izay dia hatambatra anaty DVD ireo horonantsary fohy ary haseho manerana an'i Eoropa mandritra ireo fampisehoana tohiny.

Ireo horonantsary rehetra dia hampiakarina ao amin'ny vondrona Vimeo ho an'ilay fifaninanana, telo izy ireo hatreto: Bubble Affair, Endless Cry ary The Whistle, manaraka eto.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.