Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arabia Saodita : Ny tondra-dranon'i Jeddah an-tsary

Mbola miresaka momba ilay tondra-dranon'i Jeddah sy ny vokany foana ny olona, telo herinandro taorian'ny ora-mikija sy ny tondra-drano nampihantona ny fiainana tany andrefan'i Arabia Saodita.  Mizara rohy ao amin'ny YouTube ireo mpampiasa aterineto, mampiseho ny fahavoazana goavana, avy amin'ny mailaka.

Bobo6699tariq mizara ity video ity, mampiseho ireo fiara voafaoka eny amin'ny làlana lasa toy ny renirano:

Manazava izy:

سيوول و كوارث جده

والبلديه بانت على حقيقتها في الزفلته وفي حي قويزه بنو بيوت على اوديه والبيوت غرقة والناس ماتت والدفاع المدني ماساعدهم الله يعين ويعوضوهم على مافقدو من بيوت وسيارت واروح والله التوفيق

Ny tondra-dranon'i Jeddah sy ny loza-voajanahary..

Ary dia miseho amin'ny tena endriny ny ao amin'ny Fivondronana [municipality]. Any akaikin'ny Zaflata sy Quwaiz, nanangana trano teny amin'ny lohasaha izy ireo ary dia difotry ny rano ireny trano ireny, maty ny olona nefa tsy nanampy azy ireo akory ny tomponandraikitra amin'ny fiarovana sivily. Hanampy azy ireo anie Andriamanitra ary hampionona  azy ireo amin'ny namoizan'izy ireo trano, fiara ary aina.

MsAbuRayan mampiseho tranga hafa momba ilay tondra-drano:

Manoratra izy:

عز السيل ف شارع جاك شيء مفجع السيل وصل للوحات المحلات !!!!!!!! الله يعوضهم خير أصحاب البيوت والمحلات والسيارات ويرحم من مات
Tondraka ny rano manerana ny araben'i  Jack ary tena nahatsiravina. Difotry ny rano ny rihana voalohan'ireo trano fivarotana. Hamaly soa ireo namoy ny tranony , ny fivarotana ary ny fiarany anie Andriamanitra ary hamindra fo amin'ireo maty anie Izy.

Maher, ao amin'ny Maherex, naka ity video ity, mampiseho fahasimbana hafa:

Namoaka ity video ity koa izy, izay mampiseho fiara marobe simba:

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.