Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Chili : Horohorontany mahatratra 8,8 refy Richter

Horohorontany manana herim-pihetsehana 8,8 amin'ny refy Richter no nandona ny faritr'i Maule tamin'ny 3:34 maraina tany an-toerana any Chili io. Heno hatrany an-drenivohitra Santiago izay 325km miala ny ivony ny hetsiky ny tany. Betsaka ny fahasimbana manerana ny firenena, ary mitombo isa araka izany ihany koa ny niharam-boina. Mbola re matetika moa ny setriny nandritra ny tontolo andro tany amin'iny faritra iny.

Haingana dia haingana ny nananganan'i Francisco bolongana antsoina hoe Terremoto Chile [es] (Horohorontany Chili) vantany vao nisy ny horohorontany. Ankoatra ny namoahany ny fepetra tokony horaisin'ny olona rehefa misy ny horohorontany [es], dia nanangona sary sy rohy maro tamin'ny Twitpic ihany koa izy.

Photo of damage to Nuestra Señora de la Divina Providencia Church in Santiago. Taken by Julio Costa Zambelli and used under a Creative Commons license.Sarin'ny fahasimbana nihatra tamin'ny fiangonana Nuestra Señora de la Divina Providencia tao  Santiago. Noihan'i Julio Costa Zambelli ary ampiasaina eo ambany dinan'ny Creative Commons.

Eo akaikin'ny ivony i Robinson Esparza avy amin'ny gazety El aMaule [es], anisan'ny orinasa Diarios Ciudadanos [es] no mamoaka ny vaovao isam-paritra sy anatin'ny firenena farany[es]. Maro amin'ny famoahan-kevitra no ahitana ny ahiahin'ny fianakaviana monina any ivelan'ny renivohitra, ary mbola nitohy izany tsy fandrenesam-baovao izany ho an'ireo mitady fianakaviana na namana izay misy fahatapahana ny herinjiro sy ny taribin'ny sofindavitra. Ny nosoratan'i Ign. Rodríguez de R. (@micronauta) tamin'ny levilevy tao anatiny:

tratando horas d comunicarme con familia en Valparaíso, la red fija telefónica VTR es desastrosa, no se les debería permitir dar servicio :@

tao anatin'ny ora maro no niezahako niantso ny fianakaviana any Valparaíso, tsy mamely ny fiantso tsy mihetsika an'ny VTR, tsy tokony hanao tolotra ry zareo :@

Nanangana kaonty Twitter antsoina hoe Ayuda Chile [es] (Ampio i Chili) ireo mpamoaka vaovao ao amin'ny bolongana Terremoto Chile ka ao no angonina ny vaovao avy amin'ny mpampiasa Twitter hafa mitady fianakaviana ary dia ampiasaina ihany koa ny re-tweeted (mamerina ny sioka an-tserasera ho an'ny mpanaraka). Misy moa ny mpampiasa Twitter sasay tahaka an'i Pablo González Carcey no manolotena hiantso ny olo-pantatr'ireo [es] olona tahaka an'i Daniela Alvarado izay tsy mety mahazo an'antso ny anadahiny any Chili. Hoy izy:

@DaniAlvaradoA hice los llamados y tu familia esta bien! Abrazos

@DaniAlvaradoA, niantso ny fianakavianao aho ka salama tsara izy ireo! Mandra-panoratra

Vao nipoaka ny andro dia maromaro avy hatrany ny sary an-serasera nivoaka. Nivezivezy nanerana an'i Santiago i Claudio Olivares hijery ny fiantraikan'ny voina ka namoaka ny sary tao amin'ny Owly, tahaka ny nataon'i Costanza Campos izay naka saripika ny fahasimban'ny fiangonana ao Santiago.

Naka ity lahatsary manaraka ahitana ny fidabohan'ny lavarangana amin'ny tilikambon'i Bilbao any Las Condes manodidina an'i Santiago ity ny mpampiasa YouTube Franciso Vivallo Sainz:

Efa misy sahady moa ny fanairana mety hisian'ny tsunami navoakan'ny Ivotoerana mpamantatra ny mety hisian'ny tsunami any amin'ny babandranomasin'i (Oseana) Pasifika.

Eduardo Avila

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.