- Global Voices teny Malagasy - https://mg.globalvoices.org -

Tontolo arabo: tonga soa ny ramadan

Sokajy: Bahrain, Ejipta, Koety, Fivavahana, Hehy, Sendikà, Zavakanto & Kolontsaina

Volana manana ny lanjany eo amin'ny tetiandron'ny silamo ny volana masin'ny ramadan. Kendrena mandritra ny volana ny mampianatra ny mpino ara-panahy hahatsapa ny fangirifirian'ireo tsy mitovy saranga aminy, ka tsy mihinan-kanina ny silamo amin'io, tsy misotro, tsy mifoka ary tsy manao firaisana ara-nofo ny maraina vao miposaka mandrapilentiky ny masoandro, mandany andro mivavaka sy mangataka amin'Andriamanitra ny hamelana ny fahotany tamin'ny lasa. Mankalaza ity volana ity koa ny mpitoraka bilaogy manoratra amin'ny teny arabo, ka efa tamin'ny herinandro niandohany, tao amin'ity lahatsoratra ity, no nizaranay ny famoronana ara-javakanto sasantsasany niarahabana ny mpamaky nahatratra ny volana.

Avy any Ejipta i Ahmed El Gamil [1] no nandefa ity sary ity, izay nirariany ny mpamaky hahazo volana feno fitahiana:

Ramadan Wishes [2]

Kuwaitism [3] kosa nankalaza ny volana ka nandefa ity sary ity, sary maneho mpiasa vahiny any Kuwait:

Kuwait Expats [4]

Nanoratra koa izy:

مبارك عليكم الشهر
و أحب أزف أطيب التهاني و التبريكات لكل الفراشين اللي يشتغلون بمطابخ الشركات بمناسبة الإجازة أو الراحة من هالمعازيب الحنة بالدوام! ماكو “راجو جيب قهوة” … “راجو جيب شاي”!
و عسا كل أيامكم أفراح و سعادة جميعا
Arahabaina nahatratra ny volana!
Arahabaiko eto ny mpiasa rehetra, izay miasa any an-dakozian'ny orinasa satria nahazo fialan-tsasatra sy fakan-drivotra, niala tamin'ny antsoantson'ny mpiasa tsy an-kijanona hoe “itondray kafe”, sy ny hoe “itondray dite!”.
Mirary fahafinaretana ho anareo aho.
I Ba7rani87 [5] koa amin'ny teny Barhain mankalaza ny ramadan ary nandefa ity soratra natao tanana ity izay milaza an'i Allah na Andriamanitra:
Allah [6] Allah

Amira Al Hussaini [7]