Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

MENA: Mila misafidy i Israely

Avy any ankavia, havanana, afovoany, mirarak'ompana ny fanamelohana taorian'ny fanafihan'i Israely ny sambo Tiorka nizotra ho any Gaza mba hanatotra fanampiana noho ny maha-olona no sady handrava ny fahirano atao amin'ny Palestiniana.

Ao amin'ny  Twitter, i Queen Noor Al Hussein avy any Jordan dia ni-tweet:

Fotoana izao hisafidianan'i Israely na hiaina ao anaty Fanjakana jiolahimboto paria mankahatra ny lalàna iraisam-pirenena & ny maha-olombelona na hifandinika hisian'ny hoavy mandry fahalemana.

Sultan Al Qassemi avy amin'ny firenena UAE  dia mandinika sady zendana:

Oadray jereo, hatramin'ny mpanao jadona Sodaney aza nanameloka ny fanafihan-dozan'ny mpanavakava-bolonkoditra Israeliana. Dia nahita ny tsy fahita aho ka. #jumpingonthebandwagon

Ary i  Mariam, mbola avy any UAE ihany koa, dia mbola miandry izay ho fihetsiky ny Firenena Mikambana mikasika ilay fanafihana:

Nitady izay fanehoan-kevitr'i Ban Ki Moon aho #freedomflotilla. Vaovao farany nivoaka: Ban Ki Moon dia mandrisika ny vahivavy hampiato ny fifohana sigara.

Ny andiany voalohany tamin'ireo  tweets nalefan'i Queen Rania avy any Jordana dia milaza fa:

Tohina noho ny famonoana olona sivily tany amin'ny fari-dranomasina iraisam-pirenena #FreedomFlotilla. Menatra noho ny risi-po sy ny sorona nataon'ireo mpandeha tamin'ny anaran'ny rariny sy ny hitsiny.

Hoy izy manampy avy eo:

Izay sambo rehetra manandrana mandy fahirano dia Sambo irain'ny Fanantenana ho an'ny vahoakan'i  #Gaza.

Sombintsombiny amin'ireo antony:

#FreedomFlotilla Zava-misy1:FAHASALAMANA–95% amin'ny rano ao  Gaza no tsy manaraka ny fenitra WHO [OMS] ka mitondra fanampoizinana ho an'ireo zaza vao teraka an'arivony. PLZ RT!  [Azafady Avereno alefa Tweet!] (source)

#FreedomFlotilla Zava-misy 2:FANABEAZANA–1/3 n'ireo sekoly no rava nandritra ny fanafihana an'i  Gaza tamin'ny taona ‘09; Tsy mbola voavoatra izy ireny. PLZ RT! (source)

#FreedomFlotilla Zava-misy 3: FAHANTRANA– 80% n'ny vahoaka ao  Gaza no miaina ambanin'ny fetra farany mitory fahantrana; 95% n'ireo orinasa tsy mainkina no nandrindrim-baravarana. PLZ RT! (source)

#FreedomFlotilla Zava-misy 4: SAKAFO– Roa ampahatelon'ireo Gazans [mponin'i Gaza] no tsy mahalala intsony hoe avy aiza indray ny ho sakafon'izy ireo manaraka. PLZ RT! (source)

Ilay Ejiptiana Abdelrahman no kinga namaly an'i  Queen:

.@QueenRania روحى صحى جوزك قوليله قوم اسحب السفير يا منيل #FreedomFlotilla
@QueenRania Mifohaza ka tairo ny vadinao ary teneno izy handroaka avy hatrany ny masoivoho (Israeliana)

Mbola avy ao Ejipta, i Amira Howeidy nanamarika fa:

Azafady mba atsaharo ny fampitahana ny tafika Israeliana amin'ireo jiolahin-tsambo Somaliana! Manambany ny jiolahin-tsambo Somaliana izay tsy namono olona akory izany #flotilla #gaza

Mandritra izany, ny Minisitry ny Raharaham-bahiny any Bahrain,  Dr Nazar Al Baharna dia mi-tweet hoe:

Manaraka akaiky izahay miaraka amin'ny Masoivohonay any Jordana sy ny Masoivoho Palestiniana ary ny Minisitry ny Raharaham-bahiny any Jordana mba hijery akaiky ireo teratany  Bahrainis tao anatin'ireo sambo

Ary androany dia mitatitra ny Minisitry ny Raharaham-bahiny any Bahrain, Shaikh Khalid Al Khalifa  fa:

Navotsotra daholo ireo Bahraini voafonja … Efa any Jordana an-dalana hody izy ireo

Araho izahay ao amin'ny takelaka manokana ho fitaterana ny fanafihana ny sambo.

Avy amin'ny Amira Al Hussaini · Navoaka tamin'ny 2 June 2010

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.