Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Filipina: tondra-drano namoa-doza indrindra tanatin'ny 40 taona

Olona 50 mahery no maty nandritra ny fandalovan'ny rivo-doza “Ondoy” (Kestana) nahazo ny faritra any Manille sy ny manodidina azy rehetra. Niteraka tondra-drano mbola tsy nisy toa azy tato aantin'ny 40 taona ity rivo-doza ity ary olona 280 000 no nafindra toerana tany Manille sy ny faritra 5 hafa, olona 41 000 no voaisa tany amin'ny toby vonjy maika miisa 92. Amin'izao ora anoratana izao dia olona 1 200 000 no miaina ao anatin'ny aizina noho ny fahatapahan-jiro ao an-drenivohitry Filipina.

ondoy

Tsy mijanona ho mpilaza vaovao mahakasika ny rivo-doza fotsiny ny fampahalalam-baovao sosialy any an-toerana fa mandray anjara koa amin'ny fanarahana ny fizotry ny famonjena sy ny fampahafantarana ny maika any amin'ny toerana tra-boina. Nandinika ny fomba fampiasan'ny mpikirakira internet ity fitaovana ity i Joey Alarilla nandritra ny namelezan'ny rivo-doza an'i Manille.

Mitoraka bilaogy amin'ny alalan'ny fampiasana USB HSDPA aloa vola mialoha aho, satria mbola tsy mandeha ny jiro nandritra ny ora maro, na izany aza dia nanam-bitana noho ny mpiray tanindrazana amiko aho satria ny sasany amin'izy ireny mbola tafahitsoka eny an-dalana na eny ambony tafo.

Ny twitter sy ny vohikala hafa tahaka ny Facebook no ampiasain'ny mpikirakira internet any Filipina hanarahana sy hifampizarana vaovao (laharan-tarobia an'ireo mpamonjy voina, fandrindrana ny mpilatsaka an-tsitrapo) satria tapaka ny fitaovam-pifandraisana hafa.

ondoy2

Navoakan'ny Foiben'ny Mpikarakara ny Tra-boina ny lisitra misy ny adiresin'ireo tra-boina mila famonjena maika. Misy koa ny sarin-tany Google natao hamoahana ireo vaovao farany mikasika ireo faritra tondraka any Grand Manille sy hanoroana lalana ireo mpamonjy voina any amin'ireo tanàna kely mila vonjy.
View Ondoy situation map for Metro Manila in a larger map

Mampiasa ny tamba-jotra twitter sy Plurk koa ny Filipiana hanarahana ny dian'ilay rivo-doza. Amin'izany dia ny teny hoe Ondoy sy ny MDCC no teny nampiasaina matetika tao amin'ny twitter tamin'ny asabotsy (26 septambra). Ohatra amin'ireo vaovao farany ao amin'ny twitter:

pretzelgurl: mbola tafahitsoka ao amin'ny toeram-piasany ao maggahan ny dadako, tanàna ao pasig. mba mangataka famonjena.
angeliesa: navotan'ny mpampianatra tamin'ny 12. nandeha tongotra tany anaty rano. tonga taty an-trano tamin'ny 8 alina. malemy daholo ny tenako rehetra.
janblando: mbola tafahitsoka ao amin'ny trano fitoeran'entany ao Country Homes any Cainta ny renibeko. hatreny am-balahana ny rano ao an-tanànany ary mahery be.
ValfrieClaisse: Andriamanitra ô! tsy nisy jiro hatramin'ny omaly. tondraky ny rano ny tanàna rehetra.
dementia: Maro ny fanampiana tonga kanefa ny zavatra tena ilainay dia ny fitaterana ireny fanampiana ireny ho any amin'ny tra-boina
teeemeee: nihena ny rano teny amin'ny toerana fitobian'ny fiara kanefa mbola hetrany an-dohalika sy eny am-balahana, efa nahatratra hatreny amin'ny tratra izany halina.
ArmelEspiritu: tonga tany an-trano ihany ao rehefa avy natory tany anaty fiarako nandritra ny alina. tys maintsy nafindrako tany amin'ny toerana tsy tondraky ny rano mantsy ny fiara.

Sarimihetsika maro koa no navoaka ao amin'ny Youtube, sary mampiseho ny voka-dratsin'ny tondra-drano ao Grand Manille. Sary mihetsika voalohany: tondra-drano ao Makati (toeran'ny vola). Sary mihetsika avy amin'ny Yugaabe

Ity sarimihetsika ity dia mampiseho ny fihoaran'ny reniranon'i Marikina. Sary mihetsika avy amin'ny Initiate360.

Ny lalam-ben'ny Katipunan Avenue, fiara iray no rendrika ao amin'ny lalana feno rano.

Mpandeha an-tongotra miezaka mipita làlana feno rano

Mbola ilaina foana ny fanampiana. Fikambanana maro no maharay fanampiana omena ny tra-boina.

Sary avy amin'nyFlickr

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.