Tantara tamin'ny 15 Jolay 2010
Eoropa: Fifaninanana Horonantsary momba ny fahaizana tenim-pirenena maro
Raha monina any Eoropa ianao, eo anelanelan'ny 18 hatramin'ny 35 taona ary mahay miteny tenim-pirenena maherin'ny iray, mandraisa anjara amin'ny fifaninanana horonantsary amin'ny aterineto momba ny fahaizana tenim-pirenena maro, ary mahazoa toerana iray amin'ny hetsika famokarana sarimihetsika, izay handeha ary hokarakaraina any amin'ireo nosikelin'i Turku any Finland.
Alzeria: Lasa lamaody ve ny fihatsarambelatsihy?
Mandinika ny fihatsarambelatsihy ilay mpitoraka blaogy Alzeriana Salim (Ar) ary manontany hoe: Lasa lamaody ve ny fihatsarambelatsihy? Ndeha hojerena hoe inona no nitondra azy tamin'izany famaranana izany ato amin'ity lahatsoratra ity.
Bahrain: Atsaharo amin'izay!
Miaraka amin'ny volana masin'ny Ramadan silamo (volana fifadian-kanina) izay mihamanakaiky haingana dia haingana, ilay mpitoraka blaogy Bahraini Tawfeeq Al Rayash dia manenjika bitro roa. Mifady hanina mandritra ny telo volana izy ary miala amin'ny fifohana sigara taorian'ny antso fampahatsiarovan-tena avy amin'ny zanany vavy. Manambara ilay mpitoraka blaogy: قررت أن أبدأ...
Rosia: Vaovao, “Lalànan'ny Iray Andro”, fangatahana hanivana ireo fanehoan-kevitra
Alexey Sidorenko dia mandinika ilay fepetra vaovao noraisin'ireo manampahefana Rosiana, manafoana ireo fanehoan-kevitra amin'ireo vohikalan'ny haino aman-jery mpampita vaovao. Na dia tsy mivantana sy tsy dia mandaitra aza izany dia mandrahona ny hametra ireo adihevitra amin'ny aterineto.
Sina: Mandranitra ireo olom-pirenena any Guangzhou ny soso-kevitra hampiasàna bebe kokoa ny teny Mandariny amin'ireo fandaharan'ny fahitalavitra
Nisy soso-kevitra vao haingana amin'ny hampiasàna indray ny teny Mandariny fa tsy Kantone intsony any amin'ireo fandaharam-baovao amin'ny fahitalavitra any Guangzhou, renivohitry ny faritany Sinoa Guangdong, dia nolavin'ireo mponina ao an-toerana mafy.
Palestina: Atrikasa manome hery ireo mpitoraka blaogy any Gaza sy Cisjordanie
Vao haingana izay dia nanome atrikasa mikasika ny fitorahana blaogy tany Gaza sy tany Cisjordanie ny lehiben'ny Global Voices Advocacy, Sami Ben Gharbia. Ireo atrikasa ireo dia nokarakarain'ny Arabic Media Internet Network (AMIN), izay mikendry ny hampitombo ireo mpitoraka blaogy ao anatin'ny fiarahamonina Palestiniana.
