Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Balkans : ny itovizan'ny antoko komonista Yogoslavy sy ny facebook

Ao anatin'ny fampihomehezana mahazatra azy no anoloran'i Sead Dzigal ny  lisitry ny [MKD] fitoviana misy eo amin'ny Facebook sy ny  Antoko Komonista tao Yogoslavia (CPY):

  • Facebook – tambajotran-tsosialy 
    CPY – tambajotran-tsosialista
  • Tsinontsinona rehefa tsy mpikambana Facebook
    Tsinontsinona rehefa tsy mpikambana CPY
  • Namanao daholo ny ao amin'ny Facebook na tsy fantatrao aza ny antsasak'izy ireo. 
    Kamaradinao* daholo ny ao amin'ny CPY na tsyfantatrao aza ny antsasak'izy ireo.
  • Ao amin'ny Facebook ianao manohana zavatra atao isan-karazany tsy manao na inona na inona. 
    Ao amin'ny CPY ianao mpikambana amina komity, vaomiera,  fitarihana isan-karazany tsy manao na inona na inona.
  • Ao amin'ny Facebook ianao mahita FarmVille [tanànam-piompiana sy fambolena], 
    Ao amin'ny CPY ianao mahita zadrugas [endrika kolkhoz=koperativam-piompiana sy fambolena] sy fanavaozana ny fizakan-tany.
  • Ao amin'ny Facebook ianao mahita hoe “Like,” [tiako] 
    ao amin'ny CPY ianao mahita hoe “Ho ela velona kamarady…!!!”
  • Facebook – matetika mitsikilo ny fiainanao manokana, 
    CPY – matetika mitsikilo ny fiainanao manokana.

.aNTI namaly tamin'ny alalan'ny fampiasana [MKD] ny fehezanteny fampiasan'i Vaclav Havel matetika:

Feno fomba fijery fanaratsiana ny komonista io lahatsoratra io. Ny hany ratsy kokoa noho ny komonista dia ny anti-komonista.

Mitovy hevitra amin'izany i Recenzent, ary niezaka ny nanaporofo ny hitsin-dalana diso ataon'ny anti-komonista amin'izao fotoana satria efa be ny zavatra niova, hoy ny fanamarihany hoe [MKD]:

  • Heverina fa ny antoko politika no mpamelona ny fampahalalam-baovao. Ankehitriny metyho mpanohana izy ireo na mety ho mpanohitra, saingy ny antoko politika ihany no mpamelona azy ireny.
  • Mora mahazo asa kokoa ianao raha mikambana amin'ny antoko politika. Fa tsy jerena izany hoe antoko CPY ve sa SDSM sa VMRO-DPMNE.

Nomarihany ihany koa fa ny “fanohanana” malaindaina amin'ny hetsika isan-karazany dia mpanjo ny antoko politika ankehitriny ihany koa, tahaka ny mpiady hevitra mpampiasa ny “théories du complot” [petra-kevitry ny fiokoana].

* Mitovy ny dikan'ny namana syny kamarady amin'ny fiteny Slavy tatsimo tahaka ny Masedoniana, Serba, Croaty, Bosniaka…

Filip Stojanovski

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.